Kan Lêvi 18:3 - Nau Brah Ndu Ngơi 2023

³ Lơi khân may ƀư ôh lĕ nau khân păng ƀư tâm n'gor Êjipt, ntŭk khân may hŏ gŭ njưh jêh, mâu lĕ dơi tĭng ƀư nau khân păng ƀư tâm n'gor Kanaan, jêng n'gor Gâp mra njŭn khân may tât. Mâu dơi hăn tĭng ndô̆ ôh nau vay dăp khân păng.

Kan Lêvi 18:3 ပူးပေါင်းရင်းမြစ်များ

II Phung Hađăch 17:8

gŭ rêh tĭng nâm nau vay phung ƀon lan Brah Yêhôva hŏ mprơh jêh luh bơh phung ƀon lan Israel, jêh ri chuat tĭng nâm nau vay phung hađăch Israel hŏ nkra jêh.

Nau Mprơ Ơm 106:35

Ƀiălah tâm rlŭk đah phung ƀon lan nây, Ƀư tĭng lĕ kan khân păng ƀư.

Nau Ngluh Êjipt 23:24

Lơi chon mbah jêh ri pah kan ma phung brah khân păng; lơi kơt nau kan khân păng ƀư. Ăn kon ƀư rai lĕ ƀhiau phung brah jêh ri mbang hăch ăn lĕ n'gâng khân păng mbah.

Êsêkiêl 23:8

Păng mâu lơi ôh nau văng tĭr păng djôt leo ntơm bơh n'gor bri Êjipt jêng ntŭk bu hŏ ƀư bêk păng dôl rnôk hôm druh mom, ƀư ăn roh ndŭl druh păng jêh ri nkhŭt nau văng tĭr ta khân păng.

Kan Lêvi 20:23

Khân may mâu dơi ƀư tĭng ndô̆ nau vay lĕ phung ƀon lan Gâp mra nsot lơi tă bơh năp khân may, yorlah khân păng hŏ ƀư jêh lĕ nau nây jêh ri Gâp tâm rmot ngăn ma khân păng.

Samƀŭt Pôl Njuăl Ăn Ma Phung Nsing Ta Ƀon Rôm 12:2

Lơi ƀư tâm ban ma phung rnôk aơ, ƀiălah tâm rgâl hom ma nau mĭn mhe khân may, gay tâm rnglah moh nau mĭn ŭch ueh, di nuih n'hâm jêh ri nŭm rĭng ma Brah Ndu.

Nau Vay Nkah Tay 12:4

Lơi yơk mbah ma Yêhôva Brah Ndu khân may tĭng nâm phung ƀon lan nây mbah ma brah khân păng.

Nau Vay Nkah Tay 29:17

Khân may hŏ saơ jêh gŭ ta nklang khân păng geh lĕ ndơ bu tâm rmot jêh ri lĕ rup brah ƀư ma tơm si, lŭ, prăk jêh ri mah.

Nau Vay Nkah Tay 9:4

Ƀiălah dôl Yêhôva Brah Ndu hŏ lơh nsot khân păng tanăp khân may, lơi ngơi ôh tâm nuih n'hâm khân may pô aơ: ‘Yor nau sŏng srăng gâp rĭ dĭng Brah Yêhôva hŏ njŭn leo gâp lăp pit sŏk n'gor aơ.’ Ngăn ya, yor nau ƀai phung ndŭl mpôl nây dĭng Brah Yêhôva lơh nsot khân păng bơh tanăp khân may.