Kan Lêvi 17:4 - Nau Brah Ndu Ngơi 2023

⁴ ƀiălah mâu djôt ôh mpa nây ta mpông Ngih Bok Nau Tâm Rƀŭn gay nhhơr ma Brah Yêhôva tanăp Ngih Bok Brah Yêhôva, bu mra kơp nơm nây jêng khan tih ƀư nkhŭt mham; bu mra mprơh nơm ƀư nkhŭt mham luh bơh phung ƀon lan păng.

Kan Lêvi 17:4 ပူးပေါင်းရင်းမြစ်များ

Nau Ntơm 17:14

Mbu nơm bu klâu mâu geh ôh koh ntâu, jêng mâu dơn siăt ntâu ta chiông ndơ chrach, pôri bu mra ngluh lơi păng bơh phung ƀon lan, yorlah păng chalơi nau Gâp tâm rnglăp.”

Nau Mprơ Ơm 32:2

Ueh maak ngăn ma bunuyh Brah Yêhôva mâu kơp ôh djơh mhĭk Jêh ri tâm nuih n'hâm mâu geh nau ndơm ôh!

Nau Ngluh Êjipt 12:15

Tâm pơh nar ăn khân may sa piăng let mâu geh ndrui. Ta nar tal nguay, ăn khân may sŏk mƀăr lơi ndrui bơh ngih khân may, yorlah tơlah mbu sa piăng let geh ndrui ntơm bơh nar tal nguay tât ta nar tal pơh, mra ngluh lơi nơm nây bơh phung Israel.

Nau Ngluh Êjipt 12:19

Tâm pơh nar, lơi ăn geh ndrui ôh tâm ngih khân may; nđâp lah bu năch mâu lah bunuyh tơm bri, tơlah mbu sa piăng let geh ndrui mra ngluh lơi bơh phung Israel tâm rƀŭn.

Nau Ngluh Êjipt 30:33

Mbu nơm lŭk lai du ntil dak ƀâu kah tâm ban ma nây mâu lah sŏk dak ƀâu kah nây mhĭng ma bunuyh bu năch, ăn bu mra ngluh lơi păng luh bơh phung ƀon lan.’”

Nau Ngluh Êjipt 30:38

Mbu moh lŭk lai ndơ ƀâu kah tâm ban ma nây, gay n'hơp, ăn bu mra ngluh lơi păng luh bơh phung ƀon lan.”

Êsai 66:3

Mbu nơm nkhĭt du mlâm ndrôk jêng tâm ban ma nơm nkhĭt du huê bunuyh; Nơm nhhơr kon biăp ƀư mpa ƀư brah tâm ban ma nơm nkê̆ch juet lơi trô ko so; Nơm nhhơr ndơ ƀư brah rnih môi jêng tâm ban ma nơm nhhơr mham sŭr; Nơm su ndơ ƀâu kah jêng tâm ban ma nơm yơk mbah ma rup brah. Yorlah khân păng săch tĭng trong khân păng nơm, Jêh ri nuih n'hâm khân păng knŏng maak ƀư lĕ nau ƀơ̆ ƀơch.

Êsêkiêl 20:40

Kôranh Brah Yêhôva lah: ‘Yorlah ta klơ yôk kloh Gâp, ta klơ yôk prêh Israel, ta nây lĕ rngôch ngih Israel mra pah kan ma Gâp tâm bri nây. Ta nây, Gâp mra dơn khân păng jêh ri ta nây đŏng Gâp mra kêh ndơ ƀư brah khân may jêh ri lĕ rngôch ndơ nhhơr ma play bôk yan khân may ndrel ma lĕ rngôch ndơ nhhơr kloh ueh.

Kan Lêvi 1:3

Tơlah ndơ nhhơr bơh bunuyh nây jêng ndơ ƀư brah gŭch ma ndrôk, ăn păng săch du mlâm ndrôk nkuăng mâu geh têl khap ôh. Ăn bunuyh nây nhhơr ndơ nây ta mpông Ngih Bok Nau Tâm Rƀŭn tanăp Brah Yêhôva, gay ma Păng maak dơn.

Kan Lêvi 17:10

‘Mbu nơm bơh ngih Israel mâu lah bơh bunuyh gŭ njưh ta nklang khân păng sa mham, Gâp mra tâm rdâng đah nơm sa mham nây, jêh ri mra mprơh păng luh tă bơh phung ƀon lan păng nơm.

Kan Lêvi 17:14

yorlah nau rêh lĕ rngôch nglay săk gŭ tâm mham păng nơm. Yor ri, Gâp lah ma phung ƀon lan Israel: “Khân may mâu dơi sa mham ăp du ntil mpa rêh ôh, yorlah nau rêh lĕ rngôch mpa rêh jêng mham păng nơm; mbu nơm sa mham bu mra nsot lơi păng.”

Kan Lêvi 17:3

Ăp nơm bu klâu bơh ngih Israel nkhĭt du mlâm ndrôk, du mlâm biăp kon mâu lah du mlâm be tâm ngih bok mâu lah padih ngih bok,

Kan Lêvi 17:5

Nau vay nây gay lơi hôm ăn phung ƀon lan Israel nkhĭt mpa ƀư brah tâm mir. Ăn khân păng djôt mpa ƀư brah nây tât ma kôranh ƀư brah gay nhhơr ma Brah Yêhôva jêng ndơ ƀư brah đăp mpăn ta mpông Ngih Bok Nau Tâm Rƀŭn.

Kan Lêvi 17:9

ƀiălah mâu djôt ôh mpa nây tât ta mpông Ngih Bok Nau Tâm Rƀŭn gay nhhơr ma Brah Yêhôva, bu mra mprơh lơi nơm nây bơh phung ƀon lan păng.’

Kan Lêvi 18:29

Mbu nơm ƀư du ntil tâm nau kan dŭt ƀơ̆ ƀơch nây, bu mra mprơh lơi păng luh bơh phung ƀon.

Kan Lêvi 20:16

Tơlah du huê bu ur hăn dăch ta du mlâm mpô mpa jêh ri bê̆ch ndrel đah păng; ăn khân may nkhĭt lơi bu ur nây jêh ri mpa nây; nkhĭt lơi khân păng, mham khân păng mra nkhŭt tay ta khân păng nơm.

Kan Lêvi 20:18

Tơlah du huê bu klâu bê̆ch nsum đah du huê bu ur dôl bu ur rnôk păng geh săk bu ur jêh ri bu klâu nây ăn bu gĭt nau bu ur nĕ geh săk bu ur jêh ri bu ur nĕ ƀư ăn bu gĭt mham păng luh, bu mra nsot lơi lĕ bar hê khân păng bơh phung ƀon lan păng.

Kan Lêvi 20:3

Bi Gâp, Gâp mâu mra uănh măt nơm nây đŏng ôh jêh ri nsot lơi păng tă bơh phung ƀon lan păng, yorlah păng hŏ nhhơr jêh du huê tâm phung kon sau păng ma Môlek, ƀư ƀơ̆ jêh ngih brah kloh ueh jêh ri ngơi sưr amoh kloh ueh Gâp.

Kan Lêvi 3:2

Bunuyh nây mra pah ti ta bôk mpa ƀư brah jêh nây nkhĭt păng ta bôk mpông Ngih Bok Nau Tâm Rƀŭn. Phung kon sau Y-Arôn, jêng phung kôranh ƀư brah, mra nsrih mham jŭm nơng ƀư brah.

Kan Lêvi 7:18

Tơlah mbu nơm sa puăch ndơ ƀư brah đăp mpăn tâm nar tal pe, ndơ ƀư brah bơh nơm nây nhhơr mra mâu dơn jêh ri ndơ hŏ nhhơr ƀư brah nây bu mâu kơp ôh. Nĕ jêng du ntil nau ƀơ̆ ƀơch, mbu nơm sa puăch nây mra tuy nau tâm rmal.

Yôhan 10:7

Pôri, Brah Yêsu lah đŏng: “Nanê̆ ngăn, Gâp lah ngăn ma khân may, Gâp jêng mpông biăp.

Yôhan 10:9

Gâp jêng mpông, tơlah mbu nơm lăp ta Gâp păng mra geh nau tâm rklaih. Khân păng mra lăp luh jêh ri mâp ndrêch gơ̆ nse.

Yôhan 14:6

Brah Yêsu lah: “Gâp jêng trong, nau ngăn jêh ri nau rêh. Lah mâu geh Gâp pôri mâu geh bunuyh dơi hăn tât ta Mbơ̆ ôh

Samƀŭt Pôl Njuăl Ăn Ma Phung Nsing Ta Ƀon Rôm 4:6

Yor ri, nôk ngơi tât nau ueh maak ma phung bunuyh Brah Ndu kơp jêng sŏng srăng mâu di bơh kan khân păng ƀư, Y-Đavit lah:

Samƀŭt Pôl Njuăl Ăn Ma Phung Nsing Ta Ƀon Rôm 5:13

Yorlah nau tih hŏ geh tâm neh ntu êlor geh nau vay; ƀiălah dôl ê hŏ geh nau vay, nau tih bu mâu kơp nau tih ôh.

Samƀŭt Pôl Njuăl Ăn Ma Phung Nsing Ta Ƀon Rôm 5:20

Nau vay tât jêh ƀư ma nau tih jêng âk lơn; ƀiălah moh ntŭk nau tih geh âk lơn, nau yô̆ geh âk rmeh lơn.

Nau Vay Nkah Tay 21:8

Hơi Brah Yêhôva, dăn Kôranh Brah yô̆ an nau tih ma phung ƀon lan Israel, jêng phung ƀon lan May hŏ chuai jêh! Dăn lơi ta kơp nau tih đah nau ƀư nkhŭt mham mâu geh nau tih ma phung ƀon lan Israel May jêh ri yô̆ an ma khân păng ma nau ƀư nkhŭt mham aơ.’