Kan Lêvi 20:9 - Nau Brah Ndu Ngơi 2023

⁹ ‘Mbu nơm rak rtăp ma mê̆ mbơ̆ păng bu mra nkhĭt lơi păng. Păng hŏ rak rtăp jêh ma mê̆ mbơ̆ păng, mham păng mra nkhŭt tay ta klơ păng nơm.’

Kan Lêvi 20:9 ပူးပေါင်းရင်းမြစ်များ

II Samuel 1:16

Y-Đavit lah ma păng: “Ăn mham may nkhŭt tay ta klơ bôk may nơm! Yorlah trôm mbung may nơm lĕ nkoch ma nau tih may nơm, yorlah may hŏ lah pô aơ: ‘Gâp nkhĭt jêh nơm Brah Yêhôva tŏ jêh ma dak ƀâu kah.’”

I Phung Hađăch 2:32

Brah Yêhôva mra ƀư ăn ma mham păng nkhŭt tay ta klơ bôk păng, yorlah păng hŏ rduh dăch bar hê bunuyh sŏng srăng jêh ri ueh lơn ma păng, nkhĭt khân păng ma đao, ƀiălah Y-Đavit, mbơ̆ gâp, mâu gĭt du ntil ndơ ôh; nây jêng Y-Apner, kon Y-Ner, kôranh chiă uănh tahan Israel, jêh ri Y-Amasa, kon Y-Jêther, kôranh chiă uănh tahan Yuđa.

Nau Ngluh Êjipt 21:17

Mbu nơm rtăp rak mbơ̆ mâu lah me păng nơm, mra nkhĭt lơi păng.

Nau Hôr 20:20

Ŭnh kađen phung rak rtăp mê̆ mbơ̆ păng, Mra nhhât ta klong măng ngo klĕng.

Nau Hôr 30:11

Geh ntil bunuyh rak rtăp mbơ̆ păng nơm Mâu lĕ ăn nau ueh uĭn ma mê̆ păng nơm.

Nau Hôr 30:17

Măt mưch ma mbơ̆, Mưch ma nau tông bâr mê̆, Mra geh phung nđak tâm rlŭng chôk rloch, Jêh ri klang kon sa păng.

Êsêkiêl 18:13

ăn manh gay sa kao jêh ri n'hao prăk sa kao, pôri du huê kon nây mra dơi rêh lĕ? Mâu, păng mâu mra rêh ôh! Yorlah păng ƀư jêh lĕ rngôch nau ƀơ̆; n'hêl nanê̆ păng mra khĭt jêh ri mham păng mra nkhŭt ta klơ păng nơm.

Êsêkiêl 22:7

Ta ntŭk may, bu tâm rmot mê̆ mbơ̆; ta ntŭk may, bu tŭn jot ma nơm njơh ƀât lât; ta ntŭk may, bu tŭn jot ma phung kon đơi ndrel phung ndrô.

Kan Lêvi 20:16

Tơlah du huê bu ur hăn dăch ta du mlâm mpô mpa jêh ri bê̆ch ndrel đah păng; ăn khân may nkhĭt lơi bu ur nây jêh ri mpa nây; nkhĭt lơi khân păng, mham khân păng mra nkhŭt tay ta khân păng nơm.

Kan Lêvi 20:27

Tơlah du huê bu klâu mâu lah du huê bu ur jêng nơm ngơi ndrel đah brah mhĭk mâu lah ƀư n'hŭm pol, bu mra nkhĭt lơi păng; klŭp khân păng ma lŭ jêh ri mham khân păng mra nkhŭt tay ta khân păng nơm.’ ”

Mathay 15:4

Yorlah Brah Ndu hŏ ntĭm nti jêh: ‘Yơk hom ma mê̆ mbơ̆ khân may;’ jêh ri: ‘Mbu nơm rak rtăp mê̆ mbơ̆ păng nơm, bu mra nkhĭt lơi păng.’

Mathay 27:25

Lĕ phung ƀon lan plơ̆ lah da dê: “Dăn mham păng tŭp ta hên jêh ri ta phung kon sau hên!”

Markôs 7:10

Yorlah Y-Môis lah jêh: ‘Yơk hom ma mê̆ mbơ̆ khân may’ jêh ri, ‘Mbu nơm rak rtăp ma mê̆ mbơ̆ păng nơm, bu mra nkhĭt lơi păng’;

Nau Vay Nkah Tay 27:16

‘Di ma rak rtăp ma nơm ƀư bêk mê̆ mbơ̆ păng nơm!’ Ăn lĕ rngôch phung ƀon lan mra plơ̆ lah: ‘Amen!’

Yôsuê 2:19

Tơlah du huê bunuyh hăn luh tă bơh mpông ngih ay, mham bunuyh nây mra nkhŭt ta klơ păng nơm, bi hên mâu geh nau tih ôh. Ƀiălah mbu nơm lăp ƀư mhĭk ma du huê nơm gŭ ndrel ma ay tâm trôm ngih, mham nơm nây mra nkhŭt ta klơ bôk hên.

Phung Kôranh Phat Dôih 9:24

Nau aơ dơi tât gay plơng har nau tih nkhĭt bunuyh yor păng hŏ ƀư tih jêh đah pơh jât nuyh kon bu klâu Y-Jêrubaal, jêh ri ƀư ăn mham khân păng tŏ ta klơ Y-Abimêlek, jêng bunuyh hŏ nkhĭt oh nâu khân păng, jêh ri tŏ mham ndrel ta klơ phung kôranh chiă uănh ƀon toyh Sichem yorlah hŏ kơl păng tâm nkhĭt ndrăng oh nâu khân păng nơm.