Kan Lêvi 23:21 - Nau Brah Ndu Ngơi 2023

²¹ Tâm nar nây, ăn khân may kuăl rgum lĕ rngôch phung ƀon lan jêh ri geh nau tâm rƀŭn kloh ueh; mâu dơi ƀư du ntil kan vay ƀư tâm ăp nar. Nây jêng nau vay dăp n'ho ro ma lĕ rngôch rnôk khân may, tâm lam ntŭk khân may gŭ rêh.

Kan Lêvi 23:21 ပူးပေါင်းရင်းမြစ်များ

Nau Ntơm 17:7

Gâp mra njêng nau tâm rnglăp đah may jêh ri đah noi deh kon sau may bơh rô̆ aơ tât rô̆ êng; yorlah aơ jêng nau tâm rnglăp n'ho ro gay Gâp jêng Brah Ndu may jêh ri mpeh noi deh may.

Nau Ngluh Êjipt 27:21

Tâm Ngih Bok Nau Tâm Rƀŭn mpeh padih bok panăp Hip Nau Tâm Rnglăp, Y-Arôn jêh ri phung kon bu klâu păng mra mât mray ŭnh kađen ăn ang mro tanăp Brah Yêhôva ntơm bôk măng tât ôi. Aơ mra jêng nau vay dăp n'ho ro ma lĕ rnôk rô̆ phung ƀon lan Israel.”

Êsai 11:10

Tâm nar nây, tơm reh Y-Yêsê mra dâk ta nây ƀư n'ha kơ ma lĕ rngôch phung ƀon lan; lĕ bri dak mra joi tât Păng da dê, jêh ri ntŭk Păng gŭ rlu mra bêng nau chrêk rmah.

Kan Lêvi 23:14

Khân may mâu dơi sa piăng let mâu lah găr ba vâr mâu lah nkong ba nse kŏ tât ta nar nĕ, nây jêng nar khân may nhhơr ndơ ƀư brah ma Brah Ndu khân may. Nây jêng nau vay dăp n'ho ro ma lĕ rngôch rnôk, tâm lam ntŭk khân may gŭ rêh.

Kan Lêvi 23:2

“Ăn may ntăm hom ma phung ƀon lan Israel pô aơ: ‘Aơ jêng lĕ nar rƀŭn Brah Yêhôva hŏ tâm nal jêh, ăn khân may mbơh nau aơ nâm bu mbơh nau lĕ yan tâm rƀŭn kloh ueh.

Kan Lêvi 23:20

Kôranh ƀư brah mra nhhơr lĕ mpa nây tanăp Brah Yêhôva, ndrel ma bar mpơng piăng let ƀư đah ba bôk yan jêh ri bar mlâm biăp kon, tĭng nau vay ƀư ndơ̆ đah aơ ndơ̆ đah ri. Lĕ rngôch mpa nây mra jêng kloh ueh ma Brah Yêhôva jêh ri ăn mpa nây ma kôranh ƀư brah.

Kan Lêvi 23:25

Khân may mâu dơi ƀư du ntil kan vay ƀư tâm ăp nar, ƀiălah ăn khân may nhhơr lĕ ndơ nhhơr ăn ŭnh sa ma Brah Yêhôva.’”

Kan Lêvi 23:31

Lơi khân may ƀư du ntil kan ôh. Nây jêng nau vay dăp n'ho ro ma lĕ rngôch rnôk khân may, tâm lam ntŭk khân may gŭ rêh.

Kan Lêvi 23:4

Aơ jêng lĕ nar rƀŭn ma Brah Yêhôva, lĕ yan tâm rƀŭn kloh ueh, ăn khân may mbơh nau aơ tĭng nar tâm nal jêh.

Kan Lêvi 23:7

Ta nar tal nguay khân may mra geh nau tâm rƀŭn kloh ueh, khân may mâu dơi ƀư du ntil kan vay ƀư tâm ăp nar.

Kan Lêvi 3:17

Aơ jêng nau vay dăp n'ho ro ma noi deh khân may ta ăp ntŭk khân may gŭ: khân may mâu dơi sa ngi mâu lah mham ôh.’”

Nau Kơp Bunuyh 18:23

Ƀiălah phung Lêvi mra pah kan tâm Ngih Bok Nau Tâm Rƀŭn jêh ri khân păng mra anh nau tih khân păng. Khân păng mâu mra geh drăp ndơn ôh ta nklang phung ƀon lan Israel. Nĕ jêng du nau vay dăp n'ho ro tâm lĕ rngôch rô̆.

Nau Vay Nkah Tay 16:11

Ăn khân may nđâp ma phung kon bu klâu, kon bu ur, nơm kơl kan bu klâu jêh ri bu ur khân may, phung Lêvi gŭ tâm ƀon khân may, bu năch, kon đơi, jêh ri bu ur ndrô gŭ ta nklang khân may, răm maak hom văch rƀŭn ta ntŭk Yêhôva Brah Ndu mra săch gay ăn amoh Păng gŭ ta nây.