Kan Lêvi 21:23 - Nau Brah Ndu Ngơi 2023

²³ ƀiălah păng mâu dơi hăn dăch bok nching mâu lah hăn dăch nơng ƀư brah ôh, yorlah păng geh ntŭk kuet ji. Kơt nây păng mâu ngơi sưr ôh ta lĕ ntŭk kloh ueh Gâp, yorlah Gâp jêng Brah Yêhôva, Nơm ƀư kloh ueh lĕ ntŭk nây.’”

Kan Lêvi 21:23 ပူးပေါင်းရင်းမြစ်များ

Nêhêmi 13:29

“Hơi Brah Ndu gâp! Dăn lơi chuêl ôh jêng khân păng hŏ ƀư ƀơ̆ ƀơch nau kan kôranh ƀư brah jêh ri nau tâm rnglăp ma nau kan kôranh ƀư brah jêh ri ma phung Lêvi.”

Kan Lêvi 15:31

Khân may mât phung ƀon lan Israel tâm nkhah khân păng nôk geh nau ƀơ̆ ƀơch; lah mâu, khân păng mra khĭt tâm nau ƀơ̆ ƀơch khân păng nơm, yorlah hŏ ƀư ƀơ̆ ƀơch jêh Ngih Bok Gâp hôm gŭ ta nklang khân păng.”

Kan Lêvi 19:2

“Ntăm hom ma lĕ rngôch phung ƀon lan Israel tâm rƀŭn: ‘Ăn khân may jêng kloh ueh, yorlah Gâp jêng Yêhôva Brah Ndu khân may, jêng kloh ueh.

Kan Lêvi 20:7

Khân may prăp hom khân may nơm tâm nau kloh jêh ri dơi jêng nau kloh ueh, yorlah Gâp jêng Yêhôva Brah Ndu khân may.

Kan Lêvi 21:12

Păng mâu dơi du luh bơh ngih brah kloh ueh, mâu lah ngơi sưr ma ngih brah kloh ueh Brah Ndu yorlah Dak ngi kloh Brah Ndu hŏ tŏ jêh ta klơ păng. Gâp jêng Brah Yêhôva.

Kan Lêvi 21:22

Nơm nây dơi sa ndơ sông sa ma Brah Ndu, nđâp ma lĕ ndơ dŭt kloh ueh jêh ri lĕ ndơ prăp êng ma nau kloh ueh,

Kan Lêvi 21:24

Y-Môis hŏ lah kơt nây ma Y-Arôn jêh ri ma phung kon bu klâu păng ndrel phung ƀon lan Israel.

Kan Lêvi 21:6

Khân păng prăp êng ăn kloh ueh ma Brah Ndu jêh ri mâu dơi ngơi sưr ôh amoh Brah Ndu, yorlah khân păng jêng lĕ phung nhhơr ndơ ƀư brah ăn ŭnh sa ma Brah Yêhôva, jêng ndơ sông sa ma Brah Ndu khân păng; yor nây ăn khân păng jêng kloh ueh.

Kan Lêvi 22:16

tơlah ăn phung bu năch sa ndơ nhhơr kloh ueh, ƀư ăn khân păng tŭp nau tih jêh ri ntrok ndơ nhhơr. Gâp jêng Brah Yêhôva, Nơm ƀư kloh ueh ma lĕ ndơ nây.’”

Mathay 23:17

Hơi phung rluk jêh ri chieh măt! Mah mâu lah ngih brah ƀư ma mah jêng kloh ueh, moh ndơ geh nau khlay rlau lơn?