Kan Lêvi 16:24 - Nau Brah Ndu Ngơi 2023

²⁴ Păng mra ŭm săk jăn păng tâm du ntŭk kloh ueh, nsoh tay bok ao păng nơm jêh ri hăn luh nhhơr ndơ ƀư brah gŭch ma păng nơm jêh ri ndơ ƀư brah gŭch ma phung ƀon lan, gay ƀư nau rƀŭn chuai nau tih ma păng nơm jêh ri ma phung ƀon lan.

Kan Lêvi 16:24 ပူးပေါင်းရင်းမြစ်များ

Nau Ngluh Êjipt 28:40

May tanh hom ma phung kon bu klâu Y-Arôn ao ta nâm, rse vân bŭt jêh ri môk; may ƀư hom ma khân păng ndơ geh nau chrêk rmah jêh ri nau ueh.

Nau Ngluh Êjipt 28:41

Ăn may sŏk bok ao nây nsoh ma Y-Arôn, nâu may, jêh ri ma phung kon bu klâu păng. Ăn may mhĭng dak ƀâu kah ma khân păng, ăn n'hao kan jêh ri nhhơr khân păng gay ma khân păng kloh ueh ƀư nau kan kôranh ƀư brah ma Gâp.

Êsêkiêl 42:14

Tơlah lăp jêh ta ntŭk kloh ueh nây, lĕ phung kôranh ƀư brah mâu dơi luh du tă bơh ntŭk kloh ueh gay luh tâm nkual padih ôh kŏ tât khân păng doh jêh ri dơm lĕ kho ao hŏ nsoh jêh dôl pah kan, yorlah lĕ kho ao nây jêng kloh ueh. Khân păng tơh kho ao êng êlor ma hăn dăch ntŭk prăp ma phung ƀon lan.”

Kan Lêvi 14:9

Tât ta nar tal pơh, păng mra poih lĕ soar, sŏk, têp jêh ri rsau sâng măt, pih kho ao jêh ri ŭm tâm dak gay ma păng dơi geh nau kloh.

Kan Lêvi 16:25

Păng ăt gŭch đŏng ngi mpa ƀư brah chuai nau tih ta klơ nơng ƀư brah.

Kan Lêvi 22:6

nơm nây mra jêng ƀơ̆ tât kêng măng jêh ri mâu dơi sa ôh ndơ nhhơr kloh ueh, lah păng ê hŏ ŭm tâm dak.

Kan Lêvi 9:7

Jêh nây Y-Môis lah ma Y-Arôn: “Nâu văch hom dăch ta nơng ƀư brah nhhơr ndơ ƀư brah chuai nau tih jêh ri ndơ ƀư brah gŭch gay ƀư ndơ ƀư brah chuai nau tih ma may nơm jêh ri ma phung ƀon lan, jêh nây nhhơr ndơ ƀư brah bơh phung ƀon lan jêh ri ƀư ndơ ƀư brah chuai nau tih ma khân păng, tĭng nâm Brah Yêhôva ntăm nti jêh.”

ហេឞ្រើ 9:10

ƀiălah jêng knŏng tât ma ndơ sông sa, ndơ nhêt jêh ri lĕ nau rƀŭn ƀư kloh êng, jêng lĕ nau vay nchâp nglay săk djôt prăp kŏ tât rnôk nau tâm rgâl.