Kan Lêvi 2:1 - Nau Brah Ndu Ngơi 2023

¹ “‘Tơlah geh du huê ŭch nhhơr du ntil ndơ ƀư brah rnih môi ma Brah Yêhôva, ndơ păng nhhơr nây ăn ƀư ma rnih môi. Ăn păng kêt dak ngi jêh ri dơm dak si ƀâu kah ta klơ,

Kan Lêvi 2:1 ပူးပေါင်းရင်းမြစ်များ

Nau Ngluh Êjipt 29:2

sŏk dŏng rnih ƀư piăng let mâu geh ndrui, ƀănh njŭng mâu geh ndrui, tâm lai dak ngi, jêh ri ƀănh nsiŏp mâu geh ndrui geh pot dak ngi.

Êsai 43:23

May mâu nhhơr ôh biăp jêng ndơ ƀư brah gŭch ma Gâp, Mâu nhhơr mpa ƀư brah gay yơk mbah ma Gâp. Gâp mâu dơm mbăk jâk ma may ndrel lĕ ndơ nhhơr, Mâu lĕ mâp ƀư rgănh may yorlah su ndơ ƀâu kah.

Êsai 66:20

Brah Yêhôva lah: “Phung bu năch mra njŭn lĕ rngôch phung oh nâu khân may plơ̆ sĭt bơh lĕ rngôch bri dak. Khân păng rdeng khân may klơ seh, ndeh, tâm ưn, ncho seh bri jêh ri seh samô, hăn ta yôk kloh ueh Gâp jêng Yêrusalem, gay nhhơr khân păng tâm ban ma du mpa nhhơr ma Brah Yêhôva; tâm ban đŏng phung Israel djôt leo mpa nhhơr tâm ndơ dŏng kloh rsang lăp ma ngih Brah Yêhôva.”

Êsêkiêl 46:20

Păng lah ma gâp: “Nây jêng ntŭk phung kôranh ƀư brah gâm lĕ ndơ ƀư brah chuai nau tih jêh ri chuai nau ƀư tih, ndrel n'hôl lĕ ndơ ƀư brah rnih môi gay mâu djôt leo ôh ndơ nây tât tâm ntŭk ndring padih jêh ri ƀư ăn phung ƀon lan jêng kloh lĕ.”

Yôel 1:9

Ndơ ƀư brah rnih môi jêh ri ndơ nhhơr nhêt sa bu ngroh lơi tă bơh ngih Brah Yêhôva; Phung kôranh ƀư brah pah kan ma Brah Yêhôva dôl nhĭm vơl.

Yôel 2:14

Gĭt lah Păng mra plơ̆ tay, rgâl nau mĭn, jêh ri ăn nau ueh uĭn pakơi Păng, Ăn ma khân may geh mông găl nhhơr ndơ ƀư brah rnih môi, ndơ nhhơr nhêt Ma Yêhôva Brah Ndu khân may?”

Kan Lêvi 14:10

Ta nar tal pham, păng mra nhŭp bar mlâm biăp nkuăng mâu têl khap ôh, du mlâm biăp me du năm mâu têl khap, pe kilô rnih môi tâm pot dak ngi ƀư ndơ ƀư brah rnih môi jêh ri du kô̆ tâm pe lit dak ngi.

Kan Lêvi 24:7

Ta ăp mbor, ăn may srih ndơ ƀâu kah mâu geh rlŭk, gay tâm ntĭt ndơ ma nau kan nhhơr piăng let, nâm ndơ ƀư brah ăn ŭnh sa nhhơr ma Brah Yêhôva.

Kan Lêvi 5:11

Tơlah păng mâu geh du kôp sĭm ntơp mâu lah du kôp plŭk kon, ăn păng njŭn leo du kilô rnih môi ba ƀlê gay ƀư ndơ ƀư brah chuai nau tih yor kan tih păng hŏ ƀư jêh; mâu dơi chê̆ dak ngi jêh ri mâu dơi dơm ndơ ƀâu kah ta klơ rnih nây, yorlah nĕ jêng du ndơ ƀư brah chuai nau tih.

Kan Lêvi 6:7

Kôranh ƀư brah mra ƀư nau rƀŭn chuai nau ƀư tih ma păng tanăp Brah Yêhôva, jêh ri păng mra dơi yô̆ an ma lĕ nau mâu di păng hŏ ƀư jêh.”

Kan Lêvi 9:17

Jêh nây păng nhhơr ndơ ƀư brah rnih môi. Păng kuak bêng du mbăt ndơ ƀư brah rnih môi jêh ri su păng ta klơ nơng ƀư brah, ndrel ndơ ƀư brah gŭch kêng ôi.

Kan Lêvi 9:4

du mlâm ndrôk jêh ri du mlâm biăp nkuăng gay ƀư ndơ ƀư brah đăp mpăn nhhơr tanăp Brah Yêhôva jêh ri du ndơ ƀư brah rnih môi geh pot dak ngi, yorlah nar aơ Brah Yêhôva mra tâm mpơl ma khân may.’”

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.

Nau Kơp Bunuyh 18:9

Aơ jêng ndơ may tă bơh lĕ ndơ dŭt kloh ueh jêh mâu geh su ôh, phung ƀon lan Israel nhhơr ma Gâp: Lĕ rngôch ndơ nhhơr khân may, ndơ ƀư brah rnih môi, ndơ ƀư brah chuai nau tih, ndơ ƀư brah chuai geh nau tih. Lĕ ndơ dŭt kloh ueh nây prăp ma may jêh ri ma phung kon bu klâu may.

Nau Kơp Bunuyh 28:5

jêh ri nhhơr ndrel ma ndơ ƀư brah rnih môi glom du kilô rnih môi, pach đah du lit dak ngi ôlive.

Nau Kơp Bunuyh 29:18

Nhhơr hom ndơ ƀư brah rnih môi jêh ri lĕ ndơ nhhơr nhêt ndrel ma lĕ rngôch ndrôk nkuăng, ma biăp nkuăng jêh ri ma biăp kon tĭng rnoh hŏ veh jêh.

Nau Kơp Bunuyh 7:13

Ndơ nhhơr păng jêng du mlâm ngan jam prăk jâk du kilô n'gul, du mlâm ngan grưng jâk pham rhiăng gram, tĭng nâm sêkel tâm ntŭk kloh ueh; lĕ bar ndơ nây bêng ma rnih môi pach đah dak ngi dŏng ma ndơ ƀư brah rnih môi,

Nau Kơp Bunuyh 7:19

Păng nhhơr du ngan jam prăk jâk păng du kilô n'gul, du ngan grưng prăk jâk pham rhiăng gram tĭng nâm sêkel tâm ntŭk kloh ueh, lĕ bar ndơ nây bêng ma rnih môi pach dak ngi dŏng ma ndơ ƀư brah rnih môi;

Nau Kơp Bunuyh 8:8

Jêh nây, ăn may lah ma khân păng sŏk du mlâm ndrôk nkuăng ndrel ma ndơ ƀư brah rnih môi ma rnih môi tâm pach đah dak ngi, jêh ri ăn may sŏk du mlâm ndrôk nkuăng rah tal bar jêng ndơ ƀư brah chuai nau tih.

Yôhan 6:35

Brah Yêsu lah: “Gâp jêng piăng let nau rêh. Mbu nơm văch ta Gâp, mâu hôm ji ngot ôh, mbu nơm chroh ma Gâp mâu hôm geh ji hir ôh.

I Yôhan 2:20

Ƀiălah khân may sŏk dơn jêh nau tŏ dak ƀâu kah tă bơh Nơm Kloh Ueh, jêh ri lĕ rngôch khân may geh jêh nau gĭt rbăng.

I Yôhan 2:27

Mpeh khân may, nau tŏ dak ƀâu kah khân may sŏk dơn jêh bơh Păng gŭ tâm khân may, jêh ri khân may mâu hôm ŭch ôh bu nti ma khân may. Yorlah nau Păng tŏ dak ƀâu kah nti ma khân may lĕ rngôch nau, jêh ri nau tŏ dak ƀâu kah nây jêng nau nanê̆ ngăn, mâu di mƀruh ndơm ôh; ăn gŭ hom tâm Păng, nâm bu nau tŏ dak ƀâu kah nây nti jêh ma khân may.

Yuđas 1:20

Hơi phung gâp rŏng, ndâk njêng hom khân may nơm ma nau chroh dŭt kloh ueh khân may. Mbơh sơm hom tâm Brah Huêng Ueh.

Nau Tâm Mpơl 8:3

Geh du huê tông mpăr êng djôt khăl mah ndơ ƀâu kah văch dăch nơng ƀư brah. Bu ăn ma păng âk ndơ ƀâu kah gay ma păng nhhơr ndrel ma lĕ nau mbơh sơm bơh lĕ rngôch phung kloh ueh ta nơng ƀư brah mah gŭ panăp sưng hađăch.