Kan Lêvi 17:10 - Nau Brah Ndu Ngơi 2023

¹⁰ ‘Mbu nơm bơh ngih Israel mâu lah bơh bunuyh gŭ njưh ta nklang khân păng sa mham, Gâp mra tâm rdâng đah nơm sa mham nây, jêh ri mra mprơh păng luh tă bơh phung ƀon lan păng nơm.

Kan Lêvi 17:10 ပူးပေါင်းရင်းမြစ်များ

Nau Ntơm 9:4

Ƀiălah khân may mâu dơi sa ôh puăch hôm e mham, jêng hôm nau rêh.

II Samuel 23:17

jêh ri lah: “Hơi Brah Yêhôva! Gâp lah mâu nhêt ngăn. Dak aơ mâu lĭn lĕ đah mham phung pe nuyh aơ, sân săk jăn khân păng gay hăn tât ntŭk ri?” Pôri, hađăch mâu ŭch nhêt dak nây. Nây jêng nau pe nuyh tahan janh ktang hŏ ƀư jêh.

Nau Mprơ Ơm 34:16

Ƀiălah muh măt Brah Yêhôva ƀư tâm rdâng đah phung ƀư mhĭk Gay jut lơi ăn kloh nau khân păng ndray kah gĭt bơh neh ntu.

Nau Ngluh Êjipt 30:33

Mbu nơm lŭk lai du ntil dak ƀâu kah tâm ban ma nây mâu lah sŏk dak ƀâu kah nây mhĭng ma bunuyh bu năch, ăn bu mra ngluh lơi păng luh bơh phung ƀon lan.’”

Yêrêmi 21:10

Brah Yêhôva lah: ‘Yor Gâp hŏ tâm nal jêh nau ƀư mhĭk ntrok ma nau ƀư ueh ta ƀon aơ, yor nây ƀon aơ mra jao tâm ti hađăch Babilôn, jêh ri hađăch nây mra su ƀon aơ ma ŭnh.’

Yêrêmi 44:11

Yor nây, Brah Yêhôva ma phung tahan, Brah Ndu Israel, lah: ‘Aơ, Gâp tâm nal nkhŭt nau mhĭk tât ăn ma khân may jêh ri ngroh lơi lĕ rngôch phung Yuđa.

Êsêkiêl 14:8

Gâp mra tâm rdâng đah nơm nây, ƀư ma păng du nau mbên jêh ri nau hôr. Gâp mra ngroh lơi păng bơh ta nklang phung ƀon lan Gâp. Rnôk aơ, khân may mra gĭt Gâp jêng Brah Yêhôva.

Êsêkiêl 15:7

Gâp mra rle muh măt tâm rdâng đah khân păng. Khân păng mra luh tă bơh ŭnh ƀiălah ŭnh mra sa khân păng, jêh ri tơlah Gâp rle muh măt tâm rdâng đah khân păng, pôri khân may mra gĭt Gâp jêng Brah Yêhôva.

Êsêkiêl 33:25

Yor ri, lah hom ma khân păng pô aơ: ‘Kôranh Brah Yêhôva lah: Khân may sa mham mpô mpa, muh măt n'gơr rlet mpeh ma rup brah khân may jêh ri ƀư nkhŭt mham, khân may mra dơi sŏk dơn bri neh aơ lĕ?

Êsêkiêl 44:7

Khân may hŏ leo jêh phung bu năch jêng phung mâu koh ntâu tâm nuih n'hâm jêh ri tâm săk jăn hăn lăp tâm ntŭk kloh ueh Gâp gay ƀư ƀơ̆ ƀơch ngih brah Gâp, tơlah khân may nhhơr piăng let, ngi jêh ri mham ma Gâp. Pônây, khân may hŏ ƀư tih ngroh lơi nau tâm rnglăp Gâp ma lĕ rngôch nau ƀơ̆ khân may.

Kan Lêvi 17:11

Yorlah nau rêh nglay săk gŭ tâm mham, jêh ri Gâp hŏ ăn jêh mham ma khân may mbrih ta klơ nơng ƀư brah gay ƀư nau rƀŭn chuai nau tih ma huêng khân may. Yorlah mham jêng nau rêh rĭ mơ dơi chuai nau tih.

Kan Lêvi 19:26

Khân may mâu dơi sa puăch hôm mham. Mâu dơi ƀư nau n'hŭm pol mâu lah ƀư nau blau rƀên ôh.

Kan Lêvi 26:17

Gâp mra ji nuih đah khân may, khân may mra prah tanăp phung rlăng khân may; phung tâm rmot khân may, khân păng mra chiă uănh khân may jêh ri khân may mra nchuăt du nđâp lah mâu geh nơm hăn tĭng khân may.

Kan Lêvi 3:17

Aơ jêng nau vay dăp n'ho ro ma noi deh khân may ta ăp ntŭk khân may gŭ: khân may mâu dơi sa ngi mâu lah mham ôh.’”

Amôt 9:4

Nđâp tơlah khân păng hăn jêng bu nă Ta nây, Gâp mra ntĭnh ma đao, hăn nkhĭt lơi khân păng. Nanê̆ ngăn măt Gâp mra gŭ uănh khân păng Gay ƀư nau mhĭk mâu di nau ueh ôh.”

Kôranh Oh Mon 15:20

ƀiălah ăn he nchih samƀŭt ntăm ma khân păng djôt prăp khân păng nơm bơh nau ƀơ̆ ƀơch tă bơh lĕ rup brah jêh ri nau văng tĭr, mâu đŏng sa puăch mpô mpa khĭt măp jêh ri mham.

Kôranh Oh Mon 15:29

Ăn khân may ver sa ndơ ƀư brah ma rup brah, mham, mpô mpa khĭt măp, jêh ri lơi văng tĭr. Khân may djôt prăp lĕ rngôch nau nây jêng ueh. Nĕ khân may yơ̆!”

Nau Vay Nkah Tay 12:16

Ƀiălah khân may mâu dơi ôh sa mham; ăn khân may nkhŭt lơi mham ta neh nâm bu nkhŭt dak.

Nau Vay Nkah Tay 12:23

Ƀiălah mâu dơi ôh sa mham, yorlah mham jêng nau rêh, rĭ dĭng khân may mâu dơi sa puăch nđâp ma nau rêh.

Nau Vay Nkah Tay 15:23

Ƀiălah khân may mâu dơi sa mham, nkhŭt lơi hom mham ta neh nâm bu nkhŭt dak.”

ហេឞ្រើ 10:29

Rlau lơn ma phung jot plên Kon Brah Ndu, mưch rmot mham nau tâm rnglăp, nâm bu ntĭt mham ƀư kloh ueh jêh khân păng nơm, jêh ri hôm ngơi djơh ma Brah Huêng Ueh nau yô̆, pôri khân may mĭn bunuyh nây mâu khư geh nau rmal jâk jêr rlau lơn lĕ ƀơh?

I Samuel 14:32

Phung ƀon lan lĕ ji ngot huăr ngăn pôri khân păng rduh lăp sŏk ndơ pit sŏk, nhŭp biăp ndrôk, jêh ri ndrôk kon, nkhĭt ta neh, jêh nây phung ƀon lan sa puăch hôm e mham.

I Samuel 14:33

Geh nơm mbơh ma Y-Sôl: “Aơ, phung ƀon lan ƀư tih đah Brah Yêhôva dôl sa puăch hôm e mham.” Păng lah: “Khân may ƀư ƀlêp ƀlêr! Rlă hom du mlâm lŭ toyh ma gâp ta aơ.”