Kan Lêvi 19:29 - Nau Brah Ndu Ngơi 2023

²⁹ Lơi ƀư bêk kon bu ur khân may jêh ri đă păng jêng du huê bu ur văng tĭr tâm lĕ jây rhŏ brah, ƀư ăn lĕ n'gor nây tŭp tâm nau văng tĭr jêh ri bêng ma nau ƀai.

Kan Lêvi 19:29 ပူးပေါင်းရင်းမြစ်များ

Kan Lêvi 19:28

Lơi yor ma bunuyh khĭt nkăp tor nglay săk khân may mâu lah kach ăp ntil rup ta săk jăn khân may. Gâp jêng Brah Yêhôva.

Kan Lêvi 21:7

Kôranh ƀư brah mâu dơi gŭ ôh bu ur văng tĭr mâu lah du huê bu ur ka n'hong, mâu lah bu ur chalơi sai, yorlah kôranh ƀư brah jêng kloh ueh ma Brah Ndu păng.

Kan Lêvi 21:9

Tơlah du huê kon bu ur kôranh ƀư brah ƀư bêk prêng păng nơm yor ƀư bu ur văng tĭr, ngơi sưr ma mbơ̆ păng, ăn bu su lơi bu ur nây ma ŭnh.

I Kôrintô 6:15

Khân may mâu gĭt hĕ săk jăn khân may jêng kô̆ tâm săk jăn Brah Krist? Lah ndri, gâp dơi lĕ sŏk săk jăn Brah Krist ƀư jêng săk jăn du huê bu ur văng tĭr ƀơh? Mâu geh ôh!

Nau Vay Nkah Tay 22:21

pôri ăn khân păng njŭn leo bu ur druh nây tât ta mpông ngih mbơ̆ păng, jêh ri phung ƀon lan tâm ƀon mra klŭp păng ma lŭ tât khĭt, yorlah păng ƀư nau bêk tâm n'gor Israel, ƀư tih văng tĭr dôl hôm gŭ tâm ngih mbơ̆ păng. Ƀư rai lơi nau tih mhĭk bơh khân may.