Kan Lêvi 19:5 - Nau Brah Ndu Ngơi 2023

⁵ Lah khân may nhhơr ndơ ƀư brah đăp mpăn ăn ma Brah Yêhôva, mâm nau khân may nhhơr gay ma Gâp dơi dơn.

Kan Lêvi 19:5 ပူးပေါင်းရင်းမြစ်များ

II Nau Rêh Jêng 31:2

Hađăch Hêsêkia ndâk tay nau dăp ma phung Lêvi, tĭng nâm nau kan ăp nơm gay nhhơr ndơ ƀư brah gŭch jêh ri ndơ ƀư brah ma nau đăp mpăn, jêh ri pah kan, lah ueh, mprơ tâm rnê Păng ta lĕ ntŭk mpông pêr ngih Brah Yêhôva.

Nau Ngluh Êjipt 24:5

Păng đă phung bu klâu ndăm Israel nhhơr ma Brah Yêhôva ndơ ƀư brah gŭch jêh ri mpa ƀư brah ma ndrôk kon, jêng ndơ ƀư brah ma nau đăp mpăn.

Êsêkiêl 46:12

Tơlah hađăch nhhơr ma Brah Yêhôva ndơ ƀư brah tĭng ŭch, nđâp lah ndơ ƀư brah gŭch mâu lah ndơ ƀư brah ma nau đăp mpăn, pôri bu mra pơk mpông pêr mpeh luh nar ăn ma hađăch. Hađăch mra nhhơr ndơ ƀư brah gŭch mâu lah ndơ ƀư brah ma nau đăp mpăn nâm bu hađăch hŏ nhhơr jêh ndơ ƀư brah nây ta nar saƀat. Jêh nây, hađăch du luh, jêh ri tơlah hŏ du luh jêh pôri mpông pêr bu dơi ntĭl lơi.”

Êsêkiêl 46:2

Hađăch mra lăp ta nây ma mpông pêr nhuang panăp jêh ri dâk dăch jrŏng mpông pêr dôl phung kôranh ƀư brah mra nhhơr ndơ ƀư brah gŭch jêh ri ndơ ƀư brah ma nau đăp mpăn. Hađăch mra chon mon mbah ta ntŭk lăp mpông pêr jêh ri du luh, ƀiălah mpông pêr mâu mra ntĭl ôh êlor măng.

Kan Lêvi 1:3

Tơlah ndơ nhhơr bơh bunuyh nây jêng ndơ ƀư brah gŭch ma ndrôk, ăn păng săch du mlâm ndrôk nkuăng mâu geh têl khap ôh. Ăn bunuyh nây nhhơr ndơ nây ta mpông Ngih Bok Nau Tâm Rƀŭn tanăp Brah Yêhôva, gay ma Păng maak dơn.

Kan Lêvi 19:4

Lơi n'gĭl ma rup ndah jêh ri mâu dơi đŏng tŏ rup brah ma kông ăn ma khân may. Gâp jêng Yêhôva Brah Ndu khân may.

Kan Lêvi 19:6

Ăn khân may sa ndơ nây ta nar khân may nhhơr, mâu lah ta nar ôi taơ; jêh ri moh mpa hôm e tât nar tal pe ăn bu su lơi tâm ŭnh.

Kan Lêvi 22:19

ăn khân păng nhhơr du mlâm mpa nkuăng mâu geh têl khap ôh nhŭp tă bơh phung ndrôk, mâu lah biăp kon mâu lah be me.

Kan Lêvi 22:21

Tơlah du huê bunuyh hŏ ton nhhơr mâu lah păng nơm ŭch nhhơr du mlâm mpa ƀư brah đăp mpăn ma Brah Yêhôva ma ndrôk mâu lah biăp, be, gay geh nau Gâp dơn, ăn khân may nhhơr mpa mâu geh têl khap ôh.

Kan Lêvi 22:23

Khân may dơi nhhơr du mlâm ndrôk mâu lah biăp kon geh jâng jong ir mâu lah gleh ir ƀư ndơ nhhơr khân may nơm ŭch, ƀiălah tơlah nhhơr mpa nây ƀư ndơ nhhơr ma nau dăn ton, mpa nây mâu mra dơi dơn ôh.

Kan Lêvi 22:29

Tơlah khân may nhhơr ndơ ƀư brah nsĭt nau lah ueh ma Brah Yêhôva, mâm nau khân may nhhơr gay ma dơi dơn.

Kan Lêvi 7:16

Tơlah ndơ ƀư brah tă bơh nau ton mâu lah tă bơh nuih n'hâm rŏng, sa ro mpa ƀư brah tâm nar bu nhhơr, moh mpa hôm e bu dơi sa nar ôi taơ.

Kan Lêvi 7:18

Tơlah mbu nơm sa puăch ndơ ƀư brah đăp mpăn tâm nar tal pe, ndơ ƀư brah bơh nơm nây nhhơr mra mâu dơn jêh ri ndơ hŏ nhhơr ƀư brah nây bu mâu kơp ôh. Nĕ jêng du ntil nau ƀơ̆ ƀơch, mbu nơm sa puăch nây mra tuy nau tâm rmal.