Kan Lêvi 23:19 - Nau Brah Ndu Ngơi 2023

¹⁹ Ăn phung tâm rƀŭn khân may nhhơr đŏng du mlâm be nkuăng jêng ndơ ƀư brah chuai nau tih jêh ri bar mlâm biăp kon du năm jêng ndơ ƀư brah đăp mpăn.

Kan Lêvi 23:19 ပူးပေါင်းရင်းမြစ်များ

Kan Lêvi 16:15

Jêh nây, Y-Arôn nkhĭt be nkuăng dŏng ƀư ndơ ƀư brah chuai nau tih ma phung ƀon lan, jêh nây djôt mham lăp tâm trôm blah bok, jêh ri sŏk đŏng mham păng mbrih ta mpeh luh nar ta ndrŭp nau yô̆ an, ntĭt jêng panăp ndrŭp nau yô̆ an, nâm bu lĕ dŏng jêh mham ndrôk.

Kan Lêvi 23:18

Ndrel ma piăng let, ăn lĕ rngôch phung tâm rƀŭn khân may nhhơr đŏng pơh mlâm biăp kon du năm mâu geh têl khap ôh, du mlâm ndrôk jêh ri bar mlâm biăp nkuăng ƀư ndơ ƀư brah gŭch nhhơr ma Brah Yêhôva ndrel ma ndơ ƀư brah rnih môi jêh ri ndơ nhhơr nhêt; ndơ ƀư brah gŭch jêng ndơ ƀư brah ăn ŭnh sa, geh n'hôl ƀâu kah ma Brah Yêhôva.

Kan Lêvi 23:20

Kôranh ƀư brah mra nhhơr lĕ mpa nây tanăp Brah Yêhôva, ndrel ma bar mpơng piăng let ƀư đah ba bôk yan jêh ri bar mlâm biăp kon, tĭng nau vay ƀư ndơ̆ đah aơ ndơ̆ đah ri. Lĕ rngôch mpa nây mra jêng kloh ueh ma Brah Yêhôva jêh ri ăn mpa nây ma kôranh ƀư brah.

Nau Kơp Bunuyh 15:24

tơlah phung tâm rƀŭn lăn ƀư tih jêh ƀiălah mâu gĭt ôh, lĕ phung tâm rƀŭn mra nhhơr du mlâm ndrôk nkuăng rah dŏng ma ndơ ƀư brah gŭch geh n'hôl ƀâu kah nhhơr ma Brah Yêhôva, ndrel ma ndơ ƀư brah rnih môi jêh ri ndơ nhhơr nhêt jêh ri du mlâm be nkuăng jêng ndơ ƀư brah chuai nau tih.

Nau Kơp Bunuyh 28:30

Ăt nhhơr hom du mlâm be nkuăng gay ƀư nau rƀŭn chuai nau tih khân may nơm.

Samƀŭt Pôl Njuăl Ăn Ma Phung Nsing Ta Ƀon Rôm 8:3

Yorlah moh nau vay mâu dơi ƀư, yor nglay săk ƀư păng rdja, Brah Ndu ƀư jêh: Păng njuăl Kon Păng nơm geh nglay săk tâm ban ma nglay săk tih gay ma dăp nkra nau tih; Păng tâm rmal jêh nau tih tâm nglay săk,

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.