Kan Lêvi 19:11 - Nau Brah Ndu Ngơi 2023

¹¹ Khân may mâu dơi ntŭng ôh, mâu lĕ dơi ngơi nchơt jêh ri mƀruh ndrăng he.

Kan Lêvi 19:11 ပူးပေါင်းရင်းမြစ်များ

II Samuel 17:20

Phung oh mon Y-Apsalôm tât ta ngih bu ur nây jêh ri ôp: “Ta ntŭk Y-Ahimas jêh ri Y-Jônathan?” Bu ur nây plơ̆ lah: “Khân păng lĕ rgăn dak n'hor jêh.” Khân păng joi ƀiălah mâu dơi saơ, pôri khân păng plơ̆ sĭt ma ƀon Yêrusalem.

I Phung Hađăch 13:18

Nơm mbơh lor ranh lah tay: “Gâp jêng du huê nơm mbơh lor nâm bu may đŏng. Du huê tông mpăr hŏ tông bâr Brah Yêhôva ngơi ma gâp pô aơ: ‘Leo hom păng sĭt lăp tâm ngih ndrel ma may, gay ăn păng sa piăng let jêh ri nhêt dak.’” Ƀiălah nơm mbơh lor ranh aơ hŏ lah mƀruh ma păng.

Nau Mprơ Ơm 101:7

Nơm mƀruh ndơm mâu mra dơi gŭ tâm ngih gâp; Phung mƀruh nchơt mâu mra dơi gŭ ôh tanăp măt gâp.

Nau Mprơ Ơm 116:11

Tâm nau uh ah, gâp lah pô aơ: “Lĕ rngôch bunuyh jêng mƀruh da dê.”

Nau Ngluh Êjipt 20:15

May mâu dơi ntŭng.

Nau Ngluh Êjipt 20:16

May mâu dơi ngơi nchơt ƀư mhĭk ma phung chiau meng may nơm.

Nau Ngluh Êjipt 20:17

May mâu dơi kơnh ngih phung chiau meng may, mâu dơi kơnh ŭch ur, mâu lah oh mon bu klâu, oh mon bu ur, ndrôk, seh bri mâu lah ăp moh ndơ jêng ndơ phung chiau meng may.”

Nau Ngluh Êjipt 22:1

Tơlah mbu nơm nhŭp ntŭng du mlâm ndrôk mâu lah du mlâm biăp jêh nây nkhĭt mâu lah tăch lơi, ntrok hom prăm mlâm ndrôk tâm du mlâm ndrôk, jêh ri puăn mlâm biăp tâm du mlâm biăp.

Nau Ngluh Êjipt 22:7

Lah geh bu bunuyh jao ma nơm chiau meng păng sâm mât prăk mâu lah ndô ndơ păng nơm, ƀiălah bu ntŭng lơi bơh tâm ngih bunuyh nây, tơlah ban bu nhŭp nơm ntŭng ri ăn păng ntrok bar tơ̆.

Nau Ngluh Êjipt 23:1

“Lơi may nkoch bri nklă. May mâu dơi tâm rnglăp đah bunuyh mhĭk gay mbơh mƀruh.

Nau Hôr 24:28

Lơi ta phong nchroh ma nơm chiau meng may, Mâu lĕ sŏk bâr mbung may ma nau ndơm mƀruh.

Yêrêmi 6:13

“Yorlah ntơm bơh bunuyh dŭt jê̆ tât ma nơm toyh, Lĕ rngôch kơnh sa kao nau mâu di da dê; Ntơm bơh phung nơm mbơh lor tât kôranh ƀư brah, Gŭ rêh mƀruh ndơm da dê.

Kan Lêvi 19:10

Lơi pĕ lĕ đang krăk ƀâu mâu lah dônh lĕ play krăk ƀâu tŭp tâm neh; om play nây ma phung o ach jêh ri ma phung bu năch. Gâp jêng Yêhôva Brah Ndu khân may.

Samƀŭt Pôl Njuăl Ăn Ma Phung Nsing Ta Ƀon Rôm 3:4

Mâu mâp tâm ban pônây ôh! Brah Ndu jêng nanê̆ ngăn, nđâp tơlah lĕ rngôch bunuyh mƀruh da dê, nâm bu nchih jêh: “Gay ma Kôranh Brah uănh dơn may sŏng srăng tâm nau Păng ngơi, Jêh ri geh nau dơi tơlah bu phat dôih may.”

Êphêsô 4:25

Pôri yơh, ăp nơm tâm khân may mƀăr lơi hom nau mƀruh nchơt, “Ngơi hom ngăn ma phung chiau meng,” yorlah he jêng kô̆ săk jăn ndrăng he da dê.

Êphêsô 4:28

Nơm vay ntŭng, lơi hôm ntŭng ôh; ƀiălah ueh lơn srôih, sŏk ti păng nơm ƀư nau sŏng srăng, gay sâm kơl ma bunuyh pưt kƀah.

Nau Vay Nkah Tay 5:19

May mâu dơi ntŭng.

Kôlôh 3:9

Lơi ngơi mƀruh ndrăng khân may nơm yorlah mƀăr lơi jêh bunuyh ơm ndrel ma lĕ nau kan păng

I Timôthê 1:10

ma phung văng tĭr jêh ri bu klâu ndrăng bu klâu, bu ur ndrăng bu ur, ma phung tăch rgâl bunuyh, ma phung ngơi mƀruh, ma phung ngơi nchơt jêh ri lĕ nau êng tâm rdâng đah nau di nau sŏng ngăn.

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”