Kan Lêvi 19:26 - Nau Brah Ndu Ngơi 2023

²⁶ Khân may mâu dơi sa puăch hôm mham. Mâu dơi ƀư nau n'hŭm pol mâu lah ƀư nau blau rƀên ôh.

Kan Lêvi 19:26 ပူးပေါင်းရင်းမြစ်များ

Nau Ntơm 44:5

Mâu di hĕ aơ jêng kachok kôranh gâp dŏng nhêt ndrănh jêh ri n'hŭm pol? Khân may hŏ ƀư du nau mhĭk ngăn jêh.’”

Nau Ntơm 9:4

Ƀiălah khân may mâu dơi sa ôh puăch hôm e mham, jêng hôm nau rêh.

II Phung Hađăch 17:17

Khân păng gŭch phung kon bu klâu jêh ri kon bu ur khân păng tâm ŭnh gay ƀư ndơ nhhơr ma brah. Khân păng dŏng nau ƀŭk rƀên, n'hŭm pol, jêh ri tăch êng khân păng nơm gay ƀư nau mhĭk tanăp măt Brah Yêhôva, gay nsônh Păng ji nuih.

II Phung Hađăch 21:6

Păng nhhơr kon păng tâm ŭnh gay ndơ ƀư brah ma brah, ƀư nau sek uănh mănh jêh ri nau ƀŭk rƀên, dăn ôp phung gru rƀên jêh ri phung n'hŭm. Păng ƀư âk nau djơh tanăp măt Brah Yêhôva gay nsônh Păng ji nuih.

II Nau Rêh Jêng 33:6

Păng nhhơr kon păng nơm jêng ndơ ƀư brah gŭch tâm ŭnh, ta rlŭng Bên-hinôm, păng uănh n'hŭm pol, gŭn rƀên jêh ri nau ƀŭk rƀên, tĭng phung gru rƀên jêh ri phung n'hŭm. Hađăch ƀư âk nau djơh tanăp măt Brah Yêhôva gay nsônh Păng ji nuih.

Nau Ngluh Êjipt 7:11

Pharaôn kuăl rgum phung gĭt blau jêh ri phung n'hŭm jêng phung rƀên n'gor Êjipt văch, khân păng dŏng nau blau rƀên gay ƀư tâm ban kơt nây đŏng.

Nau Ngluh Êjipt 8:7

Phung rƀên dŏng nau blau rƀên ƀư tâm ban pônây lĕ, jêh ri ƀư ăn kĭt vơr hao tât ta n'gor Êjipt đŏng.

Yêrêmi 10:2

Brah Yêhôva lah pô aơ: “Lơi ta nti ôh tĭng nau rêh phung ƀon lan êng, Mâu klach râm sâr lĕ nau mbên klơ trôk, Nđâp lah phung ƀon lan êng geh klach nau mbên nây.

Daniel 2:10

Phung Kaldê plơ̆ lah ma hađăch: “Mâu geh du huê bunuyh ôh ta klơ neh ntu aơ dơi ƀư ƀoi nau hađăch, yorlah mâu geh ôh du huê hađăch, nđâp lah geh nau dơi toyh kađôi đŏng, mâu mâp djôt nau tâm ban pônây ma phung rƀên, ma phung nchrâng mănh mâu lah ma phung Kaldê.

Kan Lêvi 19:25

Tât ta năm tal prăm khân may ăt hôm dơi sa play tơm si nây. Tơlah khân may djôt prăp nau Gâp nti, play kao nây mra bĭk rơ̆ ma khân may. Gâp jêng Yêhôva Brah Ndu khân may.

Kan Lêvi 3:17

Aơ jêng nau vay dăp n'ho ro ma noi deh khân may ta ăp ntŭk khân may gŭ: khân may mâu dơi sa ngi mâu lah mham ôh.’”

Kan Lêvi 7:26

Phung kon mâu dơi sa mham ôh ta ăp ntŭk phung kon gŭ, nđâp lah nĕ jêng mham sĭm mâu lah mham mpô mpa rong.

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

Kôranh Oh Mon 15:20

ƀiălah ăn he nchih samƀŭt ntăm ma khân păng djôt prăp khân păng nơm bơh nau ƀơ̆ ƀơch tă bơh lĕ rup brah jêh ri nau văng tĭr, mâu đŏng sa puăch mpô mpa khĭt măp jêh ri mham.

Nau Vay Nkah Tay 12:16

Ƀiălah khân may mâu dơi ôh sa mham; ăn khân may nkhŭt lơi mham ta neh nâm bu nkhŭt dak.

Nau Vay Nkah Tay 12:23

Ƀiălah mâu dơi ôh sa mham, yorlah mham jêng nau rêh, rĭ dĭng khân may mâu dơi sa puăch nđâp ma nau rêh.

Nau Vay Nkah Tay 15:23

Ƀiălah khân may mâu dơi sa mham, nkhŭt lơi hom mham ta neh nâm bu nkhŭt dak.”

I Samuel 14:32

Phung ƀon lan lĕ ji ngot huăr ngăn pôri khân păng rduh lăp sŏk ndơ pit sŏk, nhŭp biăp ndrôk, jêh ri ndrôk kon, nkhĭt ta neh, jêh nây phung ƀon lan sa puăch hôm e mham.

I Samuel 14:33

Geh nơm mbơh ma Y-Sôl: “Aơ, phung ƀon lan ƀư tih đah Brah Yêhôva dôl sa puăch hôm e mham.” Păng lah: “Khân may ƀư ƀlêp ƀlêr! Rlă hom du mlâm lŭ toyh ma gâp ta aơ.”

I Samuel 15:23

Nau tâm rdâng geh nau tih nâm bu nau tih n'hŭm nklă, Nau dăng bôk geh nau tih nâm bu nau tih mbah rup brah. Yorlah may chalơi jêh nau Brah Yêhôva ngơi Pôri Păng ăt chalơi may, mâu ăn ma may chiă uănh đŏng ôh.”