Kan Lêvi 20:8 - Nau Brah Ndu Ngơi 2023

⁸ Ăn khân may djôt prăp jêh ri ƀư tĭng kơt lĕ nau vay Gâp dăp; Gâp jêng Brah Yêhôva, Nơm ƀư kloh ueh khân may.’

Kan Lêvi 20:8 ပူးပေါင်းရင်းမြစ်များ

Nau Ngluh Êjipt 31:13

“Ăn may lah ma phung ƀon lan Israel pơ aơ: ‘Ăn khân may djôt prăp ngăn nar saƀat Gâp yorlah nau aơ jêng du nau mbên ta nklang Gâp jêh ri khân may tâm ăp rô̆, gay khân may dơi gĭt Gâp jêng Brah Yêhôva, Nơm ƀư kloh ueh khân may.

Êsêkiêl 20:12

Gâp ăn đŏng ma khân păng nar saƀat Gâp tâm ban du nau mbên ta nklang Gâp jêh ri khân păng, gay khân păng gĭt pô aơ Gâp jêng Brah Yêhôva prăp jêh khân păng jêng kloh ueh.

Êsêkiêl 37:28

Rnôk nây, lĕ bri dak mra gĭt Gâp, Brah Yêhôva, hŏ ƀư kloh ueh ma phung Israel yorlah ngih brah kloh ueh Gâp mra gŭ ta nklang khân păng ƀaƀơ n'ho ro.’”

Kan Lêvi 19:19

Ăn khân may djôt prăp lĕ nau vay Gâp dăp. Lơi ăn ôh ntil mpa nây tâm gar ma ntil mpa êng; lơi srih bar ntil găr tâm mir khân may jêh ri mâu lĕ dơi nsoh kho ao bu tanh ma bar ntil brai êng êng.

Kan Lêvi 19:37

Pôri khân may djôt prăp hom jêh ri ƀư tĭng lĕ rngôch lĕ nau vay dăp jêh ri lĕ nau vay Gâp ƀư. Gâp jêng Brah Yêhôva.’”

Kan Lêvi 20:26

Ăn khân may jêng kloh ueh đah Gâp; yorlah Gâp jêng Brah Yêhôva, jêng kloh ueh; Gâp hŏ tâm nkhah jêh khân may bơh lĕ phung ƀon lan êng gay ma khân may jêng phung Gâp nơm.

Kan Lêvi 21:8

Yor ri ăn khân may uănh kôranh ƀư brah nâm bu kloh ueh yorlah păng nhhơr ndơ sông sa ma Brah Ndu khân may. Khân păng jêng kloh ueh đah khân may, yorlah Gâp, Brah Yêhôva jêng kloh ueh, jêng Nơm ƀư kloh ueh khân may.

Kan Lêvi 22:32

Lơi ngơi sưr ta amoh kloh ueh Gâp ôh, gay ma Gâp geh nau kloh ueh ta nklang phung ƀon lan Israel. Gâp jêng Brah Yêhôva, Nơm ƀư kloh ueh ăn ma khân may,

Mathay 12:50

Yorlah mbu nơm ƀư tĭng nâm nau Mbơ̆ Gâp tâm trôk ŭch, păng nây yơh jêng oh nâu, oh ruh jêh ri jêng mê̆ Gâp.”

Mathay 23:17

Hơi phung rluk jêh ri chieh măt! Mah mâu lah ngih brah ƀư ma mah jêng kloh ueh, moh ndơ geh nau khlay rlau lơn?

Mathay 5:19

Yor nây, mbu nơm chalơi du ntil dŭt jê̆ tâm lĕ nau vay aơ jêh ri nti ma bu ƀư kơt nĕ, bu mra kuăl păng dŭt jê̆ tâm ƀon bri hađăch klơ trôk; ƀiălah mbu nơm tông prăp ma lĕ nau vay aơ jêh ri nti ma bu, mra dơi uănh jêng toyh lơn tâm ƀon bri hađăch klơ trôk.

Mathay 7:24

“Pôri, mbu nơm tăng nau Gâp ngơi jêh ri ƀư tĭng jêng nâm bu du huê bunuyh blau mĭn, ƀư ngih păng ta klơ lŭ toyh.

Yôhan 13:17

Lah khân may gĭt lĕ nau nây jêh ri ƀư tĭng nau nây, khân may geh nau ueh maak ngăn.

I Kôrintô 1:30

Yor ma Păng khân may gŭ jêh tâm Yêsu Krist, Nơm Brah Ndu hŏ njêng nau blau mĭn, nau sŏng srăng, nau kloh ueh, jêh ri nau tâm chuai ma he;

I Têsalônik 5:23

Dăn Brah Ndu ăn nau đăp mpăn ƀư ăn kloh khân may ăn nŭm. Dăn Păng prăp nuih n'hâm, huêng, jêh ri săk jăn khân may ăn ueh, mâu geh nau nduyh lah Kôranh Brah he, jêng Brah Yêsu Krist plơ̆ văch!

II Têsalônik 2:13

Hơi phung oh nâu jêng phung Kôranh Brah rŏng, hên ŭch lah ueh ma Brah Ndu ƀaƀơ ma khân may, yorlah ntơm saơm Brah Ndu săch jêh gay ăn nau tâm rklaih ma khân may, tă nau kloh ueh bơh Brah Huêng Ueh jêh ri nau chroh tâm nau ngăn.

Yakơ 1:22

Ƀư hom tĭng nâm nau ngơi, lơi knŏng iăt jêng tŏng gay ndơm mƀruh khân may nơm.

Nau Tâm Mpơl 22:14

Ueh maak yơh phung pih ao khân păng nơm gay geh nau dơi văch ta ntŭk tơm si nau rêh, jêh ri dơi lăp tâm ƀon ta lĕ mpông.