Kan Lêvi 17:5 - Nau Brah Ndu Ngơi 2023

⁵ Nau vay nây gay lơi hôm ăn phung ƀon lan Israel nkhĭt mpa ƀư brah tâm mir. Ăn khân păng djôt mpa ƀư brah nây tât ma kôranh ƀư brah gay nhhơr ma Brah Yêhôva jêng ndơ ƀư brah đăp mpăn ta mpông Ngih Bok Nau Tâm Rƀŭn.

Kan Lêvi 17:5 ပူးပေါင်းရင်းမြစ်များ

Nau Ntơm 21:33

Y-Abraham tăm du tơm mĭl ta Bêr-Sêba, jêh ri ta nây păng kuăl mbơh sơm ma amoh Brah Yêhôva, jêng Brah Ndu gŭ rêh n'ho ro.

Nau Ntơm 22:13

Y-Abraham n'gơr măt uănh jêh ri saơ du mlâm kon biăp nkuăng, văk nke tâm ƀŭr si. Y-Abraham hăn nhŭp biăp nkuăng nây nhhơr ƀư ndơ ƀư brah gŭch ntrok ma kon bu klâu păng.

Nau Ntơm 22:2

Brah Ndu lah: “Leo hom kon bu klâu may, kon nguay du huê nây dơm may rŏng ngăn ngên, jêng Y-Isăk, hăn tât ta n'gor Môria. Ta nây, ăn may nhhơr kon se jêng ndơ ƀư brah gŭch ta klơ du mlâm yôk Gâp mra ntĭm ma may.”

Nau Ntơm 31:54

jêh nây Y-Yakôb nhhơr mpa ƀư brah ta klơ yôk, jêh ri păng kuăl phung oh nâu păng sông sa. Jêh sông sa, khân păng rlu bê̆ch măng ta yôk nây.

I Phung Hađăch 14:23

Khân păng ndâk đŏng ăn ma khân păng nơm lĕ ntŭk prêh klơ, n'gâng mbah jêh ri rup brah Asêrah ta klơ lĕ gôl yôk prêh jêh ri tâm dâng lĕ tơm si dŭt pŭm.

I Phung Hađăch 3:2

Ƀiălah, phung ƀon lan ăt hôm e nhhơr mpa ƀư brah ta lĕ ntŭk prêh, yorlah nôk nây bu ê hŏ geh rdâk ôh ngih brah ma amoh Brah Yêhôva.

I Phung Hađăch 3:3

Y-Salômôn yơk rŏng ma Brah Yêhôva yor ri chuat hăn tĭng nâm lĕ nau vay Y-Đavit dăp, mbơ̆ păng. Ƀiălah păng ăt hôm e nhhơr mpa ƀư brah jêh ri su n'hôl ƀâu kah ta lĕ ntŭk prêh klơ.

II Phung Hađăch 16:4

Hađăch nhhơr đŏng mpa ƀư brah jêh ri su n'hôl ƀâu kah ta lĕ ntŭk prêh klơ, ta lĕ gôl jêh ri tâm dâng lĕ rngôch tơm si ndrêh.

II Phung Hađăch 17:10

Khân păng ndâk ma khân păng nơm lĕ n'gâng mbah ƀư ma lŭ jêh ri rup brah bu ur Asêrim ta lĕ rngôch ntŭk klơ jêh ri tâm dâng lĕ rngôch tơm si ndrêh.

II Nau Rêh Jêng 28:4

Păng nhhơr mpa ƀư brah jêh ri su n'hôl ƀâu kah ta ntŭk prêh klơ, ta klơ gôl yôk, jêh ri ăp tơm si ndrêh.

Nau Ngluh Êjipt 24:5

Păng đă phung bu klâu ndăm Israel nhhơr ma Brah Yêhôva ndơ ƀư brah gŭch jêh ri mpa ƀư brah ma ndrôk kon, jêng ndơ ƀư brah ma nau đăp mpăn.

Êsêkiêl 20:28

Dôl Gâp hŏ leo jêh khân păng lăp neh Gâp ton ăn jêh ma khân păng, rnôk nây khân păng saơ jêh lĕ yôk prêh, lĕ rngôch tơm si dŭt pŭm jêh ri nhhơr ndơ ƀư brah ma khân păng nơm ta nây. Khân păng hŏ mpơl ta nây ndơ ƀư brah gay nsônh Gâp ji nuih; khân păng su ndơ n'hôl geh ƀâu kah jêh ri ƀư ndơ nhhơr nhêt ta nây.

Êsêkiêl 22:9

Ta ntŭk may, geh phung ngơi nchơt njêng nau ŭch pling mham; ta ntŭk may, geh phung ndrăp sông sa ta klơ lĕ rngôch yôk; ta nklang may, geh bunuyh ƀư tih văng tĭr.

Êsêkiêl 43:27

Tơlah lôch lĕ nar nây, ntơm bơh nar năng pham rlet pakơi taơ, phung kôranh ƀư brah mra nhhơr ndơ ƀư brah gŭch jêh ri ndơ ƀư brah ma nau đăp mpăn khân may ta klơ nơng ƀư brah nây jêh ri Gâp mra vơt dơn khân may.’ Kôranh Brah Yêhôva lah pônây.”

Êsêkiêl 44:15

“Bi phung kôranh ƀư brah noi deh Lêvi, phung kon sau Y-Sadôk, hôm e mât mray ntŭk kloh ueh Gâp tơlah phung ƀon lan Israel vĭ nhhơt du ngai đah Gâp. Lĕ rngôch phung nây mra văch dăch Gâp gay pah kan ma Gâp. Khân păng mra dâk tanăp Gâp gay nhhơr ngi jêh ri mham, Kôranh Brah Yêhôva lah pônây.

Kan Lêvi 17:4

ƀiălah mâu djôt ôh mpa nây ta mpông Ngih Bok Nau Tâm Rƀŭn gay nhhơr ma Brah Yêhôva tanăp Ngih Bok Brah Yêhôva, bu mra kơp nơm nây jêng khan tih ƀư nkhŭt mham; bu mra mprơh nơm ƀư nkhŭt mham luh bơh phung ƀon lan păng.

Kan Lêvi 17:6

Kôranh ƀư brah mra nsrih mham mpa ƀư brah nây ta klơ nơng ƀư brah Brah Yêhôva ta mpông Ngih Bok Nau Tâm Rƀŭn jêh ri su ngi nây gay n'hôl ƀâu kah nhhơr ma Brah Yêhôva.

Nau Vay Nkah Tay 12:2

Ăn khân may ƀư rai lơi lĕ rngôch ntŭk phung ndŭl mpôl khân may mra mprơh, ntŭk khân păng hŏ pah kan jêh ma phung brah khân păng, mâu lah ta klơ yôk prêh, ta klơ gôl mâu lah tâm dâng ăp tơm si ndrêh.