Kan Lêvi 19:19 - Nau Brah Ndu Ngơi 2023

¹⁹ Ăn khân may djôt prăp lĕ nau vay Gâp dăp. Lơi ăn ôh ntil mpa nây tâm gar ma ntil mpa êng; lơi srih bar ntil găr tâm mir khân may jêh ri mâu lĕ dơi nsoh kho ao bu tanh ma bar ntil brai êng êng.

Kan Lêvi 19:19 ပူးပေါင်းရင်းမြစ်များ

Nau Ntơm 36:24

Phung kon bu klâu Y-Sibêôn jêng: Y-Aiya jêh ri Y-Ana. Y-Ana nây jêng nơm joi saơ tu dak duh tâm bri rdah dôl păng chiăp seh bri ma Y-Sibêôn mbơ̆ păng.

II Samuel 13:29

Pôri, lĕ phung oh mon Y-Apsalôm ƀư ma Y-Amnôn di tĭng nâm nau Y-Apsalôm hŏ ntĭnh jêh. Rnôk nây, lĕ rngôch phung kon bu klâu hađăch dâk da dê, ăp nơm ncho seh bri păng nchuăt du.

II Samuel 18:9

Nkhêp, phung oh mon Y-Đavit tâm mâp đah Y-Apsalôm ncho du mlâm seh bri nchuăt tâm dâng lĕ n'gĭng si tơm n'ho. Bôk Y-Apsalôm văk ta tơm n'ho yông păng vah vang trôk jêh ri neh, bi seh bri nchuăt na nau.

I Phung Hađăch 1:33

Jêh nây hađăch lah ma khân păng: “Djôt leo hom phung oh mon kôranh khân may hăn tĭng, chông Y-Salômôn, kon bu klâu gâp, hao ncho seh bri gâp nơm, jêh nây njŭn păng trŭnh ta dak n'hor Gihôn.

Êsra 2:66

Khân păng geh pơh rhiăng pe jât ma prao seh; bar rhiăng puăn jât ma prăm seh bri,

Kan Lêvi 18:4

Ăn khân may djôt prăp lĕ nau vay ƀư jêh ri mât mray nau vay Gâp. Gâp jêng Yêhôva Brah Ndu khân may.

Kan Lêvi 19:37

Pôri khân may djôt prăp hom jêh ri ƀư tĭng lĕ rngôch lĕ nau vay dăp jêh ri lĕ nau vay Gâp ƀư. Gâp jêng Brah Yêhôva.’”

Kan Lêvi 20:8

Ăn khân may djôt prăp jêh ri ƀư tĭng kơt lĕ nau vay Gâp dăp; Gâp jêng Brah Yêhôva, Nơm ƀư kloh ueh khân may.’

Kan Lêvi 22:31

Pôri ăn khân may djôt prăp jêh ri ƀư tĭng kơt lĕ nau vay ntăm bơh Gâp. Gâp jêng Brah Yêhôva.

Kan Lêvi 25:18

Yor nây ăn khân may ƀư tĭng lĕ nau vay dăp bơh Gâp, mât mray jêh ri ƀư tĭng lĕ nau vay ƀư bơh Gâp, gay ma khân may dơi gŭ rêh đăp mpăn tâm n'gor.

Luka 5:36

Brah Yêsu nkoch bri đŏng du nau hôr ma khân păng: “Mâu bu nkhêk ôh du blah tâm ao mhe gay jĭm ndop ta ao ơm. Lah ƀư kơt nĕ, ao mhe mra hêk, jêh ri blah bok mhe mâu tâm di ôh đah ao ơm.

Samƀŭt Pôl Njuăl Ăn Ma Phung Nsing Ta Ƀon Rôm 11:6

Ƀiălah tơlah ma nau yô̆ mâu hôm ŭch nau kan đŏng ôh; tơlah mâu, nau yô̆ mâu hôm jêng nau yô̆ ôh.

Nau Vay Nkah Tay 4:1

“Hơi phung Israel, aƀaơ aơ gŭ iăt hom lĕ nau vay dăp jêh ri lĕ nau vay gâp ƀư nti khân may. Djôt prăp hom lĕ nau nây gay ma khân may dơi rêh gay lăp dơn n'gor Yêhôva Brah Ndu phung chô yau khân may ăn ma khân may jêng drăp ndơn.

Nau Vay Nkah Tay 4:5

Aơ, gâp nti jêh ma khân may lĕ nau vay dăp jêh ri lĕ nau vay ƀư di nâm bu Yêhôva Brah Ndu gâp ntĭnh ntăm jêh ma gâp, gay ma khân may djôt prăp dôl gŭ tâm n'gor, khân may mra lăp dơn jêng drăp ndơn.