Kan Lêvi 16:5 - Nau Brah Ndu Ngơi 2023

⁵ Y-Arôn dơn đŏng ndơ bơh phung Israel tâm rƀŭn, bar mlâm be nkuăng jêng ndơ ƀư brah chuai nau tih jêh ri du mlâm biăp nkuăng jêng ndơ ƀư brah gŭch.

Kan Lêvi 16:5 ပူးပေါင်းရင်းမြစ်များ

II Nau Rêh Jêng 29:21

Khân păng têk leo pơh mlâm ndrôk nkuăng, pơh mlâm biăp nkuăng, pơh mlâm biăp kon, jêh ri pơh mlâm be nkuăng gay ƀư ndơ ƀư brah chuai nau tih ma ƀon bri hađăch, ma ngih brah kloh ueh jêh ri ma phung Yuđa. Păng ntĭnh ma phung kôranh ƀư brah jêng noi Y-Arôn ăn nhhơr lĕ mpa ƀư brah nây ta klơ nơng Brah Yêhôva.

Êsra 6:17

Tâm nau rƀŭn nhhơr ngih brah aơ ma Brah Ndu, khân păng nhhơr du rhiăng mlâm ndrôk nkuăng, bar rhiăng mlâm biăp nkuăng, puăn rhiăng mlâm biăp kon, jêh ri tĭng nâm rnoh phung ndŭl mpôl Israel, khân păng ăt nhhơr jât ma bar mlâm be nkuăng ƀư ndơ ƀư brah chuai nau tih ma lĕ rngôch phung Israel.

Kan Lêvi 1:10

Tơlah ndơ bunuyh nây nhhơr jêng ndơ ƀư brah gŭch ma mpô mpa rong jê̆, mâu lah biăp mâu lah be, ăn păng nhhơr du mlâm mpô mpa nkuăng mâu geh têl khap ôh.

Kan Lêvi 4:3

Tơlah păng jêng kôranh ƀư brah toyh lơn dơn jêh nau bu tŏ dak ngi, ƀiălah păng ƀư tih njŭn ma phung ƀon lan khan tâm nau tih, yor nau tih păng hŏ ƀư nây, kôranh ƀư brah nây nhhơr hom ma Brah Yêhôva du mlâm ndrôk mâu geh ntŭk têl khap ôh, gay ƀư mpa ƀư brah chuai nau tih.

Kan Lêvi 8:14

Păng đă têk đŏng ndrôk gay ƀư ndơ ƀư brah chuai nau tih. Y-Arôn jêh ri phung kon bu klâu păng pah ti ta klơ bôk ndrôk.

Kan Lêvi 8:2

“Ăn may djôt leo hom Y-Arôn jêh ri phung kon bu klâu păng ndrel ma bok ao, dak ngi mhĭng, ndrôk ƀư ndơ ƀư brah chuai nau tih, bar mlâm biăp nkuăng jêh ri bĭ piăng let mâu geh ndrui,

Kan Lêvi 9:2

jêh ri lah ma Y-Arôn: “Nhŭp hom du mlâm ndrôk nkuăng ƀư ndơ ƀư brah chuai nau tih, du mlâm biăp nkuăng ƀư ndơ ƀư brah gŭch; lĕ bar mlâm mâu geh têl khap ôh jêh ri nhhơr tanăp Brah Yêhôva.

Nau Kơp Bunuyh 29:11

Khân may ăt nhhơr du mlâm be nkuăng jêng mpa ƀư brah chuai nau tih, padih ma ndơ ƀư brah tâm Nar Chuai Nau Tih, ndơ ƀư brah gŭch mro mrăng, ndơ ƀư brah rnih môi jêh ri ndơ nhhơr nhêt.”

Samƀŭt Pôl Njuăl Ăn Ma Phung Nsing Ta Ƀon Rôm 8:3

Yorlah moh nau vay mâu dơi ƀư, yor nglay săk ƀư păng rdja, Brah Ndu ƀư jêh: Păng njuăl Kon Păng nơm geh nglay săk tâm ban ma nglay săk tih gay ma dăp nkra nau tih; Păng tâm rmal jêh nau tih tâm nglay săk,