Kan Lêvi 23:18 - Nau Brah Ndu Ngơi 2023

¹⁸ Ndrel ma piăng let, ăn lĕ rngôch phung tâm rƀŭn khân may nhhơr đŏng pơh mlâm biăp kon du năm mâu geh têl khap ôh, du mlâm ndrôk jêh ri bar mlâm biăp nkuăng ƀư ndơ ƀư brah gŭch nhhơr ma Brah Yêhôva ndrel ma ndơ ƀư brah rnih môi jêh ri ndơ nhhơr nhêt; ndơ ƀư brah gŭch jêng ndơ ƀư brah ăn ŭnh sa, geh n'hôl ƀâu kah ma Brah Yêhôva.

Kan Lêvi 23:18 ပူးပေါင်းရင်းမြစ်များ

Kan Lêvi 1:3

Tơlah ndơ nhhơr bơh bunuyh nây jêng ndơ ƀư brah gŭch ma ndrôk, ăn păng săch du mlâm ndrôk nkuăng mâu geh têl khap ôh. Ăn bunuyh nây nhhơr ndơ nây ta mpông Ngih Bok Nau Tâm Rƀŭn tanăp Brah Yêhôva, gay ma Păng maak dơn.

Kan Lêvi 23:17

Ăp rnăk vâl ăn khân may njŭn bar mlâm piăng let gay ƀư mpa nhhơr, tĭng nau vay ƀư ndơ̆ đah aơ ndơ̆ đah ri; ăp mpơng ƀănh dơi ƀư tâm di ma bar kilô rnih môi geh pot ndrui jêh ri gŭch, nây jêng ndơ dak bôk nhhơr ma Brah Yêhôva.

Kan Lêvi 23:19

Ăn phung tâm rƀŭn khân may nhhơr đŏng du mlâm be nkuăng jêng ndơ ƀư brah chuai nau tih jêh ri bar mlâm biăp kon du năm jêng ndơ ƀư brah đăp mpăn.

Kan Lêvi 7:13

Ndrel ma mpa ƀư brah bơh ndơ ƀư brah đăp mpăn gay ƀư nau tâm rnê, ăn păng nhhơr ntop đŏng ƀănh geh ndrui.