Kan Lêvi 20:16 - Nau Brah Ndu Ngơi 2023

¹⁶ Tơlah du huê bu ur hăn dăch ta du mlâm mpô mpa jêh ri bê̆ch ndrel đah păng; ăn khân may nkhĭt lơi bu ur nây jêh ri mpa nây; nkhĭt lơi khân păng, mham khân păng mra nkhŭt tay ta khân păng nơm.

Kan Lêvi 20:16 ပူးပေါင်းရင်းမြစ်များ

Nau Ngluh Êjipt 19:13

Nơm nây bu mra klŭp ma lŭ mâu lah pănh ma hăr, lơi pah ti ta nơm nây ôh. Nđâp lah bunuyh mâu lah mpô mpa mâu dơi ăn rêh ôh.’ Tơlah tăng bâr nŭng, rĭ mơ ăn khân păng dơi hao ta yôk.”

Nau Ngluh Êjipt 21:28

Tơlah du mlâm ndrôk rduh tâm khĭt du huê bu klâu mâu lah bu ur, ăn bu klŭp ndrôk nây ma lŭ tât khĭt; bu mâu dơi ôh sa puăch păng; kôranh tơm ndrôk mra rklaih dôih.

Nau Ngluh Êjipt 21:32

Tơlah ndrôk rduh tâm du huê bu klâu dĭk mâu lah du huê bu ur dĭk, nơm tơm ndrôk jan dôih ma kôranh dĭk pe rhiăng gram prăk; bu sŏk lŭ klŭp ndrôk nây tât khĭt.

Nau Ngluh Êjipt 22:19

Mbu moh bê̆ch ndrel đah du mlâm mpô mpa, ăn bu nkhĭt lơi păng.

Kan Lêvi 18:23

Lơi bê̆ch ndrel đah du mlâm mpa gay ma may nơm mâu geh khan nau ƀơ̆ ƀơch yor ma păng; bu ur mâu đŏng dơi bê̆ch nsum đah mpa bri; nau nây jêng du nau dŭt ƀơ̆ ƀơch ngăn.

Kan Lêvi 20:15

Tơlah du huê bu klâu bê̆ch ndrel đah du mlâm mpô mpa, bu mra nkhĭt lơi păng; ăn khân may nkhĭt lơi mpa nây.

Kan Lêvi 20:17

Tơlah du huê bu klâu sŏk ruh mâu lah oh păng nơm, mâu lah du mbơ̆, mê̆ êng êng, mâu lah du mê̆, mbơ̆ êng êng, nây jêng du nau dŭt bêk prêng, bu mra ngluh lơi khân păng luh bơh phung ƀon lan. Nơm hŏ ƀư bêk jêh oh ruh păng, nơm nây mra tuy nau djơh păng.

ហេឞ្រើ 12:20

yorlah khân păng mâu dơi dơn ôh nau lah aơ: “Nđâp tơlah mpô mpa văch dăch yôk aơ bu mra klŭp ma lŭ ro.”