Kan Lêvi 23:38 - Nau Brah Ndu Ngơi 2023

³⁸ Rlau ma nây, khân may djôt prăp đŏng lĕ nar saƀat Brah Yêhôva, lĕ ndơ nhhơr, lĕ ndơ ƀư brah ƀư nau ton jêh ri khân may nơm ŭch nhhơr ma Brah Yêhôva.

Kan Lêvi 23:38 ပူးပေါင်းရင်းမြစ်များ

II Nau Rêh Jêng 31:14

Y-Kôrê, kon bu klâu Y-Imna bunuyh Lêvi, jêng nơm chiă uănh mpông pêr mpeh luh nar, jêng nơm mât lĕ ndơ nhhơr nđơr êng ma Brah Ndu, gay tâm pă lĕ ndơ bu nhhơr prăp jêh ma Brah Yêhôva jêh ri lĕ ndơ nhhơr dŭt kloh ueh.

Nau Mprơ Ơm 56:13

Yorlah May tâm rklaih jêh gâp bơh khĭt, Jêh ri kuăn jâng gâp bơh chêh prah, Gay ma gâp hăn tanăp măt Brah Ndu Tâm nau ang ma nau rêh.

Nau Mprơ Ơm 76:12

Păng nkhĭt lơi nau sưr phung kôranh chiă uănh; Phung hađăch ta neh ntu klach ma Păng.

Êsêkiêl 46:12

Tơlah hađăch nhhơr ma Brah Yêhôva ndơ ƀư brah tĭng ŭch, nđâp lah ndơ ƀư brah gŭch mâu lah ndơ ƀư brah ma nau đăp mpăn, pôri bu mra pơk mpông pêr mpeh luh nar ăn ma hađăch. Hađăch mra nhhơr ndơ ƀư brah gŭch mâu lah ndơ ƀư brah ma nau đăp mpăn nâm bu hađăch hŏ nhhơr jêh ndơ ƀư brah nây ta nar saƀat. Jêh nây, hađăch du luh, jêh ri tơlah hŏ du luh jêh pôri mpông pêr bu dơi ntĭl lơi.”

Kan Lêvi 19:3

Ăp nơm bunuyh ăn yơk ma mbơ̆ mê̆ jêh ri kah gĭt prăp nar saƀat Gâp. Gâp jêng Yêhôva Brah Ndu khân may.

Kan Lêvi 23:3

Lĕ rngôch nau kan dơi ƀư tâm prao nar, ƀiălah tal pơh jêng nar saƀat, du nar rlu, jêng nar tâm rƀŭn kloh ueh, khân may mâu dơi ƀư du ntil kan ôh; nây jêng nar saƀat ma Brah Yêhôva tâm lĕ rngôch ntŭk khân may gŭ.

Kan Lêvi 23:37

Nây jêng lĕ nar rƀŭn khư yơk ma Brah Yêhôva, ăn khân may mbơh nau nây nâm bu lĕ gưl tâm rƀŭn kloh ueh gay nhhơr ma Brah Yêhôva lĕ ndơ nhhơr ăn ŭnh sa, ndơ ƀư brah gŭch, ndơ ƀư brah rnih môi, ndơ ƀư brah ma nau đăp mpăn, jêh ri ndơ nhhơr nhêt, ăp nau rƀŭn di nar păng.

Kan Lêvi 23:39

Kơt nây, ta nar jât ma prăm khay pơh, lôch jêh khân may pĕ play bơh neh, ăn khân may djôt prăp du nau rƀŭn ăn ma Brah Yêhôva tâm pơh nar. Nar tal nguay mra jêng nar rlu jêh ri nar tal pham, lôch jêh nau rƀŭn ăt jêng nar rlu đŏng.

Nau Kơp Bunuyh 29:39

Nĕ jêng lĕ ndơ nhhơr khân may nhhơr hom ma Brah Yêhôva tâm lĕ nar rƀŭn nau khư yơk gay ƀư ndơ ƀư brah gŭch, ndơ ƀư brah rnih môi, ndơ nhhơr nhêt jêh ri ndơ ƀư brah ma nau đăp mpăn, padih lĕ ndơ ƀư brah nau ton jêh ri lĕ ndơ ƀư brah khân may nơm ŭch.”

Nau Vay Nkah Tay 12:6

Khân may mra djôt leo ta nây lĕ ndơ ƀư brah gŭch, lĕ mpa ƀư brah, pi du kô̆ tâm jât, ndơ nhhơr yơr, ndơ nhhơr ƀư nanê̆ nau ton, ndơ nhhơr ma nuih n'hâm rŏng, jêh ri lĕ kon dak bôk tâm mpôl ndrôk jêh ri biăp khân may.