Kan Lêvi 22:2 - Nau Brah Ndu Ngơi 2023

² “Lah hom ma Y-Arôn jêh ri ma phung kon bu klâu păng, njrăng hom đah lĕ ndơ nhhơr kloh ueh phung ƀon lan Israel nhhơr ma Gâp, gay ma khân păng mâu ôh ngơi sưr ma amoh kloh ueh Gâp. Gâp jêng Brah Yêhôva.

Kan Lêvi 22:2 ပူးပေါင်းရင်းမြစ်များ

Êsra 8:28

Jêh nây gâp lah ma khân păng: “Khân may hŏ dơi prăp êng ma nau kloh ueh ma Brah Yêhôva, jêh ri lĕ ndơ dŏng aơ ăt jêng kloh ueh. Prăk jêh ri mah nây jêng ndơ nđơr êng nhhơr ma Yêhôva Brah Ndu phung chô yau phung he.

Nau Ngluh Êjipt 13:12

ăn khân may nhhơr hom ma Brah Yêhôva kon bu klâu bôk rah nđâp lĕ kon nkuăng dak bôk tâm phung mpô mpa rong khân may, yorlah khân păng jêng ndơ Brah Yêhôva.

Nau Ngluh Êjipt 28:38

Pŏk jê̆ nây mra gŭ ta ndăr kleng Y-Arôn jêh ri Y-Arôn mra tuy moh nau tih tât ma ndơ nhhơr kloh ueh bơh phung ƀon lan Israel hŏ nhhơr. Pŏk jê̆ nây mra gŭ ƀaƀơ ta ndăr kleng Y-Arôn, gay ma Brah Yêhôva dơn khân păng.

Êsai 52:11

Du hom, du hom, luh hom bơh ntŭk nây! Lơi pah tât ndơ ƀơ̆ ƀơch, luh hom bơh tă ntŭk nây. Khân may jêng phung djôt ndơ yơk mbah Brah Yêhôva, Ƀư kloh hom khân may nơm!

Êsêkiêl 44:8

Khân may nơm mâu djôt prăp ôh ndơ kloh ueh Gâp ƀiălah khân may hŏ njêng phung êng mât mray ngih kloh ueh Gâp ntrok ăn ma khân may.’

Kan Lêvi 15:31

Khân may mât phung ƀon lan Israel tâm nkhah khân păng nôk geh nau ƀơ̆ ƀơch; lah mâu, khân păng mra khĭt tâm nau ƀơ̆ ƀơch khân păng nơm, yorlah hŏ ƀư ƀơ̆ ƀơch jêh Ngih Bok Gâp hôm gŭ ta nklang khân păng.”

Kan Lêvi 18:21

Lơi djôt kon khân may nhhơr ma brah Môlek, yorlah ƀư kơt nây jêng ngơi sưr ma amoh Brah Ndu may nơm. Gâp jêng Brah Yêhôva.

Kan Lêvi 19:12

Khân may mâu dơi sŏk amoh Gâp ôh gay ton mƀruh, yorlah kơt nây jêng ngơi sưr tât ta amoh Brah Ndu khân may. Gâp jêng Brah Yêhôva.

Kan Lêvi 20:3

Bi Gâp, Gâp mâu mra uănh măt nơm nây đŏng ôh jêh ri nsot lơi păng tă bơh phung ƀon lan păng, yorlah păng hŏ nhhơr jêh du huê tâm phung kon sau păng ma Môlek, ƀư ƀơ̆ jêh ngih brah kloh ueh jêh ri ngơi sưr amoh kloh ueh Gâp.

Kan Lêvi 21:6

Khân păng prăp êng ăn kloh ueh ma Brah Ndu jêh ri mâu dơi ngơi sưr ôh amoh Brah Ndu, yorlah khân păng jêng lĕ phung nhhơr ndơ ƀư brah ăn ŭnh sa ma Brah Yêhôva, jêng ndơ sông sa ma Brah Ndu khân păng; yor nây ăn khân păng jêng kloh ueh.

Kan Lêvi 22:1

Brah Yêhôva lah tay ma Y-Môis:

Kan Lêvi 22:32

Lơi ngơi sưr ta amoh kloh ueh Gâp ôh, gay ma Gâp geh nau kloh ueh ta nklang phung ƀon lan Israel. Gâp jêng Brah Yêhôva, Nơm ƀư kloh ueh ăn ma khân may,

Nau Kơp Bunuyh 18:32

Yorlah nau nây, tơlah khân may nhhơr kô̆ dŭt ueh, khân may mâu mra anh nau tih, mâu ƀư đŏng ƀơ̆ ôh lĕ ndơ kloh ueh phung ƀon lan Israel, jêh ri khân may mâu mra khĭt.’”

Nau Vay Nkah Tay 15:19

“Ăn khân may prăp êng ma Yêhôva Brah Ndu khân lĕ rngôch kon nkuăng deh dak bôk tâm mpôl ndrôk, mpôl biăp mâu lah mpôl be khân may. Lơi dŏng ôh ndrôk nkuăng deh dak bôk ƀư kan, mâu đŏng kreh rsau biăp nkuăng deh dak bôk.