Kan Lêvi 23:10 - Nau Brah Ndu Ngơi 2023

¹⁰ “Ăn may ntăm hom ma phung ƀon lan Israel pô aơ: ‘Lah khân may hŏ lăp jêh tâm n'gor Gâp ăn ma khân may jêh ri khân may hŏ kăch roih lĕ yan play, ăn khân may djôt leo du nchăp ba bôk yan tât ta kôranh ƀư brah.

Kan Lêvi 23:10 ပူးပေါင်းရင်းမြစ်များ

Nau Ngluh Êjipt 22:29

May mâu dơi ôh mbrĕ mbrơi tâm nau nhhơr lĕ ndơ play dak bôk bơh mir may jêh ri ndrănh khân may. Ăn khân may nhhơr phung kon bu klâu bôk rah ma Gâp.

Nau Ngluh Êjipt 23:16

Ăn kon djôt prăp nau rƀŭn Yan Rek jêng rƀŭn nhhơr play kao dak bôk yor tă bơh nau kan kon hŏ nsrih ta mir. Kon djôt prăp đŏng nau rƀŭn, Rgum ta lôch năm, lah kon rgum lĕ jêh play bơh n'hâm suan kan nsĭt bơh mir.

Nau Ngluh Êjipt 23:19

Ăn djôt leo dĭng lĕ play dak bôk dŭt ueh bơh neh may lăp tâm ngih Brah Yêhôva Brah Ndu. May mâu dơi gâm ôh be tâm dak toh me păng.”

Nau Ngluh Êjipt 34:22

Ăn khân may djôt prăp nau rƀŭn Lĕ Pơh ma play kao bôk yan kăch ba ƀlê, jêh ri nau rƀŭn Roih ta lôch năm.

Nau Ngluh Êjipt 34:26

Ăn may nhhơr play dak bôk dŭt ueh bơh neh may lăp tâm ngih Brah Yêhôva Brah Ndu. May mâu dơi gâm ôh be tâm dak toh me păng.”

Êsêkiêl 44:30

Lĕ rngôch kao play dak bôk dŭt ueh tâm lĕ rngôch play kao ndrel lĕ rngôch ndơ ƀư brah rnih môi khân may hŏ nhhơr jêh, jêng ndơ phung kôranh ƀư brah da dê. Khân may mra nhhơr đŏng ăn ma phung kôranh ƀư brah rnih pach ueh lơn khân may gay ma nau ueh uĭn dơi gŭ tâm ngih khân may.

Kan Lêvi 14:34

“Tơlah khân may lăp tâm n'gor Kanaan jêng n'gor Gâp mra ăn khân may ƀư drăp ndơn, tơlah Gâp n'gân du ntil nau têl mbrĭng ta du rplay ngih tâm n'gor khân may mra pit sŏk,

Kan Lêvi 23:11

Tâm du nar pakơi nar saƀat, kôranh ƀư brah mra nhhơr nchăp ba nây ma nau vay ƀư ndơ̆ đah aơ ndơ̆ đah ri tanăp Brah Yêhôva gay ma khân may dơi dơn.

Kan Lêvi 23:17

Ăp rnăk vâl ăn khân may njŭn bar mlâm piăng let gay ƀư mpa nhhơr, tĭng nau vay ƀư ndơ̆ đah aơ ndơ̆ đah ri; ăp mpơng ƀănh dơi ƀư tâm di ma bar kilô rnih môi geh pot ndrui jêh ri gŭch, nây jêng ndơ dak bôk nhhơr ma Brah Yêhôva.

Kan Lêvi 23:9

Brah Yêhôva lah tay ma Y-Môis:

Nau Kơp Bunuyh 15:2

“Lah hom ma phung ƀon lan Israel pô aơ: ‘Tơlah khân may lăp tâm n'gor Gâp ăn ma khân may gŭ,

Nau Kơp Bunuyh 28:26

“Ta yan nau rƀŭn Lĕ Pơh di tâm nar geh kao play dak bôk, tơlah khân may nhhơr ndơ ƀư brah rnih môi mhe ma Brah Yêhôva, ăn khân may geh nau tâm rƀŭn kloh ueh jêh ri mâu dơi ƀư du ntil kan vay ƀư ôh.

Samƀŭt Pôl Njuăl Ăn Ma Phung Nsing Ta Ƀon Rôm 11:16

Tơlah kô̆ rnih lor lơn nhhơr jêng kloh ueh, lĕ rngôch mbŭch rnih jêng kloh ueh tâm ban lĕ; tơlah reh jêng kloh ueh, đơ n'gĭng păng kloh ueh tâm ban lĕ.

Nau Vay Nkah Tay 16:9

“Ăn khân may kơp pơh nar ver; ntơm kơp pơh nar ver aơ bơh rnôk khân may dŏng nhuĕ ntơm rek ba.

Yakơ 1:18

Păng hŏ dŏng nau ngơi ngăn deh he tĭng nâm nau Păng mĭn gay ma he jêng du ntil play bôk yan tâm lĕ rngôch ndơ Păng njêng.

Yôsuê 3:15

Nôk nây, dak krong Yurdan hao toyh ler tât ta kơh dôl tâm lĕ yan kăch. Tơlah phung tung Hip Nau Tâm Rnglăp tât ta dak krong Yurdan, jêh ri jâng phung kôranh ƀư Brah tung Hip Nau Tâm Rnglăp lah nđĭl ta dak

Nau Tâm Mpơl 14:4

Phung bunuyh nây mâu mâp ƀư ƀơ̆ ƀơch đah bu ur ôh, yorlah khân păng jêng phung kloh. Mbah ntŭk Kon Biăp hăn, phung bunuyh nây hăn tĭng ta ntŭk nây. Bu hŏ chuai jêh khân păng tă bơh nklang kon bunuyh gay ƀư play bôk yan ma Brah Ndu jêh ri ma Kon Biăp.

Bu ur Rut 1:22

Tâm ban pônây H'Naômi ndrel ma ƀăn păng jêng H'Rut, bu ur Môap, plơ̆ sĭt tă bơh bri Môap. Bar hê khân păng hăn tât ma Ƀêtlêhem ta yan bu ntơm kăch rek ba ôrgơ.