Kan Lêvi 21:6 - Nau Brah Ndu Ngơi 2023

⁶ Khân păng prăp êng ăn kloh ueh ma Brah Ndu jêh ri mâu dơi ngơi sưr ôh amoh Brah Ndu, yorlah khân păng jêng lĕ phung nhhơr ndơ ƀư brah ăn ŭnh sa ma Brah Yêhôva, jêng ndơ sông sa ma Brah Ndu khân păng; yor nây ăn khân păng jêng kloh ueh.

Kan Lêvi 21:6 ပူးပေါင်းရင်းမြစ်များ

Êsra 8:28

Jêh nây gâp lah ma khân păng: “Khân may hŏ dơi prăp êng ma nau kloh ueh ma Brah Yêhôva, jêh ri lĕ ndơ dŏng aơ ăt jêng kloh ueh. Prăk jêh ri mah nây jêng ndơ nđơr êng nhhơr ma Yêhôva Brah Ndu phung chô yau phung he.

Nau Ngluh Êjipt 19:22

Nđâp lah phung kôranh ƀư brah kđôi lĕ, dôl văch dăch Brah Yêhôva, ăt ŭm rao ăn kloh khân păng nơm mơ; lah mâu iăt Brah Yêhôva mra rmal ma khân păng.”

Nau Ngluh Êjipt 28:36

Ăn may ƀư đŏng du pŏk jê̆ mah chrêk jêh ri chrăk klơ nây, tâm ban ma bu chrăk ndơ tâp pŏng, lĕ rplay samƀŭt: ‘KLOH UEH MA BRAH YÊHÔVA.’

Nau Ngluh Êjipt 29:44

Gâp mra ƀư kloh ueh Ngih Bok Nau Tâm Rƀŭn jêh ri nơng ƀư brah tâm ban đŏng ƀư kloh ueh Y-Arôn jêh ri phung kon bu klâu păng gay ma khân păng ƀư nau kan ndơ ƀư brah ma Gâp.

Êsai 52:11

Du hom, du hom, luh hom bơh ntŭk nây! Lơi pah tât ndơ ƀơ̆ ƀơch, luh hom bơh tă ntŭk nây. Khân may jêng phung djôt ndơ yơk mbah Brah Yêhôva, Ƀư kloh hom khân may nơm!

Êsêkiêl 44:7

Khân may hŏ leo jêh phung bu năch jêng phung mâu koh ntâu tâm nuih n'hâm jêh ri tâm săk jăn hăn lăp tâm ntŭk kloh ueh Gâp gay ƀư ƀơ̆ ƀơch ngih brah Gâp, tơlah khân may nhhơr piăng let, ngi jêh ri mham ma Gâp. Pônây, khân may hŏ ƀư tih ngroh lơi nau tâm rnglăp Gâp ma lĕ rngôch nau ƀơ̆ khân may.

Kan Lêvi 10:3

Jêh nây Y-Môis lah ma Y-Arôn: “Aơ jêng nau Brah Yêhôva hŏ ntăm jêh: ‘Ta nklang phung văch dăch Gâp Gâp mra mpơl nau kloh ueh Gâp; Jêh ri tanăp lĕ rngôch bunuyh ƀon lan Gâp mra dơi tâm rnê.’” Y-Arôn gŭ rklăk.

Kan Lêvi 18:21

Lơi djôt kon khân may nhhơr ma brah Môlek, yorlah ƀư kơt nây jêng ngơi sưr ma amoh Brah Ndu may nơm. Gâp jêng Brah Yêhôva.

Kan Lêvi 19:12

Khân may mâu dơi sŏk amoh Gâp ôh gay ton mƀruh, yorlah kơt nây jêng ngơi sưr tât ta amoh Brah Ndu khân may. Gâp jêng Brah Yêhôva.

Kan Lêvi 20:3

Bi Gâp, Gâp mâu mra uănh măt nơm nây đŏng ôh jêh ri nsot lơi păng tă bơh phung ƀon lan păng, yorlah păng hŏ nhhơr jêh du huê tâm phung kon sau păng ma Môlek, ƀư ƀơ̆ jêh ngih brah kloh ueh jêh ri ngơi sưr amoh kloh ueh Gâp.

Kan Lêvi 21:17

“Lah hom ma Y-Arôn: ‘Tâm lĕ rngôch rnôk, mâu ôh ăn du huê tâm phung kon sau may geh ntŭk kuet ji dơi hăn dăch gay ma nhhơr ndơ sông sa ma Brah Ndu păng nơm.

Kan Lêvi 21:21

Ăp bunuyh tâm noi deh Y-Arôn kôranh ƀư brah, nơm geh ntŭk ji kuet mâu dơi hăn dăch gay nhhơr ndơ ƀư brah ăn ŭnh sa ma Brah Yêhôva. Yorlah păng geh ntŭk kuet ji, păng mâu dơi ôh hăn dăch nhhơr ndơ sông sa ma Brah Ndu păng nơm.

Kan Lêvi 21:23

ƀiălah păng mâu dơi hăn dăch bok nching mâu lah hăn dăch nơng ƀư brah ôh, yorlah păng geh ntŭk kuet ji. Kơt nây păng mâu ngơi sưr ôh ta lĕ ntŭk kloh ueh Gâp, yorlah Gâp jêng Brah Yêhôva, Nơm ƀư kloh ueh lĕ ntŭk nây.’”

Kan Lêvi 21:8

Yor ri ăn khân may uănh kôranh ƀư brah nâm bu kloh ueh yorlah păng nhhơr ndơ sông sa ma Brah Ndu khân may. Khân păng jêng kloh ueh đah khân may, yorlah Gâp, Brah Yêhôva jêng kloh ueh, jêng Nơm ƀư kloh ueh khân may.

Kan Lêvi 3:11

Kôranh ƀư brah mra gŭch lĕ ndơ nây ta klơ nơng ƀư brah nâm bu jêng ndơ sông sa ăn ŭnh sa nhhơr ma Brah Yêhôva.

Nau Kơp Bunuyh 16:5

jêh ri păng lah ma Y-Kôra jêh ri ma lĕ rngôch phung hăn tĭng păng: “Ôi taơ, Brah Yêhôva mra tâm mpơl mbu nơm jêng phung Păng jêh ri mbu nơm jêng kloh ueh, jêh ri Păng mra ƀư ăn nơm nây hăn dăch Păng; nơm Păng săch mra ăn hăn dăch Păng.

Nau Kơp Bunuyh 28:2

“Đă hom nau ntăm aơ ma phung ƀon lan Israel jêh ri lah: ‘Ăn khân may nhhơr ma Gâp tâm di yan lĕ ndơ ƀư brah jêh ri ndơ sông sa gay ƀư ndơ ƀư brah, ăn ŭnh sa nhhơr hao geh n'hôl ƀâu kah ma Gâp.’

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.