Kan Lêvi 18:25 - Nau Brah Ndu Ngơi 2023

²⁵ Neh nây ƀơ̆ ƀơch jêh. Gâp hŏ tâm rmal jêh păng yor nau djơh păng, jêh ri neh nây hok jrih phung ƀon lan păng.

Kan Lêvi 18:25 ပူးပေါင်းရင်းမြစ်များ

I Phung Hađăch 21:26

Hađăch ƀư jêh nau mưch rmot ngăn jêng mbah lĕ rup brah nâm bu phung Amôrit hŏ ƀư, jêng phung ƀon lan Brah Yêhôva mprơh jêh bơh panăp phung ƀon lan Israel.

Êsra 9:11

May hŏ prơh jêh phung nơm mbơh lor jêng oh mon May, gay ăn ntĭm nti hên pô aơ: ‘N'gor bri phung khân may mra hăn lăp sŏk nây, jêng du n'gor bri ƀơ̆ ƀơch ngăn yor nau ƀơ̆ ƀơch tă bơh phung ntil mpôl bunuyh tâm n'gor. Ma lĕ nau vay ƀơ̆ ƀơch, khân păng hŏ ƀư ƀơ̆ ƀơch ăp ntŭk tâm n'gor nĕ.

Nau Mprơ Ơm 106:38

Khân păng ƀư nkhŭt mham mâu geh tih, Nây jêng mham kon bu klâu kon bu ur khân păng Gay ƀư brah ma rup brah n'gor bri Kanaan, Ăn n'gor bri jêng ƀơ̆ ƀơch yor mham nây.

Nau Mprơ Ơm 89:32

Pôri gâp mra tâm rmal ma mâng rvĕ nau khân păng uh ah, Jêh ri sŏk nau mhĭk gay ma tâm rmal nau tih khân păng.

Êsai 24:5

Rplay neh geh nau ƀơ̆ ƀơch Yor phung ƀon lan păng nơm, Yorlah khân păng hŏ ƀư tih nau vay, Mâu di đah nau vay dăp, Jêh ri ƀư rai lơi nau tâm rnglăp n'ho ro.

Êsai 26:21

Yorlah aơ, Brah Yêhôva mra luh bơh ntŭk Păng gŭ Gay tâm rmal nau tih ma phung gŭ ta neh ntu. Rnôk aơ, neh ntu mra tâm mpơl mham Jêh ri mâu hôm nkŭm ôh phung bu hŏ nkhĭt jêh.

Yêrêmi 14:10

Brah Yêhôva lah ma phung ƀon lan aơ kơt aơ: “Khân păng ŭch hăn nsong blêng pônây, Mâu gĭt nkân bar jâng ôh; Yor ri Brah Yêhôva mâu sŏk dơn ôh khân păng. Aƀaơ aơ, Păng kah gĭt tay nau khân păng hŏ ƀư tih, Jêh ri rmal lơi nau tih khân păng.”

Yêrêmi 16:18

Lor lơn Gâp mra mplơ̆ nau mhĭk ma khân păng n'hao bar tơ̆ jêh ri nau tih khân păng hŏ ƀư jêh, yorlah khân păng hŏ ƀư ƀơ̆ ƀơch neh Gâp bơh săk jăn khĭt lĕ rup brah di ma nau tâm rmot, jêh ri ƀư bêng ma drăp ndơn đah lĕ ndơ di ma nau ƀơ̆ ƀơch.”

Yêrêmi 2:7

Gâp njŭn leo khân may tât du ntŭk bri neh ueh Gay ma dơi geh kao play jêh ri lĕ ndô ndơ ueh păng. Ƀiălah dôl lăp ta nây, phung khân may hŏ ƀư ƀơ̆ ƀơch neh Gâp, Hŏ ƀư ăn drăp ndơn Gâp plơ̆ jêng ƀơ̆ ƀơch.

Yêrêmi 23:2

Yor nây, aơ jêng nau Yêhôva Brah Ndu phung Israel prăp ăn ma phung rmăk biăp chiă uănh phung ƀon lan Gâp: ‘Khân may hŏ ƀư nchah rai pru pra jêh biăp Gâp, mprơh du jêh ri mâu njrăng ma khân păng. Aơ, Gâp mra rkêng tôr iăt tâm rdâng đah khân may yor nau mhĭk khân may ƀư jêh,’ Brah Yêhôva lah pônây.

Yêrêmi 5:29

Brah Yêhôva lah: “Gâp mâu mra tâm rmal hĕ khân păng ma nau tih nây? Du ndŭl mpôl nâm bu pônây Gâp mâu plơng bôk hĕ?

Yêrêmi 5:9

Gâp mâu mra tâm rmal hĕ khân păng yor ma nau tih nây lĕ? Du phung ndŭl mpôl pônây Ah Gâp mâu plơng lĕ?” Brah Yêhôva lah pônây.

Yêrêmi 9:9

Brah Yêhôva lah: “Gâp mâu mra tâm rmal khân păng ma lĕ nau tih nây hĕ? Mâm Gâp mâu har plơng Ma du ndŭl mpôl dơi tâm ban pônây?”

Ndrom Samƀŭt bơh Ôsê 2:13

Gâp mra tâm rmal păng Yorlah tâm lĕ nar păng nhhơr ndơ ƀâu kah ma brah Baal, Văn mblo tôr jêh ri nkrơ̆ ndơ khlay, Hăn tĭng phung tĭr păng, Bi gâp păng chuêl jêh!” Brah Yêhôva lah pônây.

Ndrom Samƀŭt bơh Ôsê 8:13

Nđâp tơlah khân păng nhhơr mpa ƀư brah ma Gâp Jêh ri sa puăch mpa ƀư brah, Ƀiălah Brah Yêhôva ăt mâu sŏk dơn khân păng. Abaơ Păng kah gĭt tay nau djơh mhĭk khân păng Jêh ri tâm rmal nau tih khân păng; Khân păng mra plơ̆ sĭt ma n'gor Êjipt!

Ndrom Samƀŭt bơh Ôsê 9:9

Khân păng lĕ rlâm rai jru hâu ngăn Nâm bu tâm lĕ nar Gibêa. Brah Ndu mra kah gĭt tay nau tih mhĭk khân păng, Jêh ri mra tâm rmal nau tih khân păng.

Kan Lêvi 18:26

Bi ma khân may, gĭt lah phung ƀon lan tâm n'gor mâu lah bunuyh gŭ njưh ta nklang khân may, ăn djôt prăp da dê nau vay jêh ri nau Gâp dăp, lơi ƀư ôh tâm du ntil tâm lĕ nau kan ƀơ̆ ƀơch nĕ.

Kan Lêvi 18:28

Pôri, lơi ƀư ma neh nây jêng ƀơ̆ ƀơch; lah mâu, neh nây đŏng mra hok jrih khân may luh nâm păng hŏ hok jrih jêh phung ƀon lan gŭ ta nây lor ma khân may.

Samƀŭt Pôl Njuăl Ăn Ma Phung Nsing Ta Ƀon Rôm 8:22

Yorlah he gĭt lĕ rngôch ndơ rhăk njêng rđêng da dê jêh ri ji kruăt tât ta nar aơ;

Nau Vay Nkah Tay 18:12

yorlah Brah Yêhôva tâm rmot mbu nơm ƀư lĕ nau kan nây. Yor tă lĕ kan tâm rmot nây dĭng Yêhôva Brah Ndu khân may hŏ ngluh lơi jêh lĕ rngôch phung ndŭl mpôl nây luh bơh khân may.

Nau Vay Nkah Tay 21:23

ƀiălah mâu dơi cha lat ôh săk jăn khĭt ta klơ tơm si lôch du măng, ƀiălah ăn khân may tâp ro păng tâm nar nây, yorlah mbu nơm bu yông klơ tơm si jêng nơm lĕ Brah Ndu de rak rtăp jêh. Khân may mâu dơi ƀư ƀơ̆ ôh n'gor neh Yêhôva Brah Ndu khân may ăn ma khân may jêng drăp ndơn.”

Nau Vay Nkah Tay 9:5

Mâu di yor nau sŏng srăng mâu lah nuih n'hâm song bơh khân may, dĭng khân may lăp pit sŏk n'gor lĕ phung ƀon lan nây; ƀiălah yor nau ƀai khân păng dĭng Yêhôva Brah Ndu mra nsot lơi khân păng luh bơh tanăp khân may gay ƀư nau gĭt mbên nanê̆ nau Păng ton jêh ma phung chô yau khân may jêng Y-Abraham, Y-Isăk, jêh ri Y-Yakôb.