Kan Lêvi 20:2 - Nau Brah Ndu Ngơi 2023

² “Ăn may lah hom ma phung ƀon lan Israel pô aơ: ‘Ăp phung Israel mâu lah bunuyh gŭ njưh tâm n'gor Israel, lah păng djôt nhhơr phung kon sau păng ma Môlek, ăn bu nkhĭt lơi păng; phung ƀon lan tâm n'gor mra klŭp păng ma lŭ.

Kan Lêvi 20:2 ပူးပေါင်းရင်းမြစ်များ

I Phung Hađăch 11:7

Nôk nây, Y-Salômôn ndâk đŏng du ntŭk prêh ta klơ yôk tâm tra đah ƀon Yêrusalem ăn ma brah Chêmôs jêng brah dŭt mhĭk tâm phung Môap, jêh ri ăn ma brah Môlek jêng brah dŭt mhĭk tâm phung Ammôn.

II Phung Hađăch 17:17

Khân păng gŭch phung kon bu klâu jêh ri kon bu ur khân păng tâm ŭnh gay ƀư ndơ nhhơr ma brah. Khân păng dŏng nau ƀŭk rƀên, n'hŭm pol, jêh ri tăch êng khân păng nơm gay ƀư nau mhĭk tanăp măt Brah Yêhôva, gay nsônh Păng ji nuih.

II Phung Hađăch 23:10

Păng ƀư ƀơ̆ đŏng ntŭk Tôphet, tâm rlŭng Ben-Hinôm, gay mâu hôm geh ôh du huê dŏng ntŭk nây gay gŭch kon bu klâu păng mâu lah kon bu ur păng tâm ŭnh gay ƀư ndơ nhhơr ma brah Môlek.

II Nau Rêh Jêng 28:3

Păng su ndơ ƀâu kah tâm rlŭng Ben-Hinôm, jêh ri su kon păng nơm tâm ŭnh jêng ndơ ƀư brah, tĭng nâm nau vay ƀơ̆ ƀơch tâm phung mpôl băl bunuyh Brah Yêhôva hŏ mprơh du jêh tă bơh phung ƀon lan Israel.

II Nau Rêh Jêng 33:6

Păng nhhơr kon păng nơm jêng ndơ ƀư brah gŭch tâm ŭnh, ta rlŭng Bên-hinôm, păng uănh n'hŭm pol, gŭn rƀên jêh ri nau ƀŭk rƀên, tĭng phung gru rƀên jêh ri phung n'hŭm. Hađăch ƀư âk nau djơh tanăp măt Brah Yêhôva gay nsônh Păng ji nuih.

Nau Mprơ Ơm 106:38

Khân păng ƀư nkhŭt mham mâu geh tih, Nây jêng mham kon bu klâu kon bu ur khân păng Gay ƀư brah ma rup brah n'gor bri Kanaan, Ăn n'gor bri jêng ƀơ̆ ƀơch yor mham nây.

Yêrêmi 32:35

Khân păng hŏ ndâk jêh lĕ ntŭk prêh klơ ăn ma brah Baal tâm rlŭng Ben-Hinôm, gay nhhơr phung kon bu klâu phung kon bu ur khân păng nơm ăn ma brah Môlek. Nây jêng nau Gâp mâu geh ntĭm nti, mâu mâp lĕ mĭn ma nau nây khân păng dơi ƀư nau tâm rmot aơ tâm ban pônây gay ăn phung Yuđa ƀư tih.

Yêrêmi 7:31

Khân păng hŏ ndâk lĕ ntŭk prêh klơ Tôphet tâm rlŭng Ben-Hinôm, gay su phung kon bu klâu kon bu ur păng tâm ŭnh; nây jêng nau Gâp mâu ntĭm nti ôh ăt mâu prot mĭn tât.”

Êsêkiêl 20:26

Gâp hŏ ƀư jêh ăn khân păng jêng ƀơ̆ jêh yor ndơ ƀư brah dôl khân păng nhhơr lĕ rngôch kon bôk rah tâm ŭnh, gay yor nây, Gâp ƀư ăn ma khân păng jêng rngol ŭch ma khân păng gĭt pô aơ Gâp jêng Brah Yêhôva.

Êsêkiêl 20:31

Tơlah nhhơr ndơ jêh ri nhhơr kon khân may gŭch ma ŭnh, khân may ƀư ƀơ̆ ma lĕ rngôch rup brah khân may kŏ tât ma nar aơ. Hơi ngih Israel, di lĕ Gâp ăn khân may ôp mro hĕ? Brah Yêhôva lah: Tĭng nâm Gâp gŭ rêh mro mrăng, Gâp mâu ăn khân may ôp ma Gâp ôh!

Êsêkiêl 23:37

Khân păng hŏ ƀư tih văng tĭr jêh ri ti khân păng krêp mham. Khân păng hŏ ƀư tih văng tĭr jêh đah phung rup brah khân păng; nđâp ma lĕ rngôch phung khân păng deh ăn ma Gâp, tâm ban lĕ khân păng nhhơr rgăn ta ŭnh gay ƀư ndơ sông sa ăn ma rup brah!

Êsêkiêl 23:39

Jêh khân păng nkhĭt lơi kon păng nơm nhhơr ma rup brah, tâm nar nây, khân păng lăp tâm ntŭk kloh ueh Gâp gay ƀư ƀơ̆ ƀơch ntŭk nây! Nây jêng nau khân păng ƀư ta nklang ngih Gâp!

Kan Lêvi 17:13

Tơlah geh du huê tâm phung ƀon lan Israel mâu lah phung gŭ njưh ta nklang khân păng hăn nchron geh du mlâm mpa mâu lah du mlâm sĭm dơi sa puăch, ăn nkhŭt mham mpa nây luh tât lĕ jêh ri sŏk ndruyh neh brôi lơi mham nây,

Kan Lêvi 17:15

Mbu nơm, nđâp lah jêng phung ƀon tơm mâu lah bunuyh gŭ njưh, sa puăch du mlâm mpa khĭt êng mâu lah khĭt yor mpa bri janh sa hêk, ăn pih lơi kho ao, ŭm tâm dak jêh ri jêng ƀơ̆ ƀơch tât kêng măng jêh nây mra dơi geh nau kloh tay.

Kan Lêvi 17:8

Pôri ăn may lah ma Phung ƀon lan Israel: ‘Mbu nơm bơh ngih Israel mâu lah bunuyh gŭ njưh ta nklang khân păng, nhhơr ndơ ƀư brah gŭch mâu lah mpa ƀư brah

Kan Lêvi 18:21

Lơi djôt kon khân may nhhơr ma brah Môlek, yorlah ƀư kơt nây jêng ngơi sưr ma amoh Brah Ndu may nơm. Gâp jêng Brah Yêhôva.

Kan Lêvi 20:1

Brah Yêhôva lah ma Y-Môis:

Kan Lêvi 20:27

Tơlah du huê bu klâu mâu lah du huê bu ur jêng nơm ngơi ndrel đah brah mhĭk mâu lah ƀư n'hŭm pol, bu mra nkhĭt lơi păng; klŭp khân păng ma lŭ jêh ri mham khân păng mra nkhŭt tay ta khân păng nơm.’ ”

Kan Lêvi 24:14

“Djôt leo hom nơm rak rtăp nĕ luh padih ngih bok. Đơ lĕ rngôch phung hŏ tăng jêh nau păng ngơi, ăn pah hom ti khân may ta bôk păng jêh ri ăn lĕ rngôch phung ƀon lan Israel klŭp păng ma lŭ.

Kan Lêvi 24:16

Mbu nơm ngơi sưr ma amoh Brah Yêhôva bu mra nkhĭt lơi păng; lĕ rngôch phung tâm rƀŭn mra klŭp lŭ ta păng. Nđâp lah bunuyh gŭ njưh mâu lah bunuyh ƀon tơm, mbu ngơi sưr ma amoh Brah Yêhôva, bu mra nkhĭt păng.’

Kan Lêvi 24:23

Y-Môis ntăm tay ma phung ƀon lan Israel lĕ nau aơ. Khân păng njŭn nơm ngơi sưr luh bơh ngih bok jêh ri klŭp lŭ ta păng. Phung ƀon lan Israel ƀư di tĭng nâm nau Brah Yêhôva hŏ ntăm jêh ma Y-Môis.

Kôranh Oh Mon 7:43

Lŏng aƀaơ ri khân may sŏk rnung tung brah Môlok, Jêh ri mănh brah Rêphan, Jêng phung rup brah khân may ƀư gay ma yơk mbah. Yor ri, Gâp mra njŭn leo khân may hăn đah ri ƀon Babilôn.’

Nau Vay Nkah Tay 12:31

Khân may mâu dơi ƀư ôh kơt nĕ ma Yêhôva Brah Ndu yorlah Brah Yêhôva tâm rmot lĕ kan ƀơ̆ ƀơch khân păng hŏ ƀư jêh ma phung brah khân păng. Khân păng gŭch nđâp phung kon bu klâu jêh ri phung kon bu ur khân păng tâm ŭnh gay ƀư brah ma phung brah khân păng.

Nau Vay Nkah Tay 17:2

Tơlah tâm nklang khân may ta du ntŭk tâm ƀon Yêhôva Brah Ndu khân may ăn jêh ma khân may, geh du huê bu klâu mâu lah du huê bu ur ƀư nau mhĭk tanăp măt Brah Ndu, ƀư tih rlau nau Păng tâm rnglăp,

Nau Vay Nkah Tay 18:10

Ta nklang khân may lơi ăn geh ôh du huê bunuyh gŭch kon bu klâu mâu lah kon bu ur păng nơm jêng mpa nhhơr, lơi ăn du huê ƀư pol, nơm sek uănh mănh, ƀŭk rƀên, du huê n'hŭm,

Nau Vay Nkah Tay 21:21

Nôk nây lĕ rngôch bunuyh tâm ƀon mra klŭp păng ma lŭ tât nkhĭt. Tâm ban pônây khân may mra ƀư kloh lơi nau djơh mhĭk bơh ta nklang khân may, jêh ri lĕ rngôch phung Israel mra klach da dê lah gĭt nau aơ.”

Nau Vay Nkah Tay 22:21

pôri ăn khân păng njŭn leo bu ur druh nây tât ta mpông ngih mbơ̆ păng, jêh ri phung ƀon lan tâm ƀon mra klŭp păng ma lŭ tât khĭt, yorlah păng ƀư nau bêk tâm n'gor Israel, ƀư tih văng tĭr dôl hôm gŭ tâm ngih mbơ̆ păng. Ƀư rai lơi nau tih mhĭk bơh khân may.