Kan Lêvi 23:17 - Nau Brah Ndu Ngơi 2023

¹⁷ Ăp rnăk vâl ăn khân may njŭn bar mlâm piăng let gay ƀư mpa nhhơr, tĭng nau vay ƀư ndơ̆ đah aơ ndơ̆ đah ri; ăp mpơng ƀănh dơi ƀư tâm di ma bar kilô rnih môi geh pot ndrui jêh ri gŭch, nây jêng ndơ dak bôk nhhơr ma Brah Yêhôva.

Kan Lêvi 23:17 ပူးပေါင်းရင်းမြစ်များ

Nêhêmi 10:37

Hên hŏ ton tâm ban lĕ djôt leo tât ta lĕ jay kloh ueh ngih Brah Ndu rnih ueh lor lơn, lĕ ndơ ƀư brah, kao play tâm lĕ ntil tơm play, ndrănh mhe jêh ri dak ngi ôlive, jêh nây jao ma phung kôranh ƀư brah. Hôm du kô̆ tâm jât kao play luh tă tâm neh, hên djôt leo chê̆ ma phung Lêvi jêng phung sŏk du kô̆ tâm jât kao play bơh neh lŏ tâm lĕ rngôch ƀon hên.

Nau Ngluh Êjipt 22:29

May mâu dơi ôh mbrĕ mbrơi tâm nau nhhơr lĕ ndơ play dak bôk bơh mir may jêh ri ndrănh khân may. Ăn khân may nhhơr phung kon bu klâu bôk rah ma Gâp.

Nau Ngluh Êjipt 23:16

Ăn kon djôt prăp nau rƀŭn Yan Rek jêng rƀŭn nhhơr play kao dak bôk yor tă bơh nau kan kon hŏ nsrih ta mir. Kon djôt prăp đŏng nau rƀŭn, Rgum ta lôch năm, lah kon rgum lĕ jêh play bơh n'hâm suan kan nsĭt bơh mir.

Nau Ngluh Êjipt 23:19

Ăn djôt leo dĭng lĕ play dak bôk dŭt ueh bơh neh may lăp tâm ngih Brah Yêhôva Brah Ndu. May mâu dơi gâm ôh be tâm dak toh me păng.”

Nau Ngluh Êjipt 34:22

Ăn khân may djôt prăp nau rƀŭn Lĕ Pơh ma play kao bôk yan kăch ba ƀlê, jêh ri nau rƀŭn Roih ta lôch năm.

Nau Ngluh Êjipt 34:26

Ăn may nhhơr play dak bôk dŭt ueh bơh neh may lăp tâm ngih Brah Yêhôva Brah Ndu. May mâu dơi gâm ôh be tâm dak toh me păng.”

Kan Lêvi 2:12

Khân may dơi nhhơr lĕ ntil ndơ nây ma Brah Yêhôva tâm ban ndơ nhhơr bôk yan, ƀiălah mâu dơi su ôh păng ta klơ nơng ƀư brah nâm bu ndơ ƀư brah geh ndơ ƀâu kah.

Kan Lêvi 23:10

“Ăn may ntăm hom ma phung ƀon lan Israel pô aơ: ‘Lah khân may hŏ lăp jêh tâm n'gor Gâp ăn ma khân may jêh ri khân may hŏ kăch roih lĕ yan play, ăn khân may djôt leo du nchăp ba bôk yan tât ta kôranh ƀư brah.

Kan Lêvi 23:18

Ndrel ma piăng let, ăn lĕ rngôch phung tâm rƀŭn khân may nhhơr đŏng pơh mlâm biăp kon du năm mâu geh têl khap ôh, du mlâm ndrôk jêh ri bar mlâm biăp nkuăng ƀư ndơ ƀư brah gŭch nhhơr ma Brah Yêhôva ndrel ma ndơ ƀư brah rnih môi jêh ri ndơ nhhơr nhêt; ndơ ƀư brah gŭch jêng ndơ ƀư brah ăn ŭnh sa, geh n'hôl ƀâu kah ma Brah Yêhôva.

Kan Lêvi 7:13

Ndrel ma mpa ƀư brah bơh ndơ ƀư brah đăp mpăn gay ƀư nau tâm rnê, ăn păng nhhơr ntop đŏng ƀănh geh ndrui.

Nau Kơp Bunuyh 15:17

Brah Yêhôva ngơi đŏng ma Y-Môis:

Nau Kơp Bunuyh 18:12

Gâp ăn ma may lĕ ndơ nhhơr bôk yan phung ƀon lan Israel nhhơr ma Brah Yêhôva, jêng lĕ kô̆ nâm dak ngi, ndrănh krăk ƀâu jêh ri ba ueh ngăn ngên.

Nau Kơp Bunuyh 18:13

Lĕ rngôch kao play dak bôk tă tâm neh phung ƀon lan Israel nhhơr ma Brah Yêhôva mra jêng ndơ may. Lĕ rngôch phung geh nau kloh tâm ngih may mra dơi sa lĕ ndơ nây.

Nau Kơp Bunuyh 28:26

“Ta yan nau rƀŭn Lĕ Pơh di tâm nar geh kao play dak bôk, tơlah khân may nhhơr ndơ ƀư brah rnih môi mhe ma Brah Yêhôva, ăn khân may geh nau tâm rƀŭn kloh ueh jêh ri mâu dơi ƀư du ntil kan vay ƀư ôh.

Mathay 13:33

Păng lah ma khân păng ma nau ngơi hôr êng: “Ƀon bri hađăch klơ trôk jêng tâm ban ma ndrui, du huê bu ur ri sŏk pot tâm pe rbâng rnih, ma tât rnih dang hao âk.”

Samƀŭt Pôl Njuăl Ăn Ma Phung Nsing Ta Ƀon Rôm 8:23

mâu di knŏng êng lĕ rngôch ndơ, ƀiălah nđâp ma he jêng phung bunuyh geh Brah Huêng Ueh jêng play bôk yan, rđêng lĕ tâm nuih n'hâm dôl gŭ kâp gân nau jêng kon mât rong, jêng nau tâm chuai ma săk jăn he.

I Kôrintô 15:20

Ƀiălah aƀaơ, Brah Krist dâk rêh tay jêh tă bơh nau khĭt. Păng jêng play bôk yan ma phung khĭt jêh.

Yakơ 1:18

Păng hŏ dŏng nau ngơi ngăn deh he tĭng nâm nau Păng mĭn gay ma he jêng du ntil play bôk yan tâm lĕ rngôch ndơ Păng njêng.

Nau Tâm Mpơl 14:4

Phung bunuyh nây mâu mâp ƀư ƀơ̆ ƀơch đah bu ur ôh, yorlah khân păng jêng phung kloh. Mbah ntŭk Kon Biăp hăn, phung bunuyh nây hăn tĭng ta ntŭk nây. Bu hŏ chuai jêh khân păng tă bơh nklang kon bunuyh gay ƀư play bôk yan ma Brah Ndu jêh ri ma Kon Biăp.