Kan Lêvi 19:32 - Nau Brah Ndu Ngơi 2023

³² Ăn khân may dâk tanăp măt phung sŏk ndra, yơk ma phung bu ranh, jêh ri ăn khân may klach yơk ma Brah Ndu khân may. Gâp jêng Brah Yêhôva.

Kan Lêvi 19:32 ပူးပေါင်းရင်းမြစ်များ

Nau Ntơm 31:35

H'Rachel ơh ma mbơ̆ păng: “Yorlah tât jêh ma kon tĭng nâm nau vay phung bu ur, kon mâu dơi ôh dâk tanăp măt mbơ̆, dăn mbơ̆ lơi dĭng nuih đah kon.” Y-Laban joi ƀiălah păng mâu dơi saơ ôh lĕ rup brah nây.

Nau Ntơm 48:12

Y-Yôsep sŏk pư bar hê kon bu klâu păng luh bơh kômâk mbơ̆ păng, jêh nây păn muh măt ta neh.

I Phung Hađăch 2:19

Pônây H'Batsêba hăn mâp hađăch Salômôn gay mbơh ma hađăch lĕ nau Y-Adônija ŭch. Hađăch dâk chuă vơt jêh ri kŭnh mbah panăp păng, jêh nây păng gŭ ta sưng hađăch păng nơm. Hađăch ntăm đă bu dơm du rnơl gŭ đŏng ma mê̆ hađăch gay păng gŭ mpeh pa ma hađăch.

II Phung Hađăch 17:36

Ƀiălah Brah Yêhôva, Nơm hŏ sŏk nau brah toyh jêh ri nting tur yơr sŏng, djôt khân may luh bơh Êjipt, Păng jêng Nơm ăn khân may klach yơk, chon mbah, jêh ri nhhơr mpa ƀư brah.

Ndrom Samƀŭt bơh Yôp 32:4

Y-Êlihu gŭ kâp gay plơ̆ lah ma Y-Yôp, yorlah phung nây lĕ bu ranh da dê rlau lơn ma păng.

Ndrom Samƀŭt bơh Yôp 32:6

Y-Êlihu, kon bu klâu Y-Barakel bunuyh Busi, plơ̆ lah: “Gâp hôm ndăm Khân may lĕ bu ranh jêh; Yor nây gâp mâu nănh, klach ngăn Lah mpơh nau gâp mĭn ma khân may.

Nau Hôr 16:31

Sŏk ndra mra jêng đon hađăch nau chrêk rmah, Prăp ăn ma bunuyh hăn tâm trong sŏng srăng.

Nau Hôr 20:29

N'hâm suan jêng nau chrêk ma lơp phung bu klâu ndăm, Bi sŏk ndra jêng nau yơk ma bu ranh.

Nau Hôr 23:22

Iăt hom nau mbơ̆ hŏ deh jêh may, Lơi mưch rmot ôh ma mê̆ may lah păng lĕ ranh jêh.

Êsai 3:5

Phung ƀon lan mra tâm tŭn jot ndrăng khân păng, Nơm aơ đah nơm ri, Phung chiau meng đah chiau meng. Kon se suai rak đah bu ranh, Bunuyh dơm dam tŭn jot ma nơm bu yơk.

Nau Nhĭm Vơl 5:12

Ti khân păng hŏ yông jêh phung kôranh, Khân păng mâu yơk đŏng ôh ma phung bu ranh.

Kan Lêvi 19:14

Lơi ta mưch rmot ma bunuyh tê̆k mâu lah ndơm ndơ chêh jâng ma bunuyh chieh măt, ƀiălah ăn khân may klach yơk ma Brah Ndu. Gâp jêng Brah Yêhôva.

Samƀŭt Pôl Njuăl Ăn Ma Phung Nsing Ta Ƀon Rôm 13:7

Mplơ̆ hom ma lĕ rngôch bunuyh nau khân may nơm iang rnon: chê̆ hom pi ma nơm, ăn khân may nơm chê̆ hom; chê̆ kao play hom ma nơm, ăn khân may nơm chê̆; klach ma nơm khư klach; yơk ma nơm khư yơk.

I Timôthê 5:1

Lơi ngơi dăng ôh nau nduyh ma bu klâu ranh, ƀiălah bonh leng păng tâm ban ma du huê mbơ̆, gŭ ngao đah phung ndăm tâm ban ma phung oh nâu,

I Pêtrôs 2:17

Yơk hom ma lĕ rngôch bunuyh, rŏng ma phung oh nâu tâm nau rnơm, klach yơk ma Brah Ndu, yơk ma hađăch.