Kan Lêvi 18:24 - Nau Brah Ndu Ngơi 2023

²⁴ Lơi ƀư ƀơ̆ ƀơch khân may nơm tă bơh kan nây ôh, yorlah tă bơh lĕ kan nây phung ƀon lan jêng ƀơ̆ ƀơch jêh ri Gâp dăch nsot khân păng du bơh khân may.

Kan Lêvi 18:24 ပူးပေါင်းရင်းမြစ်များ

Nau Ntơm 15:16

Tât rô̆ tal puăn, phung kon sau may mra plơ̆ sĭt ta aơ, yorlah nau djơh mhĭk phung Amôrit ê hŏ nă rĭng.”

I Phung Hađăch 9:7

nôk nây Gâp mra mprơh phung Israel du luh bơh neh Gâp hŏ ăn jêh ma khân păng. Bi ngih brah Gâp hŏ prăp êng jêng kloh ueh ma amoh Gâp, Gâp mra mƀăr lơi ngih luh bơh măt Gâp; jêh ri phung Israel mra jêng du bôk nau mprĭng ma lĕ rngôch phung ƀon lan ngơi hôr jêh ri gơm mpray.

II Nau Rêh Jêng 33:2

Păng ƀư nau mhĭk tanăp măt Brah Yêhôva, tĭng lĕ nau vay dŭt ƀơ̆ ƀơch tâm phung ndŭl mpôl Brah Yêhôva hŏ mprơh du jêh tă bơh phung ƀon lan Israel.

Êsra 9:1

Tơlah lĕ kan nây hŏ lôch jêh, phung kôranh chiă uănh văch tât ma gâp jêh ri lah: “Phung ƀon lan Israel, nđâp ma phung kôranh ƀư brah, jêh ri phung Lêvi mâu geh rêh nkhah ôh đah phung ntil mpôl bunuyh gŭ tâm n'gor, ƀiălah khân păng kơt tĭng lĕ nau vay ƀơ̆ ƀơch bơh phung Kanaan, phung Hitit, phung Pêrisit, phung Jêbusit, phung Ammôn, phung Môap, phung Êjipt, jêh ri phung Amôrit.

Nau Mprơ Ơm 106:39

Nâm pônây, khân păng ƀơ̆ ƀơch yor kan khân păng, Jêh ri ƀư tih văng tĭr ma nau khân păng pah.

Yêrêmi 44:4

Nđâp lah Gâp hŏ prơh hăn ƀaƀơ jêh ma lĕ rngôch phung oh mon Gâp, nây jêng phung nơm mbơh lor, tât lah ma khân may pô aơ: ‘Vơ, lơi ta ƀư ôh nau ƀơ̆ bơch Gâp tâm rmot nây!’

Êsêkiêl 36:17

“Hơi kon bunuyh, tơlah ngih Israel gŭ jêh tâm bri khân păng nơm, khân păng hŏ ƀư ƀơ̆ ƀơch bri nây yor tă trong hăn jêh ri kan khân păng nơm ƀư. Trong khân păng gŭ ngao panăp măt Gâp jêng nâm bu nau ƀơ̆ ƀơch bơh du huê bu ur rnôk păng geh săk bu ur.

Kan Lêvi 18:3

Lơi khân may ƀư ôh lĕ nau khân păng ƀư tâm n'gor Êjipt, ntŭk khân may hŏ gŭ njưh jêh, mâu lĕ dơi tĭng ƀư nau khân păng ƀư tâm n'gor Kanaan, jêng n'gor Gâp mra njŭn khân may tât. Mâu dơi hăn tĭng ndô̆ ôh nau vay dăp khân păng.

Kan Lêvi 18:30

Pôri, ăn khân may djôt prăp nau Gâp ntĭnh jêh, mâu dơi ƀư lĕ nau vay ƀơ̆ ƀơch tâm phung ƀon lan gŭ rêh ta nây lor ma khân may, jêh ri lơi ăn nau vay mhĭk nây ƀư ƀơ̆ ma khân may. Gâp jêng Yêhôva Brah Ndu khân may.”

Nau Kơp Bunuyh 35:34

Pônây, khân may lơi ƀư ƀơ̆ ôh neh jêng ntŭk khân may mra gŭ, yorlah Gâp jêng Brah Yêhôva gŭ ta nklang phung ƀon lan Israel.’”

I Kôrintô 3:17

Tơlah du huê ƀư rai ngih brah Brah Ndu, Brah Ndu mra ƀư rai păng; yorlah ngih brah ma Brah Ndu jêng kloh ueh, jêh ri ngih brah nây jêng khân may nơm.

Nau Vay Nkah Tay 12:31

Khân may mâu dơi ƀư ôh kơt nĕ ma Yêhôva Brah Ndu yorlah Brah Yêhôva tâm rmot lĕ kan ƀơ̆ ƀơch khân păng hŏ ƀư jêh ma phung brah khân păng. Khân păng gŭch nđâp phung kon bu klâu jêh ri phung kon bu ur khân păng tâm ŭnh gay ƀư brah ma phung brah khân păng.

Nau Vay Nkah Tay 18:12

yorlah Brah Yêhôva tâm rmot mbu nơm ƀư lĕ nau kan nây. Yor tă lĕ kan tâm rmot nây dĭng Yêhôva Brah Ndu khân may hŏ ngluh lơi jêh lĕ rngôch phung ndŭl mpôl nây luh bơh khân may.

Nau Vay Nkah Tay 9:4

Ƀiălah dôl Yêhôva Brah Ndu hŏ lơh nsot khân păng tanăp khân may, lơi ngơi ôh tâm nuih n'hâm khân may pô aơ: ‘Yor nau sŏng srăng gâp rĭ dĭng Brah Yêhôva hŏ njŭn leo gâp lăp pit sŏk n'gor aơ.’ Ngăn ya, yor nau ƀai phung ndŭl mpôl nây dĭng Brah Yêhôva lơh nsot khân păng bơh tanăp khân may.

Nau Vay Nkah Tay 9:5

Mâu di yor nau sŏng srăng mâu lah nuih n'hâm song bơh khân may, dĭng khân may lăp pit sŏk n'gor lĕ phung ƀon lan nây; ƀiălah yor nau ƀai khân păng dĭng Yêhôva Brah Ndu mra nsot lơi khân păng luh bơh tanăp khân may gay ƀư nau gĭt mbên nanê̆ nau Păng ton jêh ma phung chô yau khân may jêng Y-Abraham, Y-Isăk, jêh ri Y-Yakôb.

Phung Kôranh Phat Dôih 20:10

Tâm du rhiăng nuyh tâm ăp ndŭl mpôl Israel sŏk jât bunuyh, du rbăn bunuyh sŏk du rhiăng bunuyh, jêh ri jât rbăn bunuyh sŏk du rbăn bunuyh gay khân păng joi ndơ sông sa ma phung ƀon lan. Bi lĕ phung êng mra hăn rmal ma phung Gêba bơh noi deh Benjamin tĭng nâm nau ƀai phung ƀon lan ƀon toyh nây hŏ ƀư tih jêh tâm Israel.”

Phung Kôranh Phat Dôih 20:5

Ƀiălah phung Gibêa dâk tâm rdâng đah gâp, dôl măng khân păng nchueng jŭm ngih gâp gŭ jêh ri mĭn ŭch nkhĭt gâp. Khân păng tom ur yông gâp jêh ri păng khĭt jêh.

Phung Kôranh Phat Dôih 20:6

Gâp sŏk săk jăn ur yông gâp, koh săk jăn păng âk gâl jêh ri njuăl lam nkual jêng drăp ndơn Israel, yorlah khân păng ƀư jêh nau tih toyh jêh ri ƀư bêk prêng tâm phung Israel.