Kan Lêvi 21:10 - Nau Brah Ndu Ngơi 2023

¹⁰ Kôranh ƀư brah jêng nơm toyh lơn tâm phung oh nâu păng, nơm bu hŏ mbrih dak ngi kloh ta klơ bôk păng, nơm bu prăp êng jêh jêng kloh ueh gay ma nsoh bok ao, mâu dơi rơih lơi sŏk, mâu lah nkhêk ao,

Kan Lêvi 21:10 ပူးပေါင်းရင်းမြစ်များ

Nau Ntơm 37:34

Y-Yakôb nkhêk kho ao, sŏk bok ƀau mbăn ta bŭt jêh ri rngot klâng ma kon păng jŏ nar.

II Samuel 15:30

Y-Đavit hăn hao klơ yôk Ôlive, nkre nhĭm nkre chuat, nkŭm bôk păng jêh ri chuat jâng dơm. Lĕ rngôch phung ƀon lan hăn tĭng hađăch nkŭm bôk khân păng, jêh ri nkre nhĭm nkre hăn.

Êsther 6:12

Jêh nau nây, Y-Môrdêkai plơ̆ sĭt ta ntŭk mpông pêr ngih hađăch. Bi ma Y-Haman hăn sĭt ndal leo ta ngih păng nơm, rngot rvê jêh ri nkŭm bôk păng.

Ndrom Samƀŭt bơh Yôp 1:20

Y-Yôp dâk ro, nkhêk ao păng jêh ri poih bôk jêh nây chon mon ta neh mbah yơk

Nau Mprơ Ơm 133:2

Nau nây nâm bu dak ngi khlay nkhŭt ta klơ bôk, Hoch jŭr ta têp kang, Ta têp kang Arôn, Hoch jŭr ta trô ko ao păng;

Nau Ngluh Êjipt 29:7

sŏk dak ƀâu kah nkhŭt ta klơ bôk jêh ri mhĭng ma păng.

Êsêkiêl 24:17

Vơl êng hom lơi ta nhĭm ăn ma nơm khĭt; mpân hom bok ta klơ bôk may jêh ri nsoh ntâu jot tâm jâng; lơi ta rdêp ôh têp trôm mbung jêh ri lơi sa piăng let bu njăt.”

Kan Lêvi 13:45

Bunuyh geh nau ji phŭng mra nsoh kho ao sat, mâu dơi kĭt sŏk, rdêp têp păng jêh ri nter: ‘Ƀơ̆ ƀơch! ƀơ̆ ƀơch!’

Kan Lêvi 16:32

Kôranh ƀư brah bu tŏ jêh dak ngi jêh ri ăn nau n'hao kan jêng kôranh ƀư brah ntrok ma mbơ̆ păng, mra nsoh bok ao ma bok mhay, jêng bok ao kloh ueh, gay ƀư nkra nau rƀŭn chuai nau tih.

Kan Lêvi 4:3

Tơlah păng jêng kôranh ƀư brah toyh lơn dơn jêh nau bu tŏ dak ngi, ƀiălah păng ƀư tih njŭn ma phung ƀon lan khan tâm nau tih, yor nau tih păng hŏ ƀư nây, kôranh ƀư brah nây nhhơr hom ma Brah Yêhôva du mlâm ndrôk mâu geh ntŭk têl khap ôh, gay ƀư mpa ƀư brah chuai nau tih.

Kan Lêvi 8:12

Păng nkhŭt đŏng dak ngi mhĭng ta bôk Y-Arôn jêh ri mhĭng dak ngi gay prăp êng păng ăn kloh ueh.

Nau Kơp Bunuyh 35:25

Phung tâm rƀŭn mra rklaih nơm nkhĭt bunuyh bơh ti nơm har plơng ma mham jêh ri njuăl păng plơ̆ sĭt ma ƀon du krap jêng ntŭk păng nchuăt du jêh jêh ri ăn păng gŭ ta nây kŏ tât kôranh ƀư brah toyh lơn, jêng nơm bu tŏ jêh dak ƀâu kah kloh, khĭt.

Nau Kơp Bunuyh 6:7

Păng mâu dơi ƀư ƀơ̆ păng nơm yor mbơ̆ păng, mê̆ păng, oh nâu păng, mâu lah oh nur păng, tơlah khân păng khĭt; yorlah nau mbên prăp êng ma Brah Yêhôva ăt hôm gŭ ta klơ bôk păng.

Mathay 26:65

Nôk nây, kôranh ƀư brah toyh lơn nkhêk ao păng nơm jêh ri lah: “Păng ngơi sưr rlau jêh. Mâm ƀư he ŭch ma nơm mbơh đŏng? Khân may mhe tăng jêh nau păng ngơi sưr rlau nây. Mâm khân may mĭn?”