Kan Lêvi 16:29 - Nau Brah Ndu Ngơi 2023

²⁹ Nây mra jêng du nau vay dăp n'ho ro ma khân may: Ta nar jât khay pơh, nđâp lah khân may jêng bunuyh tơm bri mâu lah bunuyh gŭ njưh ta nklang khân may, ât sông sa da dê, chalơi khân păng nơm, mâu ƀư kan,

Kan Lêvi 16:29 ပူးပေါင်းရင်းမြစ်များ

I Phung Hađăch 8:2

Lĕ rngôch phung bu klâu Israel rgum ndrel da dê jŭm hađăch Salômôn tâm khay Êthanim, jêng khay rơh pơh gay ma râng rƀŭn.

Êsra 3:1

Tât khay pơh, tơlah phung Israel hŏ gŭ jêh tâm lĕ ƀon khân păng nơm jêh, pôri phung ƀon lan tâm rƀŭn tâm ban du huê bunuyh ta ƀon Yêrusalem.

Êsra 8:21

Ta nây, dăch kơh dak krong Ahava, gâp kuăl ver ât sông sa, gay he ntrŭnh săk panăp măt Brah Ndu hên jêh ri dăn vơh vơl ma Păng ntĭm ăn gâp trong di gay hên jêh ri phung kon sau hên hăn, nđâp ma drăp ndơ hên.

Nau Mprơ Ơm 35:13

Tơlah khân păng ji kuet, Gâp nsoh ao ƀau, Ver sông sa, nchâp ma huêng gâp. Nau gâp mbơh sơm plơ̆ sĭt ta ntang ntơh gâp.

Nau Mprơ Ơm 69:10

Tơlah gâp nhĭm nhhiăng jêh ri ver sa gay ma nchâp huêng Pôri khân păng bêk prêng ma gâp.

Nau Ngluh Êjipt 12:16

Nar tal nguay, khân may mra geh nau tâm rƀŭn kloh ueh; tât nar tal pơh khân may ăt mra geh nau tâm rƀŭn kloh ueh tâm ban lĕ. Tâm lĕ nar nây, khân may mâu dơi ôh ƀư du ntil kan, knŏng ndrăp ndơ sông sa ma ăp nơm ri dơm.

Nau Ngluh Êjipt 20:10

ƀiălah nar tal pơh jêng nar rlu prăp ma Yêhôva Brah Ndu may. Tâm nar nây, may, kon bu klâu, kon bu ur, oh mon bu klâu, oh mon bu ur, mpô mpa may rong, jêh ri bu năch gŭ tâm ngih may, mâu dơi lĕ ƀư du ntil kan.

Nau Ngluh Êjipt 30:10

Ăp năm du tơ̆, Y-Arôn mra rƀŭn chuai nau tih ta klơ nke nơng ƀư brah. Tâm ăp rô̆, mham mpa ƀư brah chuai nau tih ăn dŏng tâm nau rƀŭn chuai nau tih ăp năm. Nây jêng du nau rƀŭn kloh ueh lơn ma Brah Yêhôva.”

Nau Ngluh Êjipt 31:14

Pônây, ăn khâm may djôt prăp nar saƀat yorlah nây jêng nar kloh ueh ma khân may. Mbu moh ƀư tih nar nây, bu mra nkhĭt păng; mbu moh pah kan du ntil tâm nar nây, ăn bu mra ngluh lơi păng luh bơh phung ƀon lan.

Nau Ngluh Êjipt 31:15

Bu mra pah kan knŏng tâm prao nar; nar tal pơh jêng nar saƀat, jêng nar rlu jêh ri nar kloh ueh ma Brah Yêhôva. Mbu nơm kan du ntil tâm nar saƀat, bu mra nkhĭt păng.

Êsai 58:13

Tơlah may plơ̆ sĭt, prăp jâng may lơi ƀư ƀơ̆ nar saƀat, Mâu ƀư tĭng nau mĭn may ŭch tâm nar kloh ueh Gâp; Tơlah may uănh nar saƀat jêng nar nau maak, Nar kloh ueh Brah Yêhôva khư bu yơk; Tơlah may yơk nar nây, Mâu ƀư ôh tĭng nâm trong may nơm, Jêh ri mâu lĕ ngơi nau dơm dam;

Êsai 58:3

Khân păng ôp: ‘Hên ât sông sa, mâm ƀư Kôranh Brah mâu saơ ôh? Hên ntrŭnh săk hên nơm, mâm ƀư Kôranh Brah mâu gĭt?’ Aơ, tâm nar ât sông sa, khân may joi nau ƀư maak ma khân may nơm, Jêh ri tŭn jot lĕ rngôch phung pah kan ma khân may.

Êsai 58:5

Di lĕ nây jêng nau ât sông sa Gâp săch jêh, Jêng nar bu ntrŭnh săk păng nơm? Di lĕ kŭnh bôk tâm ban ma du mlâm tơm rpho, Gŭ ta klơ ƀau jêh ri ndruyh ŭnh buh, Khân may rnha nau nây jêng ât sông sa, Jêng nar Brah Yêhôva dơi dơn lĕ?

Daniel 10:12

Păng lah ma gâp: “Ơ Y-Daniel, lơi klach ôh. Ntơm bơh nar nôk lor lơn, may geh nuih n'hâm ŭch gĭt rbăng jêh ri ntrŭnh êng may nơm tanăp Brah Ndu may, pôri Păng tăng lĕ nau may ngơi, jêh ri gâp văch jêh yor nau may ngơi nây.

Daniel 10:3

Gâp mâu sa ndơ kah ôh, mâu lĕ chiăm puăch jêh ri ndrănh, mâu lĕ gâp mhĭng dak ƀâu kah dôl tâm lĕ pe pơh nây.

Kan Lêvi 23:21

Tâm nar nây, ăn khân may kuăl rgum lĕ rngôch phung ƀon lan jêh ri geh nau tâm rƀŭn kloh ueh; mâu dơi ƀư du ntil kan vay ƀư tâm ăp nar. Nây jêng nau vay dăp n'ho ro ma lĕ rngôch rnôk khân may, tâm lam ntŭk khân may gŭ rêh.

Kan Lêvi 23:3

Lĕ rngôch nau kan dơi ƀư tâm prao nar, ƀiălah tal pơh jêng nar saƀat, du nar rlu, jêng nar tâm rƀŭn kloh ueh, khân may mâu dơi ƀư du ntil kan ôh; nây jêng nar saƀat ma Brah Yêhôva tâm lĕ rngôch ntŭk khân may gŭ.

Kan Lêvi 23:36

Ăp nar tâm pơh nar, ăn khân may nhhơr lĕ ndơ nhhơr ăn ŭnh sa ma Brah Yêhôva. Tât ta nar tal pham, khân may geh đŏng nau tâm rƀŭn kloh ueh jêh ri ăt nhhơr lĕ ndơ nhhơr ăn ŭnh sa ma Brah Yêhôva. Nây jêng nau tâm rƀŭn geh nau khư yơk, khân may mâu dơi ƀư du ntil kan vay ƀư tâm ăp nar.

Kan Lêvi 25:9

Tâm nar jât khay pơh jêng nar chuai nau tih, ăn khân may uh nŭng ăn huy ngăn lam n'gor.

Kan Lêvi 3:17

Aơ jêng nau vay dăp n'ho ro ma noi deh khân may ta ăp ntŭk khân may gŭ: khân may mâu dơi sa ngi mâu lah mham ôh.’”

Nau Kơp Bunuyh 29:7

“Ta nar jât khay pơh aơ, ăn khân may geh nau tâm rƀŭn kloh ueh, jêh ri ăn khân may nchâp huêng khân may nơm jêh ri mâu dơi ƀư ôh du ntil kan vay ƀư ôh.

Kôranh Oh Mon 27:9

Hên hŏ roh âk nar jêh ri nau hăn trong plơ̆ jêng ma nau jêr, yorlah yan Ât sông sa hŏ rlau jêh, yor nây Y-Pôl mbơh lor ma khân păng

I Kôrintô 11:31

Lah he sek uănh êng săk he nơm lor, pôri bu mâu hôm phat dôih he ôh.

ហេឞ្រើ 4:10

Yorlah mbu nơm hăn lăp tâm nau rlu Brah Ndu, păng rlu bơh kan păng nơm, nâm bu Brah Ndu rlu jêh bơh kan Păng.

I Samuel 7:6

Pôri khân păng rgum ndrel ta ƀon Mispa, bâk dak nkhŭt jêh ri nhhơr ma Brah Yêhôva. Tâm nar nây, khân păng ât sông sa, jêh ri ta nây khân păng mbơh pô aơ: “Hên ƀư tih jêh đah Brah Yêhôva.” Y-Samuel phat dôih phung ƀon lan Israel ta Mispa.