Kan Lêvi 17:11 - Nau Brah Ndu Ngơi 2023

¹¹ Yorlah nau rêh nglay săk gŭ tâm mham, jêh ri Gâp hŏ ăn jêh mham ma khân may mbrih ta klơ nơng ƀư brah gay ƀư nau rƀŭn chuai nau tih ma huêng khân may. Yorlah mham jêng nau rêh rĭ mơ dơi chuai nau tih.

Kan Lêvi 17:11 ပူးပေါင်းရင်းမြစ်များ

Nau Ntơm 9:4

Ƀiălah khân may mâu dơi sa ôh puăch hôm e mham, jêng hôm nau rêh.

Kan Lêvi 1:5

Ndrôk nkuăng mra nkhĭt tanăp Brah Yêhôva, jêh nây phung kon sau Y-Arôn jêng phung kôranh ƀư brah sŏk mham păng nhhơr jêh ri djrah mham nây jŭm nơng ƀư brah ta mpông Ngih Bok Nau Tâm Rƀŭn.

Kan Lêvi 16:11

Pôri, Y-Arôn mra djôt ndrôk jêng mpa ƀư brah chuai nau tih ma păng nơm jêh ri nkhĭt ndrôk nây gay ƀư nau rƀŭn chuai nau tih ma păng nơm jêh ri ma ngih păng nơm.

Kan Lêvi 17:12

Yor nây, Gâp lah ma phung ƀon lan Israel pô aơ mâu geh du huê tâm khân may dơi sa mham ôh, jêh ri lĕ bunuyh gŭ njưh ta nklang khân may ăt mâu dơi ôh sa mham.

Kan Lêvi 17:14

yorlah nau rêh lĕ rngôch nglay săk gŭ tâm mham păng nơm. Yor ri, Gâp lah ma phung ƀon lan Israel: “Khân may mâu dơi sa mham ăp du ntil mpa rêh ôh, yorlah nau rêh lĕ rngôch mpa rêh jêng mham păng nơm; mbu nơm sa mham bu mra nsot lơi păng.”

Kan Lêvi 4:25

Kôranh ƀư brah mra dŏng nglau ti păng sŏk djê̆ mham tă bơh mpa ƀư brah chuai nau tih jêh ri mhĭng ta lĕ nke nơng ƀư brah nhhơr ndơ ƀư brah gŭch, jêh nây nkhŭt mham hôm e tâm dâng jâng nơng ƀư brah.

Kan Lêvi 4:26

Păng ăt su lĕ rngôch ngi ta klơ nơng ƀư brah tâm ban ma nau gŭch ngi mpa ƀư brah tâm ndơ ƀư brah đăp mpăn. Tâm ban pônây, kôranh ƀư brah mra ƀư nau rƀŭn chuai nau tih ăn ma kôranh chiă uănh jêh ri nau tih păng mra dơi yô̆ an.

Kan Lêvi 8:15

Y-Môis nkhĭt păng, jêh nây dŏng nglau ti sŏk mham mhĭng ta lĕ nke jŭm nơng ƀư brah, ƀư kloh nơng ƀư brah, jêh ri nkhŭt mham hôm e tâm dâng jâng nơng ƀư brah. Kơt nĕ, Y-Môis hŏ prăp êng nơng ƀư brah ăn kloh ueh gay ƀư nau rƀŭn chuai nau tih ta nây.

Mathay 20:28

Nđâp ma Kon Bunuyh văch jêh mâu di gay bu pah kan, ƀiălah gay pah kan, jêh ri nhhơr nau rêh Păng nơm jêng rnoh chuai ma âk bunuyh.”

Mathay 26:28

Yorlah aơ jêng mham Gâp, mham nau tâm rnglăp nkhŭt jêh ăn ma âk bunuyh dơi yô̆ an nau tih.

Markôs 14:24

Brah Yêsu lah: “Aơ jêng mham Gâp, mham ma nau tâm rnglăp nkhŭt ăn ma âk bunuyh.

Samƀŭt Pôl Njuăl Ăn Ma Phung Nsing Ta Ƀon Rôm 3:25

Brah Ndu hŏ rdâk jêh Păng jêng mpa ƀư brah chuai nau tih ma mbu nơm geh nau chroh tâm mham Păng. Nau aơ mpơl nau sŏng srăng Brah Ndu, yorlah Păng sŏk nuih n'hâm srôih sŏk lơi lĕ nau tih tâm rnôk kăl e.

Samƀŭt Pôl Njuăl Ăn Ma Phung Nsing Ta Ƀon Rôm 5:9

Pôri aƀaơ he hŏ rnơm mham Păng gay dơi kơp sŏng srăng jêh, nanê̆ he mra rnơm Păng rlau lơn gay geh nau tâm rklaih bơh nau Brah Ndu nuih.

Êphêsô 1:7

Yorlah tâm Brah Krist, he geh nau tâm chuai tă bơh mham Păng, geh nau yô̆ an nau tih tĭng nâm nau rmeh ler tâm nau yô̆ Păng,

Nau Vay Nkah Tay 12:23

Ƀiălah mâu dơi ôh sa mham, yorlah mham jêng nau rêh, rĭ dĭng khân may mâu dơi sa puăch nđâp ma nau rêh.

Kôlôh 1:14

tâm Kon nây, he geh nau tâm chuai jêng nau yô̆ an nau tih.

Kôlôh 1:20

Jêh ri ma mham Păng hoch jêh ta si tâm rkăng, Brah Ndu ăn nau đăp mpăn jêh ri tâm njĭr lĕ rngôch mpa ta neh ntu jêh ri tâm trôk ăn tâm rnglăp đah Păng Nơm.

ហេឞ្រើ 13:12

Yor nau nây, Brah Yêsu dơn nau rêh ni padih mpông ƀon gay sŏk mham Păng nơm ƀư kloh ueh ma phung ƀon lan.

ហេឞ្រើ 9:22

Tĭng nâm nau vay, ma lĕ rngôch ndơ ƀư kloh ma mham da dê; mâu nkhŭt mham, mâu geh nau yô̆ an ôh.

I Pêtrôs 1:2

tĭng nau gĭt lor tă bơh Brah Ndu jêng Mbơ̆, jêh ri geh nau ƀư kloh ueh tă bơh Brah Huêng Ueh, gay tông bâr Brah Yêsu Krist jêh ri geh kô̆ tâm nau mbrih mham Păng. Mbơh sơm dăn nau yô̆ jêh ri nau đăp mpăn lơ hô n'hao ma khân may!

I Yôhan 1:7

Ƀiălah tơlah he chuat hăn tâm nau ang, nâm bu Păng yơh gŭ tâm nau ang, he geh nau tâm rnglăp ndrăng he, jêh ri mham Brah Yêsu, Kon Păng, ƀư kloh lĕ rngôch nau tih he.

I Yôhan 2:2

Păng nơm jêng ndơ ƀư brah chuai nau tih ma he, mâu knŏng ma nau tih he ôh, ƀiălah nđâp ma nau tih ma lĕ neh ntu đŏng.

Nau Tâm Mpơl 1:5

jêh ri bơh Brah Yêsu Krist jêng Nơm mbơh nkoch ma nau răp jăp, Nơm deh lor lơn tă bơh nau khĭt jêh ri Kôranh Brah ma phung hađăch ta klơ neh ntu! Nơm rŏng ma he sŏk jêh mham Păng nơm tâm rklaih jêh he bơh nau tih,