Kan Lêvi 21:5 - Nau Brah Ndu Ngơi 2023

⁵ Lĕ kôranh ƀư brah mâu dơi poih sŏk ta bôk, kreh chiông têp kang mâu lah nkăp nglay săk khân păng.

Kan Lêvi 21:5 ပူးပေါင်းရင်းမြစ်များ

Êsai 15:2

Phung Dibôn hăn hao jêh ta ntŭk yơk mbah Ta lĕ ntŭk prêh gay nhĭm nhhiăng. Phung Môap nhĭm nhhiăng Ma Nêbô jêh ri Mêdêba; Lĕ rngôch plưn bôk da dê Jêh ri têp kang poih lĕ.

Êsai 22:12

Tâm nar nây, Kôranh Brah jêng Brah Yêhôva ma phung tahan Kuăl khân may ma nau nhĭm jêh ri klâng rngot, Poih bôk jêh ri nsoh ao ƀau;

Yêrêmi 16:6

“Bunuyh toyh phung jê̆ mra khĭt da dê tâm neh aơ. Mâu geh nuyh tâp brôi, mâu lĕ geh nuyh nhĭm vơl, mâu lĕ rek tor săk jăn nơm mâu lah poih bôk yor khân păng.

Yêrêmi 48:37

Ăp nơm poih bôk hil, ăp nơm poih têp ăn pler; mpang ti ăp nơm têl tor, jêh ri ăp nơm mbăn ƀau sat da dê.

Êsêkiêl 44:20

Khân păng mâu poih plưn bôk, ăt mâu om sŏk jong ƀiălah mra kreh sŏk gleh.

Êsêkiêl 5:1

“Hơi kon bunuyh, sŏk hom du n'gâr đao dŭt hơr dŏng ƀư pêh poih têp poih bôk sŏk may jêh ri têp kang may. Pakơi nây, sŏk njing gay veh tâm pă brai sŏk.

Kan Lêvi 10:6

Jêh nây, Y-Môis lah ma Y-Arôn jêh ri ma bar hê kon bu klâu Y-Arôn jêng Y-Êlêasar jêh ri Y-Ithamar: “Lơi ƀư sŏk achưp, mâu lĕ dơi nkhêk ao khân may, gay ma nâu jêh ri phung mon mâu khĭt, jêh ri gay ma Brah Yêhôva mâu ji nuih đah lĕ rngôch phung tâm rƀŭn. Ƀiălah phung oh nâu jêh ri lĕ ngih Israel klăp lah dơi nhĭm nhhiăng ma phung hŏ khĭt yor Brah Yêhôva su ma ŭnh.

Kan Lêvi 21:4

Yorlah păng jêng kôranh chiă uănh phung ƀon lan yor ri kôranh ƀư brah mâu dơi ăn ma păng nơm roh nau kloh jêh ri roh nau khư.

Amôt 8:10

Gâp mra rgâl lĕ nar rƀŭn khân may jêng nar klâng rvê Jêh ri lĕ nau mprơ khân may jêng nau mprơ rngot. Gâp mra ƀư ăn khân may vân ƀau ta bŭt Jêh ri ƀư ăn lĕ rngôch bôk plưn da dê. Gâp mra ƀư ma khân may nhĭm nhhiăng nâm bu nuyh roh kon bu klâu kon dul Jêh ri nau nglĕ dŭt nâm bu du nar rngot ngăn ngên.”

Mika 1:16

Ƀư plưn hom bôk jêh ri poih ăn pler, Yorlah phung kon may ŭch rŏng; Di jêh, ƀư plưn hom ma may nâm bu klang, Yorlah khân păng bu nhŭp da dê hăn jêng bu nă tă bơh may!

Nau Vay Nkah Tay 14:1

“Khân may jêng phung ƀon lan Yêhôva Brah Ndu. Lơi koh mlay săk khân may nơm, mâu lah poih sŏk ta klơ ndăr kleng yor ma bunuyh khĭt,