Kan Lêvi 20:27 - Nau Brah Ndu Ngơi 2023

²⁷ Tơlah du huê bu klâu mâu lah du huê bu ur jêng nơm ngơi ndrel đah brah mhĭk mâu lah ƀư n'hŭm pol, bu mra nkhĭt lơi păng; klŭp khân păng ma lŭ jêh ri mham khân păng mra nkhŭt tay ta khân păng nơm.’ ”

Kan Lêvi 20:27 ပူးပေါင်းရင်းမြစ်များ

II Nau Rêh Jêng 33:6

Păng nhhơr kon păng nơm jêng ndơ ƀư brah gŭch tâm ŭnh, ta rlŭng Bên-hinôm, păng uănh n'hŭm pol, gŭn rƀên jêh ri nau ƀŭk rƀên, tĭng phung gru rƀên jêh ri phung n'hŭm. Hađăch ƀư âk nau djơh tanăp măt Brah Yêhôva gay nsônh Păng ji nuih.

Nau Ngluh Êjipt 22:18

Mâu dơi om ôh nau rêh ma phung bu ur n'hŭm.

Kan Lêvi 19:31

Khân may mâu dơi hăn tât ma phung kuăl brah phan mâu lah ma phung n'hŭm; lơi ta ôp ôh khân păng, tơlah ƀư kơt nây khân may mra jêng ƀơ̆ ƀơch. Gâp jêng Yêhôva Brah Ndu khân may.

Kan Lêvi 20:2

“Ăn may lah hom ma phung ƀon lan Israel pô aơ: ‘Ăp phung Israel mâu lah bunuyh gŭ njưh tâm n'gor Israel, lah păng djôt nhhơr phung kon sau păng ma Môlek, ăn bu nkhĭt lơi păng; phung ƀon lan tâm n'gor mra klŭp păng ma lŭ.

Kan Lêvi 20:6

‘Tơlah mbu nơm n'gĭl uănh ta phung ngơi ndrel đah brah mhĭk jêh ri phung n'hŭm, ƀư nau văng tĭr đah phung nây, Gâp mra tâm rdâng đah bunuyh nây jêh ri mra nsot lơi păng luh bơh phung ƀon lan păng.

Kan Lêvi 24:14

“Djôt leo hom nơm rak rtăp nĕ luh padih ngih bok. Đơ lĕ rngôch phung hŏ tăng jêh nau păng ngơi, ăn pah hom ti khân may ta bôk păng jêh ri ăn lĕ rngôch phung ƀon lan Israel klŭp păng ma lŭ.

Nau Kơp Bunuyh 15:35

Brah Yêhôva lah ma Y-Môis: “Bu mra nkhĭt păng. Ăn lĕ rngôch phung tâm rƀŭn klŭp lŭ ta păng ta padih rmlak tahan.”

Kôranh Oh Mon 16:16

Du nar, hên hăn tât ntŭk mbơh sơm, hên tâm mâp đah du huê oh mon bu ur geh brah mhĭk Pithôn lăp jêh ri păng n'hao ndrŏng ma kôranh păng tâm nau n'hŭm pol.

Nau Vay Nkah Tay 21:21

Nôk nây lĕ rngôch bunuyh tâm ƀon mra klŭp păng ma lŭ tât nkhĭt. Tâm ban pônây khân may mra ƀư kloh lơi nau djơh mhĭk bơh ta nklang khân may, jêh ri lĕ rngôch phung Israel mra klach da dê lah gĭt nau aơ.”

I Samuel 28:3

Rnôk nây, Y-Samuel lĕ khĭt jêh; lĕ rngôch phung Israel nhĭm vơl păng jêh ri tâp păng ta Rama, jêng ƀon păng nơm. Bi Y-Sôl hŏ nsot lơi jêh lĕ phung gru rƀên jêh ri phung n'hŭm luh bơh n'gor.