Kan Lêvi 23:6 - Nau Brah Ndu Ngơi 2023

⁶ Chuat tât nar jât mprăm tâm khay nây jêng nar rƀŭn Piăng Let Mâu Geh Ndrui nhhơr ma Brah Yêhôva; khân may sa piăng let mâu geh ndrui tâm pơh nar.

Kan Lêvi 23:6 ပူးပေါင်းရင်းမြစ်များ

Nau Ngluh Êjipt 12:14

Nau aơ mra jêng du nau ndray ma khân may. Tâm lĕ rngôch rô̆ ăn khân may mât păng tâm ban du nar rƀŭn ma Brah Yêhôva, jêng nau ntăm djôt prăp n'ho ro.

Nau Ngluh Êjipt 23:15

Ăn may djôt prăp nau rƀŭn Piăng Let Mâu Geh Ndrui. Tâm pơh nar, ăn sa piăng let mâu geh ndrui tâm nar lĕ nal jêh tâm khay Abip, nâm Gâp hŏ ntăm ntĭnh jêh kon, yor tâm khay nây kon hŏ luh jêh bơh n'gor Êjipt. Mâu geh ăn du huê hăn ti dơm văch tanăp măt Gâp.

Nau Ngluh Êjipt 34:18

“Ăn may kah gĭt prăp nau rƀŭn Piăng Let Mâu Geh Ndrui. Nâm bu Gâp hŏ ntĭm nti jêh ma khân may sa piăng let mâu geh ndrui dôl tâm pơh nar ta yan hŏ nal jêh tâm khay Abip, yorlah tâm khay Abip khân may luh bơh n'gor Êjipt.

Nau Vay Nkah Tay 16:3

Lơi sa ndơ ƀư brah nây ndrel ma piăng let geh ndrui. Tâm pơh nar khân may mra sa piăng let mâu geh ndrui, jêng piăng let nau rêh ni, yorlah khân may hŏ luh jêh ma nau ndal bơh n'gor Êjipt, gay du njăr rêh khân may kah gĭt ma nar khân may nơm hŏ luh bơh n'gor Êjipt.

Nau Vay Nkah Tay 16:8

Tâm prao nar, ăn khân may sa piăng let mâu geh ndrui jêh ri tât ta nar tal pơh mra geh nau tâm rƀŭn toyh yơk ma Yêhôva Brah Ndu khân may; khân may mâu dơi ƀư du ntil kan ôh tâm nar nây.”