Kan Lêvi 23:11 - Nau Brah Ndu Ngơi 2023

¹¹ Tâm du nar pakơi nar saƀat, kôranh ƀư brah mra nhhơr nchăp ba nây ma nau vay ƀư ndơ̆ đah aơ ndơ̆ đah ri tanăp Brah Yêhôva gay ma khân may dơi dơn.

Kan Lêvi 23:11 ပူးပေါင်းရင်းမြစ်များ

Nau Ngluh Êjipt 28:38

Pŏk jê̆ nây mra gŭ ta ndăr kleng Y-Arôn jêh ri Y-Arôn mra tuy moh nau tih tât ma ndơ nhhơr kloh ueh bơh phung ƀon lan Israel hŏ nhhơr. Pŏk jê̆ nây mra gŭ ƀaƀơ ta ndăr kleng Y-Arôn, gay ma Brah Yêhôva dơn khân păng.

Nau Ngluh Êjipt 29:24

jêh nây may dơm lĕ ndơ nây tâm mpang ti Y-Arôn jêh ri tâm mpang ti phung kon bu klâu păng jêh ri ăn may ƀư nau kan nhhơr ndơ ƀư brah ndơ̆ đah aơ ndơ̆ đah ri tanăp măt Brah Yêhôva.

Kan Lêvi 10:14

Bi ma nting rpaih nse hŏ nhhơr jêh ma Brah Yêhôva nâm du ndơ nhhơr êng jêh ri nglik hŏ nhhơr jêh ma Brah Ndu, may ndrel ma phung kon bu ur kon bu klâu may mra sa tâm du ntŭk kloh. Lĕ ndơ nây bu hŏ ăn jêh ma may jêh ri ma phung kon bu klâu may, sŏk jêh bơh ndơ ƀư brah đăp mpăn bơh phung ƀon lan Israel.

Kan Lêvi 23:10

“Ăn may ntăm hom ma phung ƀon lan Israel pô aơ: ‘Lah khân may hŏ lăp jêh tâm n'gor Gâp ăn ma khân may jêh ri khân may hŏ kăch roih lĕ yan play, ăn khân may djôt leo du nchăp ba bôk yan tât ta kôranh ƀư brah.

Kan Lêvi 23:12

Ăt tâm nar nây khân may nhhơr nchăp ba ma nau vay ƀư ndơ̆ đah aơ ndơ̆ đah ri, ăn khân may nhhơr du mlâm kon biăp nkuăng geh du năm mâu geh têl khap gay ƀư ndơ ƀư brah gŭch ma Brah Yêhôva,

Kan Lêvi 9:21

Ƀiălah Y-Arôn sŏk lĕ nting rpaih nse jêh ri nglik pa ma jêh ri ƀư nau vay ƀư ndơ̆ đah aơ ndơ̆ đah ri tanăp Brah Yêhôva, tĭng nâm Y-Môis hŏ ntăm jêh.

Bu ur Rut 1:22

Tâm ban pônây H'Naômi ndrel ma ƀăn păng jêng H'Rut, bu ur Môap, plơ̆ sĭt tă bơh bri Môap. Bar hê khân păng hăn tât ma Ƀêtlêhem ta yan bu ntơm kăch rek ba ôrgơ.