Kan Lêvi 19:17 - Nau Brah Ndu Ngơi 2023

¹⁷ Lơi geh nuih n'hâm tâm rkeh ma oh nâu khân may; nduyh hom nơm chiau meng gay mâu khan nau tih ndrel ma păng.

Kan Lêvi 19:17 ပူးပေါင်းရင်းမြစ်များ

Nau Ntơm 27:41

Bơh nây, Y-Êsau rmot ma Y-Yakôb yor nau mbơ̆ păng ăn nau ueh uĭn ma Y-Yakôb. Y-Êsau mĭn êng: “Mbơ̆ dăch khĭt jêh; jêh nây nkra nau tâp ma mbơ̆, gâp mra nkhĭt Y-Yakôb, oh gâp.”

II Samuel 13:22

Bi Y-Apsalôm mâu ngơi du nau ôh ma Y-Amnôn, nđâp lah nau ueh mâu lah nau mhĭk, yorlah Y-Apsalôm tâm rmot đah Y-Amnôn yorlah nau bê̆ch ndrel đah H'Tamar, oh bu ur păng.

Nêhêmi 13:17

Rnôk nây gâp nduyh ma phung ndrŏng tâm phung Yuđa pô aơ: “Mâm ƀư khân may ƀư nau mhĭk aơ gay ƀư ƀơ̆ nar saƀat?

Nau Mprơ Ơm 141:5

Ăn nơm sŏng srăng lơh gâp yor nuih n'hâm ueh, Jêh ri nau nduyh nkra khân păng jêng nâm bu dak ngi dŭt ueh ta klơ bôk gâp, Bôk gâp mâu mra dun ma nau nây ôh. Ƀiălah tâm nôk phung mhĭk ƀư nau ƀai, gâp ăt mbơh sơm ƀaƀơ.

Nau Hôr 9:8

Lơi ta nduyh ôh ma bunuyh mưch klach lah păng tâm rmot ma may; Nduyh hom ma bunuyh blau mĭn păng mra rŏng ma may.

Luka 17:3

Khân may njrăng hom ma khân may nơm. Tơlah nâu oh may ƀư tih, nduyh nkra hom! Tơlah păng rmal nau tih, yô̆ an hom!

Samƀŭt Pôl Njuăl Ăn Ma Phung Nsing Ta Ƀon Rôm 1:32

Khân păng rlau ma gĭt nau vay Brah Ndu hŏ nal pô aơ ma mbu nơm ƀư lĕ nau tih pônây jêng khư khĭt. Pôri, mâu di knŏng khân păng nơm ƀư lĕ nau nây, ƀiălah khân păng tâm di ndrel ma phung êng ƀư tâm ban đŏng.

I Kôrintô 5:2

Jêh ri khân may bêng ma nau sưr! Ueh lơn khân may nhĭm nhhiăng jêh ri nsot lơi nơm ƀư nau nây luh bơh khân may.

Galati 6:1

Hơi oh nâu, tơlah geh du huê rhuh tâm nau tih, khân may jêng phung hăn tĭng nâm Brah Huêng Ueh, sŏk hom nuih n'hâm rdơ̆ rbăn gay nkra khân păng. Ăn khân may nơm blau njrăng, klach lah geh nau ndơm tât ma khân may tâm ban lĕ.

Êphêsô 5:11

Lơi pah ndrel ôh lĕ nau kan mâu khlay bơh nau ngo; ueh lơn, ăn khân may nduyh khân păng;

I Timôthê 5:20

Mpơl hom nau nduyh ma phung bunuyh vay ƀư tih, gay ma phung êng klach đŏng.

I Timôthê 5:22

Ƀât ngăch ir pah ti ta bu ôh, mâu đŏng mbŭk ti tâm nau tih bơh bunuyh êng. Djôt prăp hom may nơm ma nau kloh rsang.

II Timôthê 4:2

Mbơh nkoch hom nau ngơi Brah Ndu, srôih hom nđâp lah tâm mông găl mâu lah mâu mông găl, sŭk nsôr hom, nduyh, n'hao nuih ma nuih n'hâm srôih jêh ri nau ntĭm nti.

Titus 1:13

Nau mbơh aơ jêng ngăn. Yor ri, ăn may ƀư ngăn nau nduyh nkra khân păng, gay ma khân păng geh nau ktang tâm nau chroh,

Titus 2:15

May nti hom lĕ nau nây, sŏk nau dơi gay nti nkah jêh ri nduyh. Lơi ăn du huê bunuyh mưch rmot ma may.

I Yôhan 2:11

Ƀiălah mbu nơm tâm rmot ma oh nâu păng nơm jêng gŭ tâm nau ngo, chuat hăn tâm nau ngo jêh ri mâu gĭt ôh mbah ntŭk păng nơm hăn, yorlah nau ngo ƀư chieh jêh măt păng.

I Yôhan 2:9

Mbu nơm lah păng gŭ tâm nau ang, ƀiălah păng tâm rmot ma oh nâu păng, păng ăt gŭ tâm nau ngo.