Kan Lêvi 19:23 - Nau Brah Ndu Ngơi 2023

²³ Tơlah khân may lăp tâm n'gor hŏ ton jêh ri tăm ăp ntil tơm play sa, kơp hom play nây nâm bu play mâu dơi sa. Ăn khân may uănh play nây nâm bu play mâu dơi sa jêh ri mâu dơi sa tâm pe năm.

Kan Lêvi 19:23 ပူးပေါင်းရင်းမြစ်များ

Nau Ngluh Êjipt 6:12

Ƀiălah Y-Môis plơ̆ lah ma Brah Yêhôva: “Ơ Kôranh Brah, gâp jêng bunuyh mâu blau ngơi ueh; phung ƀon lan Israel mâu hŏ ôh iăt nau gâp, mâm dĭng Pharaôn dơi iăt gâp?”

Nau Ngluh Êjipt 6:30

Y-Môis lah ma Brah Yêhôva: “Aơ, gâp jêng bunuyh mâu blau ngơi ueh ôh, mâm dĭng Pharaôn dơi iăt gâp?”

Yêrêmi 6:10

Mbu nơm gâp mra ngơi jêh ri mbơh ma mbu moh, Gay ma khân păng iăt gâp? Aơ, tôr khân păng ê hŏ kŏ ntâu, Yor ri mâu dơi tăng ôh. Aơ, khân păng mưch nau Brah Yêhôva, Mâu hâk răm du djê̆ lê̆ ôh.

Kan Lêvi 12:3

Tât nar tal pham ăn bu ƀư nau rƀŭn koh ntâu kon bu klâu nây.

Kan Lêvi 14:34

“Tơlah khân may lăp tâm n'gor Kanaan jêng n'gor Gâp mra ăn khân may ƀư drăp ndơn, tơlah Gâp n'gân du ntil nau têl mbrĭng ta du rplay ngih tâm n'gor khân may mra pit sŏk,

Kan Lêvi 19:22

Kôranh ƀư brah mra nhhơr biăp nkuăng nây jêng ndơ ƀư brah chuai nau ƀư tih ma nơm hŏ ƀư tih tanăp Brah Yêhôva jêh ri nau tih păng ƀư mra dơi yô̆ an.

Kan Lêvi 19:24

Ƀiălah tât ta năm tal puăn lĕ rngôch play tơm si nây mra jêng kloh ueh, jêng ndơ nhhơr tâm rnê ma Brah Yêhôva.

Kan Lêvi 22:27

“Du mlâm ndrôk kon, biăp kon mâu lah be kon mhe deh, ăn păng gŭ ndrel ma me păng tâm pơh nar. Bơh nar tal pham rlet panăp klăp lah păng mra dơi dơn jêng ndơ ƀư brah ăn ŭnh sa nhhơr ma Yêhôva.

Kan Lêvi 23:14

Khân may mâu dơi sa piăng let mâu lah găr ba vâr mâu lah nkong ba nse kŏ tât ta nar nĕ, nây jêng nar khân may nhhơr ndơ ƀư brah ma Brah Ndu khân may. Nây jêng nau vay dăp n'ho ro ma lĕ rngôch rnôk, tâm lam ntŭk khân may gŭ rêh.

Kôranh Oh Mon 7:51

Hơi phung bunuyh dăng ko, nuih n'hâm jêh ri tôr ê hŏ koh ntâu ri! Khân may tâm rdâng mro đah Brah Huêng Ueh. Phung chô yau khân may tâm ban ma khân may!