Kan Lêvi 22:31 - Nau Brah Ndu Ngơi 2023

³¹ Pôri ăn khân may djôt prăp jêh ri ƀư tĭng kơt lĕ nau vay ntăm bơh Gâp. Gâp jêng Brah Yêhôva.

Kan Lêvi 22:31 ပူးပေါင်းရင်းမြစ်များ

Kan Lêvi 19:19

Ăn khân may djôt prăp lĕ nau vay Gâp dăp. Lơi ăn ôh ntil mpa nây tâm gar ma ntil mpa êng; lơi srih bar ntil găr tâm mir khân may jêh ri mâu lĕ dơi nsoh kho ao bu tanh ma bar ntil brai êng êng.

Kan Lêvi 19:37

Pôri khân may djôt prăp hom jêh ri ƀư tĭng lĕ rngôch lĕ nau vay dăp jêh ri lĕ nau vay Gâp ƀư. Gâp jêng Brah Yêhôva.’”

Kan Lêvi 22:30

Ăn sa ndơ ƀư brah tâm nar nây ro, mâu dơi om du ntil ndơ kŏ tât ang ôi taơ. Gâp jêng Brah Yêhôva.

Kan Lêvi 22:32

Lơi ngơi sưr ta amoh kloh ueh Gâp ôh, gay ma Gâp geh nau kloh ueh ta nklang phung ƀon lan Israel. Gâp jêng Brah Yêhôva, Nơm ƀư kloh ueh ăn ma khân may,

Nau Kơp Bunuyh 15:40

Pônây, khân may mra kah gĭt tay jêh ri ƀư tĭng kơt lĕ rngôch nau vay ntăm bơh Gâp jêh ri tâm ban pônây khân may mra prăp êng jêng kloh ueh ma Brah Ndu khân may.

Nau Vay Nkah Tay 4:40

Djôt prăp hom lĕ nau vay Păng dăp jêh ri nau vay Păng ntăm, gâp ăn jêh ma khân may nar aơ gay ma khân may jêh ri ma phung kon sau khân may pakơi taơ geh nau ueh uĭn, jêh ri dơi gŭ jŏ nar tâm n'gor Yêhôva Brah Ndu khân may ăn jêh ma khân may n'ho ro.”