Kan Lêvi 19:10 - Nau Brah Ndu Ngơi 2023

¹⁰ Lơi pĕ lĕ đang krăk ƀâu mâu lah dônh lĕ play krăk ƀâu tŭp tâm neh; om play nây ma phung o ach jêh ri ma phung bu năch. Gâp jêng Yêhôva Brah Ndu khân may.

Kan Lêvi 19:10 ပူးပေါင်းရင်းမြစ်များ

Êsai 17:6

Mra hôm klen djê̆ ndrŏng ba mban; Tâm ban nôk bu rgu tơm ôlive, Hôm klen bar pe play Ta chiông n'gĭng dŭt prêh, Mâu lah puăn prăm play Ta lĕ n'gĭng âk play.” Yêhôva Brah Ndu Israel lah pônây.

Êsai 24:13

Yorlah ta nklang phung ndŭl mpôl bunuyh ta klơ neh, Mra jêng tâm ban nôk bu rgu tơm ôlive, Jêh ri tâm ban ma bu dônh play krăk ƀâu tơlah jêh yan pĕ play.

Yêrêmi 49:9

Phung pĕ play krăk ƀâu tât ta đang krăk ƀâu may, Khân păng mâu hôm hĕ ăn klen djê̆ djănh ma bunuyh mban? Tơlah phung ntŭng tât klong măng Mâu di hĕ khăn păng knŏng ntŭng moh ndơ khăn păng ŭch dơm?

Kan Lêvi 11:44

Yorlah Gâp jêng Yêhôva Brah Ndu khân may; pôri prăp hom khân may nơm ăn kloh ueh jêh ri kloh ueh hom, yorlah Gâp nơm jêng kloh ueh. Lơi yor ăp ntil ndrŭng vơr ta klơ neh ƀư ma khân may nơm geh nau ƀơ̆ ƀơch.

Kan Lêvi 19:11

Khân may mâu dơi ntŭng ôh, mâu lĕ dơi ngơi nchơt jêh ri mƀruh ndrăng he.

Kan Lêvi 19:25

Tât ta năm tal prăm khân may ăt hôm dơi sa play tơm si nây. Tơlah khân may djôt prăp nau Gâp nti, play kao nây mra bĭk rơ̆ ma khân may. Gâp jêng Yêhôva Brah Ndu khân may.

Kan Lêvi 19:9

Lah khân may kăch roih ba tâm n'gor khân may, lơi kăch roih kŏ tât nglĕ dŭt ta pĭt mir, mâu lĕ mban ndrŏng ba hôm klen.

Kan Lêvi 23:22

Tơlah khân may kăch roih ba tâm n'gor khân may nơm, lơi kăch roih tât ta pĭt mir ôh, mâu đŏng dônh lĕ ndrŏng ba hôm klen. Ăn khân may chalơi ndơ nây ma phung o ach jêh ri ma bunuyh gŭ njưh. Gâp jêng Yêhôva Brah Ndu khân may.’”

Kan Lêvi 25:6

Play kao geh tâm năm saƀat mra dŏng ƀư ndơ sông sa ăn ma khân may, ăn ma phung oh mon bu klâu, bu ur khân may, ăn ma phung kan nkhôm, phung gŭ njưh tâm nklang ma khân may,

Apdia 1:5

Bu mra ƀư rai yơh may! Tơlah phung ntŭng mâu lah bunuyh pit ndô ndơ tât ta jây may kêng măng, Di lĕ khân păng knŏng ntŭng man tŏng dơm lah? Tơlah phung pĕ play krăk ƀâu văch ma may, Di lĕ khân păng om klen bar pe rkŭm play krăk ƀâu dơm lah?

Mika 7:1

Rêh ni ma gâp! Yorlah gâp jêng nâm bunuyh pĕ play yan ta vai, Jêh ri nâm bunuyh mban play krăk ƀâu tâm yan pĕ play krăk ƀâu hŏ lĕ jêh, Ƀiălah mâu geh ôh du rkŭm play krăk ƀâu gay sa; Play rvi bôk yan Ƀiălah huêng gâp ŭch hâu ngăn kŏ mâu geh lĕ.

Nau Vay Nkah Tay 24:19

Lah khân may roih rek ba tâm mir, ƀiălah chuêl djôt du nchăp ba ta nây, lơi hôm hăn sŏk ôh. Nchăp ba nây prăp ma nơm gŭ njưh ƀât lât, ma kon se kon đơi jêh ri ma bu ur ndrô. Pônây, Yêhôva Brah Ndu mra ăn nau ueh uĭn ma khân may tâm lĕ rngôch nau kan ti khân may ƀư.

Nau Vay Nkah Tay 24:20

Lah khân may n'gơ tơm play ôlive pôri lơi dĭng dônh lĕ play hôm klen ta klơ n'gĭng, nây jêng kô̆ prăp ma nơm gŭ njưh ƀât lât, ma kon se kon đơi jêh ri ma bu ur ndrô.

Nau Vay Nkah Tay 24:21

Lah khân may pĕ play krăk ƀâu bơh đang krăk ƀâu khân may, khân may mâu dơi dônh lĕ play hôm klen, nây jêng kô̆ prăp ma nơm gŭ njưh ƀât lât, ma kon se kon đơi jêh ri ma bu ur ndrô.

Phung Kôranh Phat Dôih 8:2

Ƀiălah păng plơ̆ lah ma khân păng pô aơ: “Nau gâp dơi ƀư mâu geh khlay đah khân may ôh? Mâu di hĕ nau phung Êphraim dônh play krăk ƀâu jêng ueh lơn ma nau phung Abiêser pĕ play krăk ƀâu?

Bu ur Rut 2:2

H'Rut, bu ur Môap, lah ma H'Naômi: “Ăn gâp hăn luh ta mir mban ba. Gâp mra hăn tĭng pakơi nơm geh nuih n'hâm ueh ăn ma gâp mban.” H'Naômi plơ̆ lah: “ơ kon, ay hăn hom!”