Kan Lêvi 23:12 - Nau Brah Ndu Ngơi 2023

¹² Ăt tâm nar nây khân may nhhơr nchăp ba ma nau vay ƀư ndơ̆ đah aơ ndơ̆ đah ri, ăn khân may nhhơr du mlâm kon biăp nkuăng geh du năm mâu geh têl khap gay ƀư ndơ ƀư brah gŭch ma Brah Yêhôva,

Kan Lêvi 23:12 ပူးပေါင်းရင်းမြစ်များ

Nau Ngluh Êjipt 12:5

Nhŭp hom tâm mpôl phung biăp mâu lah tâm mpôl phung be khân may, du mlâm biăp kon nkuăng mâu lah be kon nkuăng tâm du năm, mâu geh têl khap ôh;

Kan Lêvi 1:10

Tơlah ndơ bunuyh nây nhhơr jêng ndơ ƀư brah gŭch ma mpô mpa rong jê̆, mâu lah biăp mâu lah be, ăn păng nhhơr du mlâm mpô mpa nkuăng mâu geh têl khap ôh.

Kan Lêvi 1:3

Tơlah ndơ nhhơr bơh bunuyh nây jêng ndơ ƀư brah gŭch ma ndrôk, ăn păng săch du mlâm ndrôk nkuăng mâu geh têl khap ôh. Ăn bunuyh nây nhhơr ndơ nây ta mpông Ngih Bok Nau Tâm Rƀŭn tanăp Brah Yêhôva, gay ma Păng maak dơn.

Kan Lêvi 23:11

Tâm du nar pakơi nar saƀat, kôranh ƀư brah mra nhhơr nchăp ba nây ma nau vay ƀư ndơ̆ đah aơ ndơ̆ đah ri tanăp Brah Yêhôva gay ma khân may dơi dơn.

Kan Lêvi 23:13

jêh ri du ndơ ƀư brah rnih môi ma bar kilô rnih môi pot đah dak ngi, jêng ndơ ƀư brah ăn ŭnh sa, geh n'hôl ƀâu kah nhhơr ma Brah Yêhôva, ndrel ma du lit ndrănh gay ƀư ndơ nhhơr nhêt.

I Pêtrôs 1:19

ƀiălah ma mham khlay Brah Krist, nâm bu mham du mlâm kon biăp geh ntŭk kuet, mâu geh têl khap,