Kan Lêvi 23:4 - Nau Brah Ndu Ngơi 2023

⁴ Aơ jêng lĕ nar rƀŭn ma Brah Yêhôva, lĕ yan tâm rƀŭn kloh ueh, ăn khân may mbơh nau aơ tĭng nar tâm nal jêh.

Kan Lêvi 23:4 ပူးပေါင်းရင်းမြစ်များ

Nêhêmi 8:15

jêh ri khân păng nkoch mbơh tâm ăp ƀon jêh ri tâm Yêrusalem pô aơ: “Hăn joi hom tâm gôl yôk n'gĭng ôlive jêh ri tơm ôlive bri, n'gĭng tơm mirtơ, n'ha đung jêh ri lĕ n'gĭng tơm si pŭm n'ha gay ƀư ngih ndưp” tĭng nâm nau hŏ nchih jêh.

Nau Ngluh Êjipt 12:14

Nau aơ mra jêng du nau ndray ma khân may. Tâm lĕ rngôch rô̆ ăn khân may mât păng tâm ban du nar rƀŭn ma Brah Yêhôva, jêng nau ntăm djôt prăp n'ho ro.

Nau Ngluh Êjipt 23:14

“Ăp năm pe tơ̆ ăn may djôt prăp rƀŭn yơk ma Gâp.

Êsai 29:1

Rêh ni ngăn ma Ariêl, Ariêl, Jêng ƀon Đavit hŏ ƀư ntŭk păng gŭ! Năm aơ chuat tât ma năm ri, Lĕ rngôch năng rƀŭn tât tĭng năm di.

Êsêkiêl 44:24

Tơlah geh nau tâm rlăch, khân păng jêng kôranh phat dôih, jêh ri phat dôih tĭng nâm nau vay Gâp. Khân păng mra djôt prăp nau vay Gâp jêh ri nau vay dăp Gâp tâm lĕ rngôch nar năng tâm rƀŭn Gâp jêh ri prăp dơi jêng kloh ueh lĕ nar saƀat Gâp.

Kan Lêvi 23:2

“Ăn may ntăm hom ma phung ƀon lan Israel pô aơ: ‘Aơ jêng lĕ nar rƀŭn Brah Yêhôva hŏ tâm nal jêh, ăn khân may mbơh nau aơ nâm bu mbơh nau lĕ yan tâm rƀŭn kloh ueh.

Kan Lêvi 23:21

Tâm nar nây, ăn khân may kuăl rgum lĕ rngôch phung ƀon lan jêh ri geh nau tâm rƀŭn kloh ueh; mâu dơi ƀư du ntil kan vay ƀư tâm ăp nar. Nây jêng nau vay dăp n'ho ro ma lĕ rngôch rnôk khân may, tâm lam ntŭk khân may gŭ rêh.

Kan Lêvi 23:37

Nây jêng lĕ nar rƀŭn khư yơk ma Brah Yêhôva, ăn khân may mbơh nau nây nâm bu lĕ gưl tâm rƀŭn kloh ueh gay nhhơr ma Brah Yêhôva lĕ ndơ nhhơr ăn ŭnh sa, ndơ ƀư brah gŭch, ndơ ƀư brah rnih môi, ndơ ƀư brah ma nau đăp mpăn, jêh ri ndơ nhhơr nhêt, ăp nau rƀŭn di nar păng.

Nahum 1:15

Aơ, ta klơ phung yôk Geh jâng phung ntuh mbơh nau mhe mhan ueh, Jêh ri mbơh nau đăp mpăn! Hơi Yuđa, prăp hom ăp nar tâm rƀŭn Jêh ri ƀư ăn nanê̆ nau ton, Yorlah phung rlăng mâu mra tŭn jot may đŏng ôh, Păng hŏ rai lĕ jêh.