Kan Lêvi 2:11 - Nau Brah Ndu Ngơi 2023

¹¹ Ndơ ƀư brah rnih môi khân may nhhơr ma Brah Yêhôva mâu dơi pot ndrui ôh yorlah khân may mâu dơi gŭch ôh ndrui mâu lah dak sŭt tâm ndơ ƀư brah ăn ŭnh sa nhhơr ma Brah Yêhôva.

Kan Lêvi 2:11 ပူးပေါင်းရင်းမြစ်များ

Nau Ngluh Êjipt 23:18

Kon lơi nhhơr ôh ma Gâp mham mpa ƀư brah nđâp ma piăng let geh ndrui, kŏ mâu đŏng prăp ngi mpa ƀư brah nhhơr tâm nar rƀŭn yơk ma Gâp kŏ tât ang ôi taơ.

Nau Ngluh Êjipt 29:25

Jêh nây, ăn may sŏk tay lĕ ndơ nây bơh ti khân păng jêh ri su ndơ nây ta klơ nơng ƀư brah nđâp ndơ ƀư brah gŭch nhhơr ma Brah Yêhôva. Nây jêng du nau ƀư brah dŏng ŭnh nhhơr ndơ n'hôl ƀâu kah ƀư di nuih n'hâm Brah Yêhôva.

Nau Ngluh Êjipt 34:25

May mâu dơi nhhơr ma Gâp mham mpa ƀư brah nsum ma piăng let geh ndrui; mâu dơi đŏng djôt mpa ƀư brah Rƀŭn Nau Găn tât ang ôi.

Nau Hôr 24:13

Hơi kon gâp, sa hom dak sŭt yorlah păng jêng kah ngăn; Dak tă bơh mpơng sŭt njŭng ngăn ma trôm mbung may.

Nau Hôr 25:16

Tơlah may dơi joi dak sŭt, sa hom man mpay, Klach lah dôl sa hơm ir may mra hok đŏng.

Nau Hôr 25:27

Sa dak sŭt âk ir mâu ueh ôh, Rvê ir tĭng joi nau chrêk rmah ăn păng nơm nâm bu pônây lĕ.

Kan Lêvi 1:13

Ăn nơm nây ăt sŏk dak rao proch khŭng jêh ri jâng, jêh nây kôranh ƀư brah djôt lĕ rngôch ndơ nây gŭch ta klơ nơng ƀư brah. Nĕ jêng ndơ ƀư brah gŭch, jêng mpa ƀư brah ăn ŭnh sa, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.

Kan Lêvi 6:10

Kôranh ƀư brah mra nsoh kho gleh đah bok mhay gay ma nkŭm săk, jêh nây nsoh ao kôranh ƀư brah. Jêh nây, kôranh ƀư brah mra kuak buh ta klơ nơng ƀư brah ndơ ƀư brah gŭch jêh ri nkhŭt buh nây êp ta meng nơng ƀư brah.

Mathay 16:6

Brah Yêsu lah ma khân păng: “Njrăng hom jêh ri uănh njrăng ma ndrui phung Pharisi jêh ri phung Sađusê.”

Markôs 8:15

Păng nkah khân păng: “Njrăng hom jêh ri njrăng ma ndrui phung Pharisi jêh ri ndrui mpôl Hêrôt.”

Luka 12:1

Dôl nây, phung ƀon lan rgum ndrel âk rbăn bunuyh, kŏ tât tâm jot ndrăng băl nơm. Lor lơn Brah Yêsu ntơm ngơi ma phung oh mon Păng pô aơ: “Uănh njrăng hom ma ndrui phung Pharisi, jêng nau vay nuih n'hâm nklă.

Luka 21:34

Pôri, njrăng hom! Klach lah yorlah nau sông sa rlau keh ir, nhŭl ndrănh jêh ri nau rvê nau rêh aơ ƀư ma nuih n'hâm khân may pâl maak, jêh ri Nar nây tât ƀât lât tâm ban ma dăk rlâm klơ khân may,

Kôranh Oh Mon 14:22

Bar hê khân păng ƀư nâp nuih n'hâm phung oh mon, n'hao nuih khân păng djôt nâp nau chroh, jêh ri đă pô aơ: “He găn âk nau rêh ni, ri mơ dơi lăp tâm ƀon bri hađăch Brah Ndu.”

Galati 5:9

Ndrui djê̆ lê̆ dơi ƀư ră lĕ mbŭch rnih.

I Pêtrôs 4:2

gay ma dôl hôm gŭ rêh tâm nglay săk, khân may mâu hôm gŭ rêh tĭng nâm nau bunuyh kơnh ŭch ôh, ƀiălah tĭng nâm Brah Ndu ŭch.