Kan Lêvi 22:13 - Nau Brah Ndu Ngơi 2023

¹³ Ƀiălah tơlah kon bu ur kôranh ƀư brah jêng bu ur ndrô khĭt sai mâu lah bu ur sai chalơi jêh, ƀiălah mâu geh kon ôh, jêh ri plơ̆ sĭt ta ngih mbơ̆ păng, tâm ban ma păng hôm kon se jê̆, păng mra dơi sa ndơ sông sa mbơ̆ păng. Nơm rêh gŭ padih rnăk vâl kôranh ƀư brah, nơm nây mâu dơi vay sa lĕ ndơ nhhơr kloh ueh.

Kan Lêvi 22:13 ပူးပေါင်းရင်းမြစ်များ

Nau Ntơm 38:11

Y-Yuđa lah ma H'Tamar, ƀăn păng: “Ăn ay plơ̆ sĭt tâm ngih mbơ̆ ay jêh ri rêh ndrô kŏ tât nôk Y-Sêla, kon bu klâu gâp, văch ma toyh.” Yorlah Y-Yuđa klach: “Păng mra khĭt nâm bu bar hê nâu păng!” H'Tamar plơ̆ sĭt tâm ngih mbơ̆ păng.

Êsra 2:63

Kôranh mât uănh buay ma khân păng mâu dơi sa ôh ndơ dŭt kloh ueh, kŏ tât ndah nâm jŏ geh kôranh ƀư brah sŏk Urim jêh ri Thumim gay ôp Brah Ndu.

Nau Ngluh Êjipt 12:43

Brah Yêhôva lah ma Y-Môis jêh ri ma Y-Arôn: “Aơ jêng nau vay ma nau rƀŭn Nau Găn: Phung bu năch mâu dơi ôh nhêt sa tâm nau rƀŭn nây.

Nau Ngluh Êjipt 29:33

Kơt nây, khân păng mra sa lĕ ndơ nhhơr chuai nau tih nây gay dơi ăn n'hao kan jêh ri ăn kloh ueh. Ƀiălah phung bu năch mâu dơi sa yorlah ndơ nây jêng ndơ sông sa kloh ueh.

Êsêkiêl 44:8

Khân may nơm mâu djôt prăp ôh ndơ kloh ueh Gâp ƀiălah khân may hŏ njêng phung êng mât mray ngih kloh ueh Gâp ntrok ăn ma khân may.’

Kan Lêvi 10:14

Bi ma nting rpaih nse hŏ nhhơr jêh ma Brah Yêhôva nâm du ndơ nhhơr êng jêh ri nglik hŏ nhhơr jêh ma Brah Ndu, may ndrel ma phung kon bu ur kon bu klâu may mra sa tâm du ntŭk kloh. Lĕ ndơ nây bu hŏ ăn jêh ma may jêh ri ma phung kon bu klâu may, sŏk jêh bơh ndơ ƀư brah đăp mpăn bơh phung ƀon lan Israel.

Kan Lêvi 22:10

Nơm gŭ padih rnăk vâl kôranh ƀư brah, nơm nây mâu dơi sa lĕ ndơ nhhơr kloh ueh. Bunuyh bu năch mâu lah bunuyh kan nkhôm tâm jây kôranh ƀư brah mâu dơi sa ndơ nhhơr kloh ueh.

Kan Lêvi 22:12

Tơlah kon bu ur kôranh ƀư brah sŏk sai ƀiălah sai păng mâu di jêng kôranh ƀư brah, bu ur nây mâu mra dơi sa ndơ tă bơh ndơ nhhơr kloh ueh.

Nau Vay Nkah Tay 24:2

Lah păng luh jêh bơh vâl sai, păng jêng ur ma du huê bu klâu êng,

I Samuel 21:7

Tâm ban lĕ tâm nar nây, geh du huê oh mon Y-Sôl gŭ ta nây, bu krŭng păng tanăp Brah Yêhôva. Amoh păng Y-Dôek, bunuyh Êđôm, kôranh ma phung rmăk biăp Y-Sôl.