Kan Lêvi 20:6 - Nau Brah Ndu Ngơi 2023

⁶ ‘Tơlah mbu nơm n'gĭl uănh ta phung ngơi ndrel đah brah mhĭk jêh ri phung n'hŭm, ƀư nau văng tĭr đah phung nây, Gâp mra tâm rdâng đah bunuyh nây jêh ri mra nsot lơi păng luh bơh phung ƀon lan păng.

Kan Lêvi 20:6 ပူးပေါင်းရင်းမြစ်များ

Nau Mprơ Ơm 73:27

Yorlah ri phung gŭ ngai đah May mra rai yot; May ƀư rai phung ƀư tih mâu răp jăp, chalơi May

Nau Ngluh Êjipt 22:17

Tơlah mbơ̆ bu ur nây dun mâu ôh ăn păng sŏk ƀư ur, păng mra ăn prăk ndah rnoh ndơ bu vay nđăp ma phung bu ur druh.

Nau Ngluh Êjipt 22:18

Mâu dơi om ôh nau rêh ma phung bu ur n'hŭm.

Êsai 8:19

Tơlah geh bunuyh đă khân may: “Ăn khân may ôp phung gru rƀên jêh ri phung n'hŭm, jêng phung ngơi bŭk,” ăn khân may plơ̆ lah: “Mâm ƀư du phung ƀon lan mâu ôp ma Brah Ndu khân păng nơm lŏ hăn joi ôp phung khĭt jêh ăn ma phung rêh?”

Yêrêmi 44:11

Yor nây, Brah Yêhôva ma phung tahan, Brah Ndu Israel, lah: ‘Aơ, Gâp tâm nal nkhŭt nau mhĭk tât ăn ma khân may jêh ri ngroh lơi lĕ rngôch phung Yuđa.

Êsêkiêl 6:9

Phung bunuyh hŏ dơi klaih jêh tâm khân may mra kah gĭt ma Gâp dôl gŭ tâm lĕ bri dak bu leo khân păng hăn tât, jêh ri khân păng gĭt nuih n'hâm Gâp ji ngăn yor nau khân păng văng tĭr hŏ ƀư ma khân păng chalơi Gâp jêh ri măt nau văng tir khân păng rle ma rup brah khân păng nơm. Rnôk nây, khân păng tâm rmot êng khân păng nơm ma lĕ nau mhĭk khân păng hŏ ƀư jêh ri ma lĕ nau kan ƀơ̆ ƀơch khân păng.

Ndrom Samƀŭt bơh Ôsê 4:12

Phung ƀon lan Gâp ôp rup trah ma tơm si, Dăn mâng jra plơ̆ sĭt lah. Yorlah bên ka n'hong ƀư vĭ nhhơt ma khân păng, Khân păng rêh văng tĭr, gŭ ngai đah Brah Ndu.

Kan Lêvi 17:10

‘Mbu nơm bơh ngih Israel mâu lah bơh bunuyh gŭ njưh ta nklang khân păng sa mham, Gâp mra tâm rdâng đah nơm sa mham nây, jêh ri mra mprơh păng luh tă bơh phung ƀon lan păng nơm.

Kan Lêvi 19:26

Khân may mâu dơi sa puăch hôm mham. Mâu dơi ƀư nau n'hŭm pol mâu lah ƀư nau blau rƀên ôh.

Kan Lêvi 19:31

Khân may mâu dơi hăn tât ma phung kuăl brah phan mâu lah ma phung n'hŭm; lơi ta ôp ôh khân păng, tơlah ƀư kơt nây khân may mra jêng ƀơ̆ ƀơch. Gâp jêng Yêhôva Brah Ndu khân may.

Kan Lêvi 20:27

Tơlah du huê bu klâu mâu lah du huê bu ur jêng nơm ngơi ndrel đah brah mhĭk mâu lah ƀư n'hŭm pol, bu mra nkhĭt lơi păng; klŭp khân păng ma lŭ jêh ri mham khân păng mra nkhŭt tay ta khân păng nơm.’ ”

Kan Lêvi 20:5

Gâp nơm mra mâu hôm uănh muh măt nơm nây jêh ri mpôl băl păng, ƀiălah mra nsot lơi păng jêh ri phung tĭng kơt păng, du tă bơh phung ƀon lan yor nau tih ƀư nau văng tĭr đah Môlek.’

Nau Kơp Bunuyh 15:39

Ăn khân may anh mlâm grong nây gay dôl uănh saơ păng, khân may kah gĭt ma lĕ rngôch nau vay Brah Yêhôva ntăm gay tông tĭng, jêh ri mâu tĭng ndô̆ ôh nau nuih n'hâm jêh ri măt khân may nơm, jêng nau ƀư ma khân may ƀư nau văng tĭr.

Kôranh Oh Mon 16:16

Du nar, hên hăn tât ntŭk mbơh sơm, hên tâm mâp đah du huê oh mon bu ur geh brah mhĭk Pithôn lăp jêh ri păng n'hao ndrŏng ma kôranh păng tâm nau n'hŭm pol.