Kan Lêvi 18:29 - Nau Brah Ndu Ngơi 2023

²⁹ Mbu nơm ƀư du ntil tâm nau kan dŭt ƀơ̆ ƀơch nây, bu mra mprơh lơi păng luh bơh phung ƀon.

Kan Lêvi 18:29 ပူးပေါင်းရင်းမြစ်များ

Nau Ngluh Êjipt 12:15

Tâm pơh nar ăn khân may sa piăng let mâu geh ndrui. Ta nar tal nguay, ăn khân may sŏk mƀăr lơi ndrui bơh ngih khân may, yorlah tơlah mbu sa piăng let geh ndrui ntơm bơh nar tal nguay tât ta nar tal pơh, mra ngluh lơi nơm nây bơh phung Israel.

Nau Ngluh Êjipt 30:33

Mbu nơm lŭk lai du ntil dak ƀâu kah tâm ban ma nây mâu lah sŏk dak ƀâu kah nây mhĭng ma bunuyh bu năch, ăn bu mra ngluh lơi păng luh bơh phung ƀon lan.’”

Kan Lêvi 17:10

‘Mbu nơm bơh ngih Israel mâu lah bơh bunuyh gŭ njưh ta nklang khân păng sa mham, Gâp mra tâm rdâng đah nơm sa mham nây, jêh ri mra mprơh păng luh tă bơh phung ƀon lan păng nơm.

Kan Lêvi 18:28

Pôri, lơi ƀư ma neh nây jêng ƀơ̆ ƀơch; lah mâu, neh nây đŏng mra hok jrih khân may luh nâm păng hŏ hok jrih jêh phung ƀon lan gŭ ta nây lor ma khân may.

Kan Lêvi 18:30

Pôri, ăn khân may djôt prăp nau Gâp ntĭnh jêh, mâu dơi ƀư lĕ nau vay ƀơ̆ ƀơch tâm phung ƀon lan gŭ rêh ta nây lor ma khân may, jêh ri lơi ăn nau vay mhĭk nây ƀư ƀơ̆ ma khân may. Gâp jêng Yêhôva Brah Ndu khân may.”

Kan Lêvi 20:6

‘Tơlah mbu nơm n'gĭl uănh ta phung ngơi ndrel đah brah mhĭk jêh ri phung n'hŭm, ƀư nau văng tĭr đah phung nây, Gâp mra tâm rdâng đah bunuyh nây jêh ri mra nsot lơi păng luh bơh phung ƀon lan păng.

Kan Lêvi 7:20

Mbu nơm gŭ tâm nau ƀơ̆ ƀơch ƀiălah sa puăch ndơ ƀư brah đăp mpăn nhhơr ma Brah Yêhôva, bu mra nsot lơi păng luh bơh phung ƀon lan păng.

Kan Lêvi 7:21

Tơlah mbu pah ta ndơ ƀơ̆ ƀơch, mâu lah bơh bunuyh mâu lah bơh moh mpô mpa mâu lah moh ndơ geh nau ƀơ̆ ƀơch, ƀiălah sa tay puăch ƀư brah đăp mpăn nhhơr ma Brah Yêhôva, bu mra nsot lơi păng luh bơh phung ƀon lan păng.”

Malachi 2:12

Mbu moh ƀư nau nây, mâu lah ma nơm gĭt vât dơi plơ̆ lah, mâu lah nơm djôt leo ndơ nhhơr ƀư brah ma Brah Yêhôva ma phung tahan, pôri Brah Yêhôva mra ƀư rai da dê khân păng tă bơh ngih bok phung Yakôb.