Kan Lêvi 19:31 - Nau Brah Ndu Ngơi 2023

³¹ Khân may mâu dơi hăn tât ma phung kuăl brah phan mâu lah ma phung n'hŭm; lơi ta ôp ôh khân păng, tơlah ƀư kơt nây khân may mra jêng ƀơ̆ ƀơch. Gâp jêng Yêhôva Brah Ndu khân may.

Kan Lêvi 19:31 ပူးပေါင်းရင်းမြစ်များ

II Phung Hađăch 17:17

Khân păng gŭch phung kon bu klâu jêh ri kon bu ur khân păng tâm ŭnh gay ƀư ndơ nhhơr ma brah. Khân păng dŏng nau ƀŭk rƀên, n'hŭm pol, jêh ri tăch êng khân păng nơm gay ƀư nau mhĭk tanăp măt Brah Yêhôva, gay nsônh Păng ji nuih.

II Phung Hađăch 21:6

Păng nhhơr kon păng tâm ŭnh gay ndơ ƀư brah ma brah, ƀư nau sek uănh mănh jêh ri nau ƀŭk rƀên, dăn ôp phung gru rƀên jêh ri phung n'hŭm. Păng ƀư âk nau djơh tanăp măt Brah Yêhôva gay nsônh Păng ji nuih.

II Phung Hađăch 23:24

Rlau ma nây, Y-Jôsia mprơh du lĕ rngôch phung gru rƀên jêh ri phung n'hŭm, lĕ rup brah jê̆ tâm ngih jêh ri lĕ rup brah êng, nđâp lĕ rngôch ndơ dŭt ƀơ̆ ƀơch bu saơ tâm n'gor Yuđa jêh ri tâm ƀon Yêrusalem. Hađăch ƀư lĕ nau nây gay ƀư tĭng kơt lĕ nau ngơi tâm nau vay hŏ nchih jêh tâm ndrom samƀŭt, kôranh ƀư brah Y-Hilkia joi saơ tâm ngih Brah Yêhôva.

I Nau Rêh Jêng 10:13

Pôri, hađăch Sôl khĭt jêh yor păng mâu gŭ răp jăp đah Brah Yêhôva, mâu djôt prăp ôh nau Păng ntăm. Rlau ma nây, păng ôp ma phung ngơi ndrel đah brah mhĭk,

II Nau Rêh Jêng 33:6

Păng nhhơr kon păng nơm jêng ndơ ƀư brah gŭch tâm ŭnh, ta rlŭng Bên-hinôm, păng uănh n'hŭm pol, gŭn rƀên jêh ri nau ƀŭk rƀên, tĭng phung gru rƀên jêh ri phung n'hŭm. Hađăch ƀư âk nau djơh tanăp măt Brah Yêhôva gay nsônh Păng ji nuih.

Nau Ngluh Êjipt 22:18

Mâu dơi om ôh nau rêh ma phung bu ur n'hŭm.

Êsai 29:4

Bu mra tâp brôi may, jêh ri bơh ntŭk jru tâm dâng neh, may mra kuăl huy, Bơh ndruyh neh, nau may ngơi huơi ngăn. Bâr may nter luh bơh neh tâm ban ma bâr phan, Nau may ngơi huêt bơh ndruyh neh.

Êsai 47:13

Ay rgănh jêh ma nau ay tâm nchră âk; Ăn phung uănh trôk, phung sek mănh, phung sek khay mhe, Gay ma nchroh nau mra tât tâm nar kăndơ̆; Aƀaơ, dâk hom jêh ri rklaih ay Bơh lĕ nau mra tât ma ay.

Êsai 8:19

Tơlah geh bunuyh đă khân may: “Ăn khân may ôp phung gru rƀên jêh ri phung n'hŭm, jêng phung ngơi bŭk,” ăn khân may plơ̆ lah: “Mâm ƀư du phung ƀon lan mâu ôp ma Brah Ndu khân păng nơm lŏ hăn joi ôp phung khĭt jêh ăn ma phung rêh?”

Kan Lêvi 19:26

Khân may mâu dơi sa puăch hôm mham. Mâu dơi ƀư nau n'hŭm pol mâu lah ƀư nau blau rƀên ôh.

Kan Lêvi 19:3

Ăp nơm bunuyh ăn yơk ma mbơ̆ mê̆ jêh ri kah gĭt prăp nar saƀat Gâp. Gâp jêng Yêhôva Brah Ndu khân may.

Kan Lêvi 20:27

Tơlah du huê bu klâu mâu lah du huê bu ur jêng nơm ngơi ndrel đah brah mhĭk mâu lah ƀư n'hŭm pol, bu mra nkhĭt lơi păng; klŭp khân păng ma lŭ jêh ri mham khân păng mra nkhŭt tay ta khân păng nơm.’ ”

Kôranh Oh Mon 8:11

Khân păng gŭ iăt nau păng, yorlah hŏ jŏ nar jêh păng sŏk nau blau rƀên ƀư ma khân păng hih rhâl.

Galati 5:20

mbah rup brah, gŭn rƀên, tâm rlăng, tâm djrel, tâm rmot, ji nuih hâu ngăn, mbeh, mâu maak, tâm nkhah pă mpôl,

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”

I Samuel 28:3

Rnôk nây, Y-Samuel lĕ khĭt jêh; lĕ rngôch phung Israel nhĭm vơl păng jêh ri tâp păng ta Rama, jêng ƀon păng nơm. Bi Y-Sôl hŏ nsot lơi jêh lĕ phung gru rƀên jêh ri phung n'hŭm luh bơh n'gor.