Kan Lêvi 2:16 - Nau Brah Ndu Ngơi 2023

¹⁶ Kôranh ƀư brah mra sŏk du kô̆ găr ba kĭn hăch jêh, pot đah dak ngi ndrel ma lĕ rngôch dak si ƀâu kah jêh ri gŭch gay tâm ntĭt lĕ rngôch ndơ ƀư brah. Nĕ jêng ndơ ƀư brah ăn ŭnh sa nhhơr ma Brah Yêhôva.’”

Kan Lêvi 2:16 ပူးပေါင်းရင်းမြစ်များ

Nau Mprơ Ơm 141:2

Ăn nau gâp mbơh sơm jêng nâm bu ndơ ƀâu kah nhhơr tanăp May, Jêh ri ti gâp yơr nâm bu ndơ ƀư brah mhaơ!

Êsai 61:1

Brah Huêng Ueh Kôranh Brah Yêhôva gŭ ta klơ Gâp, Yorlah Brah Yêhôva tŏ jêh dak ƀâu kah ma Gâp Gay mbơh nkoch nau mhe mhan ueh ma phung o ach. Păng njuăl jêh Gâp văch gay ƀư bah phung geh nuih n'hâm rngot; Gay mbơh nau kon me ma phung bu nă, Jêh ri pơk ngih bu nă ma phung bu krŭng;

Kan Lêvi 1:9

Nơm nhhơr ndơ nây mra rao proch khŭng jêh ri jâng păng ma dak, jêh ri kôranh ƀư brah mra gŭch lĕ ndơ nây ta klơ nơng ƀư brah. Nĕ jêng ndơ ƀư brah gŭch, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.

Kan Lêvi 2:12

Khân may dơi nhhơr lĕ ntil ndơ nây ma Brah Yêhôva tâm ban ndơ nhhơr bôk yan, ƀiălah mâu dơi su ôh păng ta klơ nơng ƀư brah nâm bu ndơ ƀư brah geh ndơ ƀâu kah.

Kan Lêvi 2:14

Tơlah khân may sŏk kao play dak bôk ƀư ndơ ƀư brah rnih môi nhhơr ma Brah Yêhôva, ăn khân may sŏk ba mhe, vâr tâm ŭnh jêh ri kĭn jêng rnih,

Kan Lêvi 2:15

nkhŭt dak ngi jêh ri dơm dak si ƀâu kah ta klơ păng. Nĕ jêng ndơ ƀư brah rnih môi.

Kan Lêvi 2:9

Kôranh ƀư brah mra sŏk du kô̆ tâm puăn tă bơh ndơ ƀư brah rnih môi nây gay tâm ntĭt ma lĕ rngôch ndơ ƀư brah jêh ri gŭch păng ta nơng ƀư brah. Nây jêng ndơ ƀư brah nhhơr ăn ŭnh sa, geh n'hôl ƀâu kah ƀư maak nuih n'hâm Brah Yêhôva.

ហេឞ្រើ 5:7

Dôl hôm gŭ rêh tâm nglay săk, Brah Yêsu nter ktang tâm nau mbơh sơm jêh ri vơh vơl bêng dak măt, ma Nơm geh nau dơi tâm rklaih Păng nơm bơh nau khĭt; jêh ri yor nau Păng blau klach yơk, Păng geh nau bu dơn.