Kan Lêvi 18:26 - Nau Brah Ndu Ngơi 2023

²⁶ Bi ma khân may, gĭt lah phung ƀon lan tâm n'gor mâu lah bunuyh gŭ njưh ta nklang khân may, ăn djôt prăp da dê nau vay jêh ri nau Gâp dăp, lơi ƀư ôh tâm du ntil tâm lĕ nau kan ƀơ̆ ƀơch nĕ.

Kan Lêvi 18:26 ပူးပေါင်းရင်းမြစ်များ

I Phung Hađăch 14:24

Tâm n'gor bri geh đŏng bu klâu văng tĭr pah kan tâm lĕ jây rhŏ brah. Khân păng ƀư tĭng kơt lĕ nau rmot tâm phung ndŭl mpôl Brah Yêhôva mprơh jêh panăp phung ƀon lan Israel.

Kan Lêvi 17:10

‘Mbu nơm bơh ngih Israel mâu lah bơh bunuyh gŭ njưh ta nklang khân păng sa mham, Gâp mra tâm rdâng đah nơm sa mham nây, jêh ri mra mprơh păng luh tă bơh phung ƀon lan păng nơm.

Kan Lêvi 17:8

Pôri ăn may lah ma Phung ƀon lan Israel: ‘Mbu nơm bơh ngih Israel mâu lah bunuyh gŭ njưh ta nklang khân păng, nhhơr ndơ ƀư brah gŭch mâu lah mpa ƀư brah

Kan Lêvi 18:25

Neh nây ƀơ̆ ƀơch jêh. Gâp hŏ tâm rmal jêh păng yor nau djơh păng, jêh ri neh nây hok jrih phung ƀon lan păng.

Kan Lêvi 18:27

Yorlah phung gŭ lor ma khân may tâm n'gor nây, hŏ ƀư lĕ nau kan ƀơ̆ ƀơch nĕ, yor ri neh nây hŏ jêng ƀơ̆ ƀơch jêh.

Kan Lêvi 18:30

Pôri, ăn khân may djôt prăp nau Gâp ntĭnh jêh, mâu dơi ƀư lĕ nau vay ƀơ̆ ƀơch tâm phung ƀon lan gŭ rêh ta nây lor ma khân may, jêh ri lơi ăn nau vay mhĭk nây ƀư ƀơ̆ ma khân may. Gâp jêng Yêhôva Brah Ndu khân may.”

Kan Lêvi 18:5

Pôri ăn khân may djôt prăp nau vay jêh ri lĕ nau vay Gâp ƀư jêh; mbu nơm ƀư tĭng nau nây mra geh nau rêh tă bơh nĕ. Gâp jêng Brah Yêhôva.

Luka 11:28

Ƀiălah Păng lah: “Phung iăt jêh ri djôt prăp nau Brah Ndu ngơi geh ueh lăng rlau lơn!”

Luka 8:15

Ƀiălah lĕ grăp tŭp tâm neh ueh jêng phung bunuyh tăng djôt prăp nau Brah Ndu Ngơi nuih n'hâm nanê̆ jêh ri mĭn ueh, bơh nau nsrôih dơi geh play.

Yôhan 14:15

“Lah khân may rŏng ma Gâp, khân may mra djôt prăp lĕ nau vay Gâp.

Yôhan 15:14

Lah khân may ƀư tĭng nau Gâp ntĭm nti, khân may jêng băl Gâp.

Nau Vay Nkah Tay 12:32

Ăn khân may blau njrăng, ƀư tĭng lĕ rngôch nau gâp ntĭnh jêh ma khân may, mâu dơi ôh ntop mâu lah n'hŭch lơi.”

Nau Vay Nkah Tay 4:40

Djôt prăp hom lĕ nau vay Păng dăp jêh ri nau vay Păng ntăm, gâp ăn jêh ma khân may nar aơ gay ma khân may jêh ri ma phung kon sau khân may pakơi taơ geh nau ueh uĭn, jêh ri dơi gŭ jŏ nar tâm n'gor Yêhôva Brah Ndu khân may ăn jêh ma khân may n'ho ro.”