10 Geh du huê kon bu klâu, me păng jêng phung Israel, mbơ̆ păng jêng bunuyh Êjipt, nsong ta nklang phung ƀon lan Israel jêh ri tâm lơh đah du huê phung Israel tâm ngih bok.
Kon bu klâu bu ur Israel nây yơh ngơi sưr jêh ri rak rtăp ma amoh Brah Yêhôva. Bu njŭn păng tât ma Y-Môis. Amoh me păng H'Sêlômit, kon bu ur Y-Dibri, bơh noi deh Dan.
Piăng let nĕ prăp ma Y-Arôn jêh ri ma phung kon bu klâu păng, khân păng mra sa păng tâm du ntŭk kloh ueh, yorlah păng jêng kô̆ dŭt kloh ueh prăp ma khân păng bơh lĕ ndơ ƀư brah ăn ŭnh sa nhhơr ma Brah Yêhôva. Nây jêng nau dăp n'ho ro tâm lĕ rngôch rnôk khân may.”