Kan Lêvi 18:9 - Nau Brah Ndu Ngơi 2023

⁹ Lơi bê̆ch nsum đah oh nur may nơm, nđâp lah geh du mê̆ du mbơ̆, mâu lah du mbơ̆, êng mê̆ mâu lah du mê̆, êng mbơ̆, gĭt lah bu deh jêh tâm ngih mâu lah ta ntŭk êng.

Kan Lêvi 18:9 ပူးပေါင်းရင်းမြစ်များ

Êsêkiêl 22:11

Ta ntŭk may, bunuyh aơ ƀư nau ƀơ̆ đah ur chiau meng păng, bunuyh êng ƀư ƀơ̆ đah ƀăn păng nơm, bunuyh êng đŏng ƀư prêng oh ruh păng jêng kon bu ur mbơ̆ păng.

Kan Lêvi 18:10

Lơi bê̆ch nsum ôh đah mon bu ur tă bơh kon bu klâu may nơm mâu lah tă bơh kon bu ur may nơm; ƀư kơt nây jêng bêk prêng ma may nơm.

Kan Lêvi 18:11

Lơi bê̆ch nsum ôh đah oh bu ur du mbơ̆, êng mê̆; yorlah păng jêng oh bu ur may.

Kan Lêvi 20:17

Tơlah du huê bu klâu sŏk ruh mâu lah oh păng nơm, mâu lah du mbơ̆, mê̆ êng êng, mâu lah du mê̆, mbơ̆ êng êng, nây jêng du nau dŭt bêk prêng, bu mra ngluh lơi khân păng luh bơh phung ƀon lan. Nơm hŏ ƀư bêk jêh oh ruh păng, nơm nây mra tuy nau djơh păng.

Nau Vay Nkah Tay 27:22

‘Di ma rak rtăp lơi ma nơm bê̆ch ndrel đah oh, ruh păng, mâu lah mbơ̆ nsum mê̆ êng mâu lah mê̆ nsum mbơ̆ êng!’ Ăn lĕ rngôch phung ƀon lan mra plơ̆ lah: ‘Amen!’